Hljómar

Hljómar voru rokkhljómsveit af Suðurnesjunum, stofnuð 5. október árið 1963 og starfaði í sex ár, eða til ársins 1969. Hljómar voru ein vinsælasta hljómsveit Íslands á ofanverðri 20. öld, og með henni hóf bítlamenningin innreið sína á Íslandi fyrir alvöru.

Hljómar
Fæðing	Hljómar
Uppruni	Keflavík, Íslandi
Ár	1963 - 1969
Stefnur	rokk
Útgáfufyrirtæki	SG Hljómplötur
Samvinna	Trúbrot
Meðlimir	Rúnar Júlíusson Gunnar Þórðarson Erlingur Björnsson Engilbert Jensen Shady Owens Gunnar Jökull Hákonarson Björgvin Halldórsson Birgir Hrafnsson Pétur Östlund

Hljómsveitin Hljómar var stofnuð af yngstu meðlimum hljómsveitar Guðmundar Ingólfssonar, Gunnari Þórðarsyni gítarleikara, Einari Júlíussyni söngvara og Erlingi Björnssyni gítarleikara. Þeir fengu til liðs við sig trommarann Eggert Kristinsson og Rúnar Júlíusson sem lék á bassa. Hljómsveitin lék fyrst í Krossinum í Ytri-Njarðvík en sló í gegn á landsvísu eftir tónleika í Háskólabíói 4. mars 1964. Hljómar voru fyrsta íslenska bítlahljómsveitin sem náði almennum vinsældum. Hljómsveitin starfaði með nokkrum mannabreytingum til 1969 þegar hún leystist upp. Nokkrir meðlimir hennar tóku þátt í stofnun Trúbrots 1969.

Hljómar léku árið 1966 í kvikmyndinni Umbarumbamba, sem hét Sveitaball á íslensku. Gefin var út samnefnd plata í Bretlandi með Thor´s Hammer, en svo nefndu Hljómar sig utan landsteinanna. Plata þessi varð síðar mjög eftirsótt af söfnurum.

Tenglar

• Umfjöllun um Hljóma á Glatkistunni

  Þessi grein er stubbur. Þú getur hjálpað til með því að bæta við greinina.