Íhaldsflokkurinn (Bretland)
Flokkur íhaldsmanna og sambandssinna (enska: Conservative & Unionist Party) sem er betur þekktur sem Íhaldsflokkurinn (Conversative Party) er breskur stjórnmálaflokkur. Hann var á rætur að rekja aftur til ársins 1678 en var formlega stofnaður árið 1834. Í daglegu tali eru þeir oft kallaðir Tories.
| Íhaldsflokkurinn Conservative and Unionist Party | |
|---|---|
| Leiðtogi | Kemi Badenoch |
| Formaður | Richard Fuller |
| Framkvæmdastjóri | Stephen Massey |
| Stofnár | 1834 |
| Höfuðstöðvar | 4 Matthew Parker Street, London SW1H 9HQ |
| Stjórnmálaleg hugmyndafræði |
Íhaldsstefna |
| Einkennislitur | Blár |
| Sæti á neðri þingdeild |  |
| Sæti á efri þingdeild |  |
| Vefsíða | conservatives |
Helstu stefnur flokksins eru íhaldsstefna, bresk sambandsstefna, frjálslynd íhaldsstefna og thatcherismi.
Winston Churchill og Margaret Thatcher voru forsætisráðherrar fyrir flokkinn.
Íhaldsflokkurinn var síðast við völd í Bretlandi á fjórtán ára tímabili frá 2010 til 2024. Á þessum tíma lenti flokkurinn í fyrsta sæti í fernum kosningum í röð, árin 2010, 2015, 2017 og 2019. Innanflokksdeilur, einkum um útgöngu Bretlands úr Evrópusambandinu og framkvæmd hennar, stuðluðu á þessum tíma til tíðra leiðtogaskipta Íhaldsflokksins, sem leiddi til þess að frá 2010 til 2024 átti Bretland fimm forsætisráðherra (David Cameron, Theresu May, Boris Johnson, Liz Truss og Rishi Sunak) úr flokknum. Íhaldsflokkurinn galt afhroð í þingkosningum ársins 2024 og er nú í stjórnarandstöðu.[1]
Tilvísanir
breyta- ↑ „Hættir sem formaður Íhaldsflokksins“. mbl.is. 5. júlí 2024. Sótt 5. júlí 2024.
