Zlatan Ibrahimović

Ibrahimović í leik með sænska landsliðinu árið 2012.

Zlatan Ibrahimović (f. 3. október 1981 í Malmö) er sænskur knattspyrnumaður sem spilar sem framherji fyrir AC Milan. Hann er sonur bosnísks föður og króatískrar móður sem fluttu til Svíþjóðar árið 1977.

Ibrahimović hóf ferilinn með heimaliði sínu Malmö FF en hefur síðan spilað með Ajax, Inter Milan, AC Milan, Juventus, FC Barcelona og Paris Saint-Germain. Hann gekk til liðs við Manchester United árið 2016. Árið 2018 hélt hann til LA Galaxy í Bandaríkjunum.

Ibrahimović ákvað að segja skilið við sænska landsliðið eftir Evrópumótið í Frakklandi árið 2016. Hann spilaði 116 leiki og skoraði 62 mörk með landsliðinu. Hann hefur skorað meira en 550 mörk í efstu stigum knattspyrnu.

TilvísanirBreyta