Vísindaleg flokkun

Vísindaleg flokkun er flokkun sem líffræðingar beita til að flokka lifandi og útdauðar lífverur. Nútíma flokkun á rætur sínar að rekja til verka Carl von Linné sem flokkaði lífverur samkvæmt sameiginlegum útlitseinkennum. Carl von Linné var grasafræðingur og byggði flokkun sína á plöntum einkum á fjölda fræfla. Hann kom einnig fram með tvínafnakerfið. Flokkunarkerfið byggir á stigskiptri flokkun þannig að skyldar tegundir mynda saman ættkvíslir, skyldar ættkvíslir mynda ættir o.s.frv. Þessi flokkun hefur verið endurbætt síðan Charles Darwin kom fram með þróunarkenningu sína.

Dæmi

Meðfylgjandi er dæmi um venjulega flokkun á fimm tegundum en þær eru: Ávaxtafluga (Drosophila melanogaster) sem er svo algeng í erfðafræðirannsóknastofum, maður (Homo sapiens), gráerta (Pisum sativum) sem Gregor Mendel notaði við uppgötvanir sínar í erfðafræði, berserkjasveppur (Amanita muscaria) og E. coli bakterían (Escherichia coli). Hinir átta flokkar eru feitletraðir. Einnig koma fram undirflokkar.

Flokkur	Ávaxtafluga	Maður	Gráerta	Berserkjasveppur	E. coli
Lén	Heilkjörnungar	Heilkjörnungar	Heilkjörnungar	Heilkjörnungar	Gerlar
Ríki	Dýraríki	Dýraríki	Plönturíki	Svepparíki
Fylking	Liðdýr	Seildýr	Dulfrævingar	Basidiomycota	Proteobacteria
Undirfylking	Sexfætlur	Hryggdýr	Magnoliophytina	Agaricomycotina
Flokkur	Skordýr	Spendýr	Tvíkímblöðungar	Agaricomycetes	Proteobacteria
Undirflokkur	Vængberar	Legkökuspendýr	Magnoliidae	Agaricomycetidae	Gammaproteobacteria
Ættbálkur	Diptera	Primatar	Fabales	Agaricales	Enterobacteriales
Undirættbálkur	Brachycera	Haplorrhini	Fabineae
Ætt	Drosophilidae	Hominidae	Fabaceae	Amanitaceae	Enterobacteriaceae
Undirætt	Drosophilinae	Homininae	Faboideae
Ættkvísl	Drosophila	Homo	Pisum	Amanita	Escherichia
Tegundir	D. melanogaster	H. sapiens	P. sativum	A. muscaria	E. coli

Tenglar

• Nafngiftir jurta og dýra Lesbók Morgunblaðsins, 8. tölublað (05.03.1961), Blaðsíða 130
• Flokkun berserkjasvepps. Index Fungorum - vefur um flokkun sveppa.

  Þessi líffræðigrein er stubbur. Þú getur hjálpað til með því að bæta við greinina.