Þórunn Valdimarsdóttir

Þórunn Jarla Valdimarsdóttir eða Erlu- og Valdimarsdóttir (f. 25. ágúst 1954) er alin upp í Reykjavík, íslenskur rithöfundur og sagnfræðingur. Hún hefur skrifað rúmlega 20 bækur, ótal greinar og unnið þætti fyrir útvarp og sjónvarp um söguleg efni. Hún vakti fyrst almenna athygli fyrir þriðju bók sína, ævisöguna Snorri á Húsafelli árið 1989.

Þórunn lauk stúdentsprófi frá Menntaskólanum við Hamrahlíð árið 1973, nam sagnfræði í Lundi Svíþjóð 1973-74 og sat í listaháskóla San Miguel de Allende Mexíkó 1977-78. Lauk cand. mag. prófi í sagnfræði frá Háskóla Íslands árið 1983 og hefur síðan stundað ritstörf. Eiginmaður Þórunnar var Eggert Þór Bernharðsson (1958-2014) sagnfræðingur og rithöfundur og eignuðust þau tvo syni, Gunnar Theodór og Valdimar Ágúst.

Verk

Ævisögur

• 1986 - Af Halamiðum á Hagatorgi (ævisaga Einars Jónssonar í Lækjarhvammi)
• 1989 - Snorri á Húsafelli: saga frá 18. öld
• 1990 - Sól í Norðurmýri: píslarsaga úr Austurbæ (æskusaga Megasar)
• 2000 - Engin venjuleg kona; litríkt líf Sigrúnar Jónsdóttur kirkjulistakonu
• 2006 - Upp á sigurhæðir, ævisaga Matthíasar Jochumssonar
• 2011 - Með sumt á hreinu, ævisaga Jakobs Frímanns Magnússonar
• 2018 - Skúli Fógeti: Faðir Reykjavíkur - saga frá átjándu öld

Skáldsögur

• 1992 - Júlía
• 1994 - Höfuðskepnur: ástarbréfaþjónusta
• 1997 - Alveg nóg
• 1999 - Stúlka með fingur
• 2001 - Hvíti skugginn
• 2007 - Kalt er annars blóð
• 2010 - Dagur kvennanna. Ástarsaga (ásamt Megasi)
• 2010 - Mörg eru ljónsins eyru
• 2013 - Stúlka með maga
• 2015 - Stúlka með höfuð

Ljóð

• 1991 - Fuglar
• 2008 - Loftnet klóra himin
• 2010 - Antennae Scratch Sky (scratch scratch)
• 2018 - Villimaður í París

Sagnfræði

• 1986 - Sveitin við sundin: búskapur í Reykjavík 1870-1950, 1986
• 1997 - Leikfélag Reykjavíkur: Aldarsaga (ásamt Eggerti Þór Bernharðssyni)
• 2000 - Kristni á Íslandi 4. bindi (fyrri hluti bókarinnar)
• 2002 - Horfinn heimur : Árið 1900 í nærmynd
• 2021 - Bærinn brennur : Síðasta aftakan á Íslandi

Verðlaun og viðurkenningar

• 1992 - Fyrstu verðlaun í örverkasamkeppni Bjarts og frú Emelíu.
• 1999 - Menningarverðlaun DV fyrir bókina Stúlka með fingur
• 2001 - Tilnefning til Bókmenntaverðlauna Norðurlandaráðs fyrir bókina Stúlka með fingur
• 2006 - Viðurkenning Félags bókasafns- og upplýsingafræða fyrir bestu frumsömdu fræðibók ársins, Upp á Sigurhæðir
• 2008 - Verðlaun úr Rithöfundasjóði Ríkisútvarpsins
• 2010 - Rauða hrafnsfjörðin fyrir bókina Dagur kvennanna. Ástarsaga.
• 2013 - Fjöruverðlaunin fyrir bókina Stúlka með maga.
• 2019 - Sæmd riddarakrossi Hinnar íslensku fálkaorðu