Birmingham

Birmingham (borið fram [/ˈbɝmɪŋəm/] eða [/ˈbɝːmɪŋɡəm/] af íbúum borgarinnar) er borg í Vestur-Miðhéruðum á Englandi. Hún er önnur fjölmennasta borg á Bretlandi og er fjölmennasta borgin í English Core Cities-hópnum. Þar bjuggu rúmlega 1,1 milljón manns árið 2017 en með nágrannabyggðum er stórborgarsvæðið með um 4,3 milljónir. Í þessu þéttbýli eru nokkrar aðrar borgir, þ.e. Solihull, Wolverhampton og borgirnar í Black Country.

Birmingham
Birmingham
Birmingham í Englandi
Land	Englandengar
Svæði	Vestur-Miðhéruð
Sýsla	Vestur Miðhéruð
Stofnun	6. öld
Undirskiptingar	engar
Stjórnarfar
• Oddviti	Shafique Shah (Lord Mayor)
Flatarmál
• Samtals	267,77 km2
Hæð yfir sjávarmáli	140 m
Mannfjöldi  (2017)
• Samtals	1.137.123
• Þéttleiki	3.739/km2
Póstnúmer	B
Svæðisnúmer	01905
Tímabelti	GMT
Vefsíða	www.birmingham.gov.uk

Meðan á Iðnbyltinginni stóð var borgin orðlægð fyrir auðæfi sín. Hún var þekkt undir nöfnunum „verkstæði heimsins“ og „borg þúsund starfsgreina“. Borgin varð fyrir miklum skemmdum í sprengjuárásum Þjóðverja í seinni heimsstyrjöld (Birmingham Blitz). Eftir heimsstyrjöldina varð mikil uppbygging í borginni og fjöldi innflytjenda frá Breska samveldinu komu þangað. Birmingham hefur nú þróast í viðskiptamiðstöð á landsvísu.

Borgarbúar eru kallaðir Brummies.

Menning og íþróttir

Helstu menningarstofnanir eru: City of Birmingham Symphony Orchestra, The Birmingham Royal Ballet, the Birmingham Repertory Theatre, the Library of Birmingham og the Barber Institute of Fine Arts.

Tónlistarlíf hóf að blómstra á 7. áratugnum með hljómsveitum eins og The Spencer Davis Group, The Moody Blues, Traffic og The Electric Light Orchestra. Borgin er oft talin fæðingarstaður þungarokksins en Black Sabbath, Judas Priest og Led Zeppelin voru þaðan. Einnig má nefna bönd eins og Duran Duran og Ocean Colour Scene.

Aston Villa og Birmingham City eru helstu knattspyrnuliðin.

Birmingham.