Beinagrind mannsins

Beinagrind mannsins er innri stoðgrind mannslíkamans og er samsett úr um 270 beinum við fæðingu. Sum þessara beina gróa saman síðar á mannsævinni þannig að fullorðið fólk hefur um 206 bein. Beinmassinn er um 14% af heildarþyngd (um 10-11 kg í meðalmanneskju) og nær hámarksþyngd í kringum 25-30 ára aldur. Beinagrind mannsins má skipta í tvo hluta: ásgrind og limagrind, þar sem ásgrindin er gerð úr hryggjarsúlu, brjóstkassa, höfuðkúpu og tengdum beinum; meðan limagrindin er gerð úr axlargrind, mjaðmagrind og beinum í efri og neðri útlimum.

Skýringarmynd sem sýnir beinagrind konu með heitum helstu beina.

Beinagrindin gegnir eftirfarandi hlutverkum:

• Hún heldur líkamanum uppréttum
• Hún styður við vefi og líffæri
• Hún verndar lífsnauðsynleg líffæri
• Bein hennar flytja til vöðvakrafta
• Rauði beinmergur beinanna framleiðir blóðfrumur
• Beinin eru forðabúr fyrir kalk- og fosföt.

Flokkun

Mannbeinagrindinni er gjarnan skipt í tvo flokka beina:

• Ásgrind, sem er höfuðkúpa, hryggsúla, rifbein og bringubein
• Limagrind, en honum tilheyra efri og neðri útlimir, axlagrind og mjaðmagrind, að undanskildu spjaldbeininu.

Stutt yfirlit yfir þau bein sem eru á myndinni til hliðar:

Íslenskt heiti beins	Latnesk heiti beins	Stutt lýsing	Hlutverk
Viðbein	Clavicula	Frekar lítið bein, myndar S-línu	Tengir herðablað og bringubein og tekur þátt í myndun axlarliðs
Lærleggur	Femur	Stærsta bein líkamans, á því er væg sveigja
Dálkur	Fibula	Veitir vöðvafestu og er veigaminna beinið í fótleggnum
Upphandleggsbein	Humerus	Lengsta og stærsta bein í efri útlim
Geislabein	Radius	Staðsett þumalsmegin í framhandlegg. Bugða liggur eftir endilöngu beininu
Herðablað	Scapula	Flatt að hluta, þríhyrnt
Öln	Ulna	Litla fingurs megin í framhandlegg
Hnéskel	Patella
Sköflungur	Tibia	Stórt bein í fótlegg
Bringubein	Os sternum		Það veitir hjartanu vernd og festir framenda rifjanna. Blóðmergur beinsins framleiðir mikið af rauðum blóðkornum

Tengt efni

• Listi yfir bein í beinagrind mannsins

  Þessi grein er stubbur. Þú getur hjálpað til með því að bæta við greinina.