Körfuknattleikssamband Íslands
Körfuknattleikssamband Íslands (skammstafað KKÍ) var stofnað 29. janúar 1961. Sambandið er æðsti aðili um öll körfuknattleiksmál innan vébanda Íþrótta- og Ólympíusambands Íslands (ÍSÍ).
| Körfuknattleikssamband Íslands | |
| |
| Fullt nafn | Körfuknattleikssamband Íslands |
| Skammstöfun | KKÍ |
|---|---|
| Stofnað | 29. janúar 1961[1] |
| Stjórnarformaður | Kristinn Albertsson |
| Iðkendafjöldi 2012 | 9.241[2] |
Saga
breytaÍ fyrstu stjórn KKÍ voru Bogi Þorsteinsson, sem var kjörinn formaður, Benedikt Jakobsson, Matthías Matthíasson, Magnús Björnsson, Kristinn V. Jóhannsson, Ásgeir Guðmundsson og Helgi V. Jónsson. Bogi var formaður KKÍ í tæp níu ár samfleytt; frá stofnfundinum fram að aðalfundi 1. nóvember 1969, þegar hann gaf ekki kost á sér til endurkjörs.
Stofnaðilar voru Körfuknattleiksráð Reykjavíkur, Íþróttabandalag Suðurnesja, Íþróttabandalag Hafnarfjarðar, Íþróttabandalag Keflavíkur, Íþróttabandalag Akureyrar og Íþróttabandalag Vestmannaeyja. Forseti stofnþingsins var Benedikt G. Waage, þáverandi forseti Íþróttasambands Íslands.
Fyrsti stjórnarfundur hins nýja sambands var haldinn 1. febrúar 1961 og var verkaskipting eftirfarandi: Bogi Þorsteinsson var formaður, Benedikt Jakobsson varaformaður, Matthías Matthíasson gjaldkeri, Kristinn V. Jóhannsson fundarritari og Magnús Björnsson bréfritari.
Það kostaði mikla baráttu að fá að stofna KKÍ, því sum sérsamböndin sem fyrir voru, til dæmis Handknattleikssambandið, beittu sér sérstaklega gegn því. Í viðtalið við Björn Leósson, árið 1993 segir Bogi Þorsteinsson að þar hafi menn strax verið hræddir við samkeppnina.
Sextán einstaklingar hafa gegn stöðu formanns KKÍ, og er Kristinn Albertsson núverandi formaður sambandsins.
Aðalstyrktaraðili KKÍ er Bónus og nefnast efstu deildir karla og kvenna eftir fyrirtækinu, Bónus deild karla og Bónus deild kvenna
Formenn KKÍ frá upphafi
breytaTengt efni
breytaTilvísanir
breyta- ↑ „Um KKÍ“. Sótt 18. október 2011.
- ↑ „Starfsskýrslur ÍSÍ - Iðkendur 2023“ (PDF). Sótt 11. mars 2023.
Heimildir
breyta- „Starfsskýrslur ÍSÍ - Iðkendur 2010“ (PDF). Sótt 18. október 2011.
- „Um KKÍ“. Sótt 18. október 2011.
- „Stjórn KKÍ“. Sótt 18. október 2011.
- Leikni framar líkamsburðum eftir Skapta Hallgrímsson, útg. Körfuknattleikssamband Íslands 2001
