Ensími (hljómsveit)

Ensími er íslensk rokkhljómsveit úr Hafnarfirði sem var stofnuð árið 1996. Upphafsmenn og stofnendur voru Hrafn Thoroddsen og Jón Örn Arnarson en þeir voru áður í hljómsveitinni Jet Black Joe. Ensími hlaut tvenn verðlaun á Íslensku tónlistarverðlaununum árið 1999, annars vegar fyrir lag ársins í flokki popp/rokk (Atari af Kafbátamúsík) og hins vegar sem bjartasta vonin. Árið 2003 stóð Ensími uppi sem sigurvegari í tónlistarspurningaþættinum Popppunkti.

Ensími
Uppruni	Hafnarfjörður, Íslandi
Ár	1996–í dag
Stefnur	Rokk
Útgefandi	Dennis/Skífan HITT/ Edda
Meðlimir	Hrafn Thoroddsen Jón Örn Arnarson Franz Gunnarsson Guðni Finnsson Þorbjörn Sigurðsson Arnar Þór Gíslason
Fyrri meðlimir	Jón Örn Arnarson Oddný Sturludóttir Kristinn Gunnar Blöndal

Meðlimir

Núverandi

• Hrafn Thoroddsen - söngur, gítar og hljómborð
• Franz Gunnarsson - gítar og söngur
• Guðni Finnsson - bassi
• Þorbjörn Sigurðsson - hljómborð
• Arnar Þór Gíslason - trommur

Fyrrverandi

• Jón Örn Arnarson - trommur
• Oddný Sturludóttir - hljómborð og söngur
• Kristinn Gunnar Blöndal - hljómborð og söngur

Árið 2002, haustið fyrir tónlistarhátiðina Iceland Airwaves bættist Kristinn Gunnar Blöndal hjómborðsleikari og söngvari við hljómsveitina. Kristinn hefur spilað með hljómsveitum eins og Botnleðju, Sisona, Ó. Jónsson & Grjóni, Emmet, Múldýrinu og ensku hljómsveitinni Starlover. Eftir að hljómsveitin fór í farsæla ferð til Texas í Bandaríkjunum árið 2003 að spila á virtu tónlistarhátiðinni South by Southwest (SXSW) sagði trymbillinn Jón Örn Arnarson skilið við sveitina. Í hans stað kom Arnar Gíslason sem hafði getið sér orðs með sveitum eins og Stolíu, Súrefni, Bang Gang og Dr. Spock .

Útgefið efni

Breiðskífur

• Kafbátamúsík (1998)
• BMX (1999)
• Ensími (2002)
• Gæludýr (2010)
• Herðubreið (2015)

Smáskífur

• Tvær verur (2019)
• Hold hands (2022)

Tenglar

• Umfjöllun um Ensími á Vísi
• Ensími á Ísmús