Rafik Hariri
Rafik Baha El Deen Al-Hariri (1. nóvember 1944 – 14. febrúar 2005) var líbanskur athafna- og stjórnmálamaður. Hann var mjög áberandi í líbönsku stjórnmála- og efnahagslífi á árunum eftir borgarastyrjöldina í landinu og var tvívegis forsætisráðherra Líbanons, frá 1992 til 1998 og 2000 til 2004. Líkt og allir forsætisráðherrar landsins var Hariri súnnímúslimi.[2]
| Rafik Hariri رفيق الحريري | |
|---|---|
 Rafik Hariri árið 2001. | |
| Forsætisráðherra Líbanons | |
| Í embætti 31. janúar 1992 – 2. desember 1998 | |
| Forseti | Elias Hrawi Émile Lahoud |
| Forveri | Rachid Solh |
| Eftirmaður | Selim Hoss |
| Í embætti 23. október 2000 – 21. október 2004 | |
| Forseti | Émile Lahoud |
| Forveri | Selim Hoss |
| Eftirmaður | Omar Karami |
| Persónulegar upplýsingar | |
| Fæddur | 1. nóvember 1944 Sídon, Líbanon |
| Látinn | 14. febrúar 2005 (60 ára) Beirút, Líbanon |
| Dánarorsök | Myrtur |
| Þjóðerni | Líbanskur (með sádi-arabískan ríkisborgararétt[1]) |
| Stjórnmálaflokkur | Framtíðarhreyfingin |
| Maki | Nidal Bustani, Nazik Hariri |
| Börn | 6; þ. á m. Saad Hariri |
| Starf | Athafnamaður, stjórnmálamaður |
Hariri flutti árið 1965 í viðskiptaerindum til Sádi-Arabíu og efnaðist þar mjög í byggingariðnaðinum en flutti aftur til Líbanons árið 1990 og tók þar þátt í endurbyggingu Beirút eftir eyðileggingu borgarastyrjaldarinnar.[1] Hann varð forsætisráðherra Líbanons árið 1992 og vann náið með sýrlenskum áhrifamönnum í landinu. Hann fjarlægðist síðar Sýrlendingana og krafðist þess árið 2004 að sýrlenskir hermenn hefðu sig á brott úr Líbanon. Þegar embættistíð Émile Lahoud forseta landsins var framlengd vegna þrýstings frá Sýrlendingum sagði Hariri af sér í mótmælaskyni.
Rafik Hariri var myrtur í sprengjuárás á bílalest hans á götum Beirút þann 11. febrúar árið 2005. Fjórir meðlimir Hizbollah voru ákærðir fyrir morðið og síðar sakfelldir að þeim fjarstöddum af sérstökum dómstól Sameinuðu þjóðanna árið 2020.[3] Aðrir telja þó fremur að sýrlensk stjórnvöld hafi staðið á bak við morðið. Morðið á Hariri leiddi til sedrusbyltingarinnar í Líbanon, sem leiddi til þess að Sýrlendingar drógu her sinn úr landinu.
Tilvísanir breyta
- ↑ 1,0 1,1 „Líbanir gera sér góðar vonir um nýjan forsætisráðherra“. Tíminn. 22. desember 1992. bls. 13.
- ↑ Jóhanna Kristjónsdóttir (22. júní 1997). „Misklíð þríeykisins í Líbanon vekur ugg“. Morgunblaðið. bls. 5.
- ↑ „Sakfelldur fyrir morðið á Hariri“. mbl.is. 18. ágúst 2020. Sótt 18. ágúst 2020.
| Fyrirrennari: Rachid Solh |
|
Eftirmaður: Selim Hoss | |||
| Fyrirrennari: Selim Hoss |
|
Eftirmaður: Omar Karami | |||
Þetta æviágrip sem tengist stjórnmálum er stubbur. Þú getur hjálpað til með því að bæta við greinina.