Guðjón Arnar Kristjánsson
Guðjón Arnar Kristjánsson (5. júlí 1944 – 17. mars 2018) var íslenskur stjórnmálamaður og formaður Frjálslynda flokksins. Guðjón var fyrrverandi skipstjóri og fjallaði mikið um sjávarútvegsmál og hagsmuni sjómanna. Vegna þessa var hann af mörgum talinn talsmaður landsbyggðarinnar.
| Guðjón Arnar Kristjánsson (GAK) | |||||||||||||
|---|---|---|---|---|---|---|---|---|---|---|---|---|---|
 | |||||||||||||
| Alþingismaður | |||||||||||||
| |||||||||||||
| Persónulegar upplýsingar | |||||||||||||
| Fæddur | 5. júlí 1944 Ísafirði, Íslandi | ||||||||||||
| Látinn | 17. mars 2018 (73 ára) Reykjavík, Íslandi | ||||||||||||
| Stjórnmálaflokkur | Frjálslyndi flokkurinn | ||||||||||||
| Maki | Björg Hauksdóttir (skilin) Maríanna Barbara Kristjánsson (g. 1989) | ||||||||||||
| Börn | 6 | ||||||||||||
| Æviágrip á vef Alþingis | |||||||||||||
Guðjón var sonur Kristjáns Sigmundar Guðjónssonar og konu hans, Jóhönnu Jakobsdóttur. Fyrir stjórnmálaferilinn fékkst Guðjón við sjómennsku, hann lauk stýrimannanámi við Stýrimannaskólann í Reykjavík og var skipstjóri í þrjá áratugi. Guðjón var formaður Skipstjóra- og stýrimannafélagsins Bylgjunnar 1975-1984 og forseti Farmanna- og fiskimannasambands Íslands 1983-1999. Guðjón var meðlimur í Sjálfstæðisflokknum líkt og Sverrir Hermannsson en árið 1999 sögðu þeir sig frá honum og stofnuðu Frjálslynda flokkinn. Guðjón hafði þann siðinn að halda ræður einhverstaðar á landinu á Sjómannadeginum.
Guðjón lýsti sig andsnúinn stuðningi íslenskra stjórnvalda við stríðið í Írak. [1] Frjálslyndi flokkurinn var gagnrýndur fyrir umburðarlitla afstöðu sína gagnvart innflytjendum. Guðjón hélt því sjálfur fram t.d. að undirboð erlends vinnuafls skaðaði starfsaldurtengd lífeyrisréttindi íslenskra iðnaðarmanna. [2]
Tengill
breyta
Þetta æviágrip sem tengist stjórnmálum og Íslandi er stubbur. Þú getur hjálpað til með því að bæta við greinina.