EV6 Fljótaleiðin
EV6 Fljótaleiðin eða Atlantshaf-Svartahaf er 3.653 km EuroVelo-hjólaleið sem liggur frá Saint-Nazaire við ósa árinnar Loire í Frakklandi að Constanța við Svartahafsströnd Rúmeníu. Leiðin fylgir nokkrum stórum ám eftir. Hún liggur meðfram stórum hluta Loire, hluta af Saône og Rínarfljóti og nær allri Dóná. Leiðin fer í gegnum 10 lönd, Frakkland, Sviss, Þýskaland, Austurríki, Slóveníu, Ungverjaland, Serbíu, Króatíu, Búlgaríu og Rúmeníu.
Hluti leiðarinnar er á vinsælustu hjólaleið Evrópu, Dónárhjólastígnum, sem liggur milli Donaueschingen og Passau í Þýskalandi og heldur áfram til Vínarborgar, Novi Sad og Belgrad að Dónárósum. Víða er hægt að velja tvær leiðir eftir því hvorum bakka árinnar farið er eftir.
Leiðin
breyta- Frakkland: Leiðin liggur meðfram Loire frá Saint-Nazaire um Nantes, Tours, Blois, Orléans og Nevers þar sem hún fer meðfram Canal du Centre að Saône þar sem hún fer um Besançon, Baume-les-Dames, Montbéliard að Mulhouse í Elsass.
- Sviss: Leiðin fer yfir landamærin við Basel og fylgir Rínarfljóti að Bodensee.
- Þýskaland: Frá Bodensee fylgir leiðin Hohenzollernleiðinni til Tuttlingen og heldur svo áfram eftir Dónárleiðinni (Radnetz Deutschland-leið D6) um Sigmaringen, Scheer, Ulm, Leipheim, Günzburg, Donauwörth, Ingolstadt, Regensburg til Passau.
- Austurríki: Í Austurríki fylgir leiðin Dóná beggja vegna árinnar og fer í gegnum Linz og Vínarborg.
- Slóvakía: Leiðin fer um Bratislava.
- Ungverjaland: Leiðin fer um Győr, Esztergom, Visegrád, Búdapest, Kalocsa, Baja og Mohács.
- Króatía (hjáleið): Leiðin fer um Kneževi Vinogradi, Lug, Osijek og Vukovar.
- Serbía: Leiðin fer um Apatin, Novi Sad, Belgrad og Pančevo.
- Búlgaría (hjáleið): Leiðin liggur um Vidin, Lom, Belene, Ruse og Silistra.
- Rúmenía: Leiðin fer um Drobeta-Turnu Severin, Cernavodă, Brăila, Tulcea, Sulina, Babadag að Constanța.
Myndir
breyta-
Merkingar í Frakklandi með merkinu La Loire à vélo. -
Merkingar í Sviss. -
Merkingar í Þýskalandi. -
Hjólaleið meðfram Dóná í Ungverjalandi. -
Merkingar í Serbíu.
