Folklore (Taylor Swift plata)

Folklore (stílað í lágstöfum) er áttunda breiðskífa bandarísku söngkonunnar Taylor Swift. Platan var gefin út óvænt þann 24. júlí 2020 af Republic Records. Í upphafi árs 2020 aflýsti Swift tónleikaferðalagi fyrir sjöundu plötuna sína, Lover (2019), vegna COVID-19 faraldursins. Hún samdi Folklore í sóttkví ásamt framleiðendunum Aaron Dessner og Jack Antonoff. Þeir störfuðu í upptökuverum í Hudson Valley og New York-borg, meðan Swift tók upp í heimastúdíói í Los Angeles.

Folklore
Breiðskífa eftir Taylor Swift
Gefin út	24. júlí 2020 (2020-07-24)
Tekin upp	2020
Hljóðver	Conway (Los Angeles) Kitty Committee (Los Angeles) Electric Lady (New York) Long Pond (Hudson Valley) Rough Customer (Brooklyn)
Stefna	Indíþjóðlaga jaðarrokk raftónlist
Lengd	63:29
Útgefandi	Republic
Stjórn	Aaron Dessner Jack Antonoff Taylor Swift Joe Alwyn
Tímaröð – Taylor Swift
Lover (Live from Paris) (2020) Folklore (2020) Folklore: The Long Pond Studio Sessions (2020)
Smáskífur af Folklore
„Cardigan“ Gefin út: 27. júlí 2020 „Exile“ Gefin út: 3. ágúst 2020 „Betty“ Gefin út: 17. ágúst 2020

Ólíkt fyrri plötum sem á má heyra popphljóma, samanstendur Folklore af mjúkum ballöðum með hljóðfæraleik á píanó, gítara, strengja og tempruð ásláttarhljóðfæri. Stefnur hennar má flokka sem indíþjóðlaga og jaðarrokk. Hún fær innblástur úr einangruninni sem fylgir sóttkví og skoðar tilfinningar sem tengjast raunveruleikaflótta, samúð, fortíðarþrá og rómantík. Platan notar persónur og söguþræði.

Folklore komst á topp margra vinsældalista í ýmsum löndum og er viðurkennd sem platína í Ástralíu, Danmörku, Nýja-Sjálandi, Noregi, Póllandi, og Bretlandi. Í Bandaríkjunum var hún sjöunda plata Swift til að ná fyrsta sæti á Billboard 200 listanum. Þrjár smáskífur voru gefnar út; „Cardigan“, „Exile“ ásamt Bon Iver, og „Betty“. „Cardigan“ var sjötta lag Swift til að ná fyrsta sæti á Billboard Hot 100.

Platan hlaut einróma lof gagnrýnenda. Folklore kom fram á mörgum listum yfir bestu plötur ársins 2020, og einnig á lista Rolling Stone yfir „500 bestu plötur allra tíma“ árið 2023. Hún vann Grammy-verðlaun fyrir plötu ársins (Album of the Year) sem gerði Swift að fyrstu konunni til að vinna slík verðlaun í þrígang. Hún flutti plötuna í beinni fyrir tónleika-heimildamyndina Folklore: The Long Pond Studio Sessions fyrir Disney+ sem kom út 25. nóvember 2020, og gaf út framhald af plötunni, Evermore (2020), tveim vikum seinna.

Lagalisti

Upplýsingar af Tidal.

Folklore – Stöðluð útgáfa

Nr.	Titill	Lagahöfundur/ar	Stjórn	Lengd
1.	„The 1“	Taylor Swift Aaron Dessner	Dessner	3:30
2.	„Cardigan“	Swift Dessner	Dessner	3:59
3.	„The Last Great American Dynasty“	Swift Dessner	Dessner	3:51
4.	„Exile“ (ásamt Bon Iver)	Swift William Bowery Justin Vernon	Dessner Joe Alwyn	4:45
5.	„My Tears Ricochet“	Swift	Swift Jack Antonoff Alwyn	4:15
6.	„Mirrorball“	Swift Antonoff	Swift Antonoff	3:29
7.	„Seven“	Swift Dessner	Dessner	3:28
8.	„August“	Swift Antonoff	Swift Antonoff Alwyn	4:21
9.	„This Is Me Trying“	Swift Antonoff	Swift Antonoff Alwyn	3:15
10.	„Illicit Affairs“	Swift Antonoff	Swift Antonoff Alwyn	3:10
11.	„Invisible String“	Swift Dessner	Dessner	4:12
12.	„Mad Woman“	Swift Dessner	Dessner	3:57
13.	„Epiphany“	Swift Dessner	Dessner	4:49
14.	„Betty“	Swift Bowery	Swift Dessner Antonoff Alwyn	4:54
15.	„Peace“	Swift Dessner	Dessner	3:54
16.	„Hoax“	Swift Dessner	Dessner	3:40
Samtals lengd:				63:29

Folklore – Deluxe útgáfa

Nr.	Titill	Lagahöfundur/ar	Stjórn	Lengd
17.	„The Lakes“	Swift Antonoff	Swift Antonoff	3:31
Samtals lengd:				67:00

Athugasemdir

• Öll lögin eru stíluð í lágstöfum.