Adsman
Adsman (arabíska: عجمان, alþjóðlega hljóðstafrófið: /ʕʤma:n/) er það minnsta af Sameinuðu arabísku furstadæmunum við mynni Persaflóa. Landsvæði furstadæmisins er aðeins 260 km², eða svæðið kringum borgina og tvær hjálendur, Masfut og Manama, í Hadsarfjöllunum þar sem er stundaður landbúnaður. Íbúafjöldi Adsman er áætlaður um 270 þúsund (2004) og þar af búa flestir í höfuðborginni Adsman. Furstadæmið hefur vaxið bæði að stærð og í efnahagslegu tilliti sökum nálægðarinnar við Dúbæ.
![](http://upload.wikimedia.org/wikipedia/commons/thumb/2/26/Ajman_in_United_Arab_Emirates.svg/220px-Ajman_in_United_Arab_Emirates.svg.png)
Adsman er þekkt fyrir skipasmíðar. einkum smíðar hefðbundinna arabískra seglskipa (dhow). Borgin er staðsett við náttúrulega vík þar sem slippirnir eru.
Adsman er undir stjórn fursta af Al Nuaimi-ættinni. Núverandi fursti er Humaid bin Rashid Al Nuaimi (frá 1981) sem stjórnar landinu ásamt krónprinsinum Anmar bin Humaid Al Nuaimi. Efnahagur furstadæmisins hefur vaxið mikið undanfarin ár og byggir nú á framleiðslu neysluvara, fiskveiðum, frísvæðum og flutningum auk hefðbundinna skipasmíða.
Furstar í Adsman frá 1820
breyta- Rashid I (1820-1838)
- Humaid I (1838-1841)
- Abdul Aziz I (1841-1848)
- Humaid I (1848-1872)
- Rashid II (1872-1891)
- Humaid II (1891-1900)
- Abdul Aziz II (1900-1908)
- Humaid III (1908-1928)
- Rashid III (1928-1981)
- Humaid IV (frá 1981)
- Krónprins: Ammar bin Humaid Al Nuaimi
Abú Dabí | Adsman | Dúbaí | Fúdsaíra | Ras al-Kaíma | Sjarja | Úmm al-Kúvaín |