Wikipedia:Potturinn/Safn 5

← Safn 4 | Safn 5 | Safn 6 →

Flakkið

Af hverju heitir Potturinn orðið Líðandi stund? Og hvað er orðið af beinu vali inn á Nýjar greinar án þess að fara í Kerfissíður? ?? --Mói 15:00, 16 október 2006 (UTC)

Þetta er alltaf að breytast. Er ekki hægt að koma í veg fyrir að þetta breytist. Hver í ósköpunum er annars að breyta þessu og hvar? --Cessator 17:04, 16 október 2006 (UTC)

Eru þetta ekki einhverjar helv* uppfærslur... ? --Jóna Þórunn 19:33, 16 október 2006 (UTC)

Ég sé ekki betur en að þetta sé komið í lag allavega, frekar pirrandi samt þegar þetta gerist. --Bjarki 22:28, 16 október 2006 (UTC)

Já, nú er allt í lagi hjá mér. Ég hef orðið var við þetta nokkrum sinnum og mér finnst þetta svona vægt pirrandi. Veit virkilega enginn hvað veldur og hvort ekki er hægt að hreinsa þetta út? --Mói 22:56, 16 október 2006 (UTC)

Og nú hefur þetta gerst aftur. Veit virkilega enginn hvernig á þessum breytingum stendur? --Cessator 23:03, 17 október 2006 (UTC)

Ævar sagði „memcache rugl eitthvad“. --Jóna Þórunn 19:55, 18 október 2006 (UTC)

It's baaaaaack! --Stalfur 00:00, 23 nóvember 2006 (UTC)

Hvað veldur? Af hverju getur enginn sagt okkur sem ekki vita hvað er á seyði? Memcache rugl? Er ekki hægt að laga það í eitt skipti fyrir öll? Hreinsa „líðandi stund“ úr chache? Af hverju kemur það alltaf aftur? Möppudýr! Eitthvert ykkar hlýtur að botna eitthvað í þessu. --Cessator 00:53, 23 nóvember 2006 (UTC)

Og enn á ný. Er enginn hér nægilega tölvumenntaður til að geta fundið út úr þessu rugli og lagað það? Þetta er illa þolandi. --Mói 21:30, 4 janúar 2007 (UTC)

Ég prófaði að breyta Melding:Monobook.js, þannig að í stað þess að ta['n-currentevents'] væri new Array(,'Líðandi atburðir'), þá er það new Array (, Líðandi stund'), en þá sjálfkrafa hrökk allt í gang og fór að fúnkera aftur. Sjá betur hér --Gdh 03:05, 5 janúar 2007 (UTC)

Og enn einu sinni er komið rugl á flakk-vallistann. Nú skal Potturinn heita village pump. --Mói 18:15, 7 janúar 2007 (UTC)

Af einhverjum völdum vill þetta ekki lengur kannast við meldinguna Melding:Village pump-url þannig að ég breytti þessu bara í Melding:Sidebar. --Bjarki 18:30, 7 janúar 2007 (UTC)

Vonandi dugar þetta. Ég var annars að pæla hvort það væri ekki fallegra að hafa tengilinn „Handahófsvalin grein“ í einni línu; hann er of langur til þess en orðalaginu yrði breytt t.d. í „Grein af handahófi“ ætti það að sleppa. --Cessator 18:58, 7 janúar 2007 (UTC)

Enn og aftur komið í rugl... :( --Akigka 21:24, 21 febrúar 2007 (UTC)

Ekki hér. Komið í lag? --Jóna Þórunn 23:39, 21 febrúar 2007 (UTC)

Já :) --Akigka 23:41, 21 febrúar 2007 (UTC)

Núna sýnist mér þetta vera komið í ólag aftur. Bæði heitir potturinn núna líðandi stund og eins er tengillinn á nýlegar greinar horfinn. --Cessator 00:35, 24 febrúar 2007 (UTC)

--Akigka 23:41, 21 febrúar 2007 (UTC)--Akigka 23:41, 21 febrúar 2007 (UTC)--Akigka 23:41, 21 febrúar 2007 (UTC)

Fair use myndefni

Lengst af hafa verið mjög fáar fair use myndir hérna á íslensku Wikipediu en þeim hefur smám saman farið fjölgandi. Sjá t.d. Flokkur:Skjáskot sem falla undir sanngjarna notkun en margar eru ekki jafn-vel flokkaðar, t.d. eru Mynd:Fanglongmon.jpg og Mynd:T'Pol.jpeg ekki í neinum flokkum. Ég er ekkert endilega á móti því að hafa þetta efni hérna en það væri ágætt að við tækjum dálitla umræðu um það og reyndum að halda skipulega utan um málefnið með e-u regluverki, góðum sniðum og flokkum. Haukur 00:16, 22 desember 2006 (UTC)

Já, ég held við þurfum að fara að taka aðeins á þessu. Þyrfti að taka einkamyndir, tala við höfunda þeirra og færa á Commons. Hér er fullt af myndum sem falla undir „promotional“ á enskunni, veit ekki hvort þær séu leyfilegar eða ekki. Fair use er fussum-svei. Eins hef ég eitthvað verið að henda út myndum sem hvergi eru notaðar, hef líka hennt þeim inn í greinar þar sem þær eiga heima. --Jóna Þórunn 00:38, 22 desember 2006 (UTC)

Eyða því sem ekki er notað, færa það sem færa má, safna upplýsingum um allar vafasamar myndir og taka svo ákvarðanir fyrir hverja og eina hvort hún fái að vera eða ekki. Held það sé lang best bara að byrja á þessu og sjá hvað setur. Ekki það að ég nenni því ekki. :P --Friðrik Bragi Dýrfjörð 16:02, 23 desember 2006 (UTC)

Hmm, nenni því ekki heldur og er ekki nógu klár á þessum leyfum en tel þó að þetta geti verið jafn mikil vinna og í sniðunum í sumar. S.s. 2 dagar eða svo. --Jóna Þórunn 17:47, 23 desember 2006 (UTC)

Ef ég hefði nú minnsta vit á þessu, þá... , en... --Mói 21:01, 23 desember 2006 (UTC)

Þó ég komi nú inn í þessa umræðu töluvert seint (enda búinn að vera óvirkur í töluvert langan tíma), þá sýnist mér meirihlutinn af þessum myndum sem eru í Flokkur:Skjáskot sem falla undir sanngjarna notkun ekkert endilega vera skjáskot. Mynd:HellsingPatch.gif er t.d. eitthvað lógó og á GIF-sniði í þokkabót, Mynd:Hellsing_TV_cover.jpg er í rauninni mynd af DVD-hlustri og svo framvegis. Væri kanski sniðugt að setja Snið:ÓU á eitthvað af þessu? --Stefán Vignir Skarphéðinsson 14:03, 22 janúar 2007 (UTC)

Jú. --Jóna Þórunn 14:04, 22 janúar 2007 (UTC)

En hvernig er það? Við þurfum þá að hafa einhvern frest á þessu, ekki rétt? –Er vika nógu langur frestur? --Stefán Vignir Skarphéðinsson 14:07, 22 janúar 2007 (UTC)

Ég tel að vika sé alveg nóg, ég er búin að gefa út viðvörun og margar þessar myndir (ekki reyndar úr skjáskota-flokkum) eiga bara alls ekkert heima hérna, höfundarréttarbrot og annað. --Jóna Þórunn 14:09, 22 janúar 2007 (UTC)

Þessi tiltekt er eitthvað farin að taka á sig mynd en það eru nokkrar myndir sem ég er ekki alveg sjor á.

Mynd:Alucard_hound.jpg – Þetta er greinilega skannað uppúr myndasögubók og er eflaust of stórt til að vera fair use. Hvort væri sniðugra að minka myndina eða bara eyða henni?
Mynd:200px-Rip_Van_Winkle.jpg og Mynd:Alucard_smile.jpg – Skannað uppúr myndasögubók.

Ætti maður að láta þetta vera og láta vandamálið leysast eftir frestinn? --Stefán Vignir Skarphéðinsson 23:11, 22 janúar 2007 (UTC)

Í Völuspá segir að eitt skuli ganga yfir þá alla og mér finnst það við hæfi. Höfum við einhver viðmið varðandi upplausn sem við getum fylgt í þessum efnum? --Jóna Þórunn 08:27, 23 janúar 2007 (UTC)

Ég held bara að þumalputtareglan sé sú að upplausnin eigi að vera rétt nóg til að maður geti notað myndirnar hér í því samhengi sem þær eiga að vera. --Stefán Vignir Skarphéðinsson 09:35, 23 janúar 2007 (UTC)

Íslenskt wikinews

http://meta.wikimedia.org/wiki/Wikinews/Start_a_new_edition#Icelandic

Skrifið undir.--85.220.115.223 20:16, 28 desember 2006 (UTC)

Íslenskt wikinews? Hafa nógu margir áhuga á þessu? Mér sýndist nýlega að nýnorska útgáfan t.d. væri að lognast útaf vegna skorti á uppfærslum? --Akigka 22:46, 28 desember 2006 (UTC)

Ekki það að mér finnst þetta ekki góð hugmynd per se. --Akigka 22:47, 28 desember 2006 (UTC)

Norska útgáfan var það... og þeir hættu við að hætta við af því að einhverjir tóku að sér að rífa það upp. --Akigka 22:50, 28 desember 2006 (UTC)

Tja, gangi ykkur vel bara. Kem ekki til með að skrifa undir. --Jóna Þórunn 22:58, 28 desember 2006 (UTC)

Wikinews er nú þess eðlis að þar þarf að vera með stanslausar uppfærslur til þess að þetta geri eitthvað gagn. Þetta er gríðarleg vinna og ég sé ekki að þessir fáu íslensku Wikiverjar nái að standa undir því að gera þetta svo vel megi heita. Ég sé að sænska Wikinews er t.d. einstaklega illa uppfærð (nýjasta fréttin er frá 12. desember) og þar er á ferð margfalt stærra samfélag en okkar. Ég tala bara fyrir sjálfan mig núna en ég held að það sé betra að eyða kröftunum í að byggja upp Wikipediu eða hin verkefnin sem er ætlað að standa til framtíðar fremur en Wikinews sem skiptir aðallega máli í "núinu". --Bjarki 23:47, 28 desember 2006 (UTC)

Ég held að við séum bara allt ekki nógu mörg hérna til að það virki. Ég fylgist stundum með ensku wikinews og hef einstaka sinnum bætt við þar t.d. varðandi skopmyndateikningarnar dönsku því ég skil dönsku og gat þannig þýtt og vísað í danskar fréttir. Ég held að við gerum meira gagn með að koma með fréttir frá Íslandi inn í ensku wikinews. Eiginlega finnst mér líka Wikinews vera sniðugast sem alþjóðlegur vettvangur, ég les það einmitt vegna þess að ég veit að það líklegt að þeir sem til þekkja (wikipedians frá viðkomandi stað) bæti inn fréttum. --Salvör Gissurardóttir 11:59, 2 janúar 2007 (UTC)

FRAMLAG ÍSLANDS TIL FORVALS ÓSKARSINS

Heyrðu, er ekki við hæfi að hafa grein með þeim myndum sem fóru til forvals óskarsins. Yfirleitt er það handhafi eddunar, en hvað með fyrir 1999?--196.218.31.42 01:47, 30 desember 2006 (UTC)

Að sjálfsögðu er það við hæfi. 1999 var Ungfrúin góða og húsið valin (sjá Edduverðlaunin 1999). Ef þú vilt skrifa grein um hana væri það vel þegið. --Akigka 02:20, 30 desember 2006 (UTC)>>

Búið og gert Framlag Íslands til forvals Óskarsins Reyndar enþá mjög þurr grein. --Steinninn 16:35, 31 desember 2006 (UTC)

Flott, ætti þetta reyndar ekki að vera Framlög í stað Framlag? --Stalfur 22:37, 1 janúar 2007 (UTC)

Gæðagrein - ?? - Úrvalsgrein

Held að titillinn útskýri þetta nokkuð vel; ég var að hugsa um hvort ekki væri sniðugt að bæta við "greinarstöðu" (þ.e.a.s. stöðu fyrir grein, e.g. gæðagrein & úrvalsgrein) sem væri mitt á milli gæða- og úrvalsgreina? Til dæmis grein sem væri ekki alveg nógu góð til að vera úrvalsgrein, en samt mikið betri en hinar hefðbundnu gæðagreinar. Þetta er auðvitað bara uppástunga, og gæti alveg eins verið greinarstaða sem væri betri en úrvalsgrein, eða verri en gæðagrein. Hvernig leggst þetta í ykkur? --Baldur Blöndal 13:06, 31 desember 2006 (UTC)

Hver á að vera skilgreiningin á slíkum greinum? „ Á milli gæða- og úrvalsgreina“ er frekar óljós skýring. --Friðrik Bragi Dýrfjörð 13:14, 31 desember 2006 (UTC)

Hafði nú hugsað mér að fá almennt samþykki áður en ég færi eitthvað lengra með þetta, en svona í fljótu bragði:

Dæmi um mjög góða grein.
Hún er vel skrifuð, gerir efninu fullnægjandi skil, rétt og laus við staðreyndarvillur og stöðug.
Framsetning úrvalsgreina er í samræmi við það sem fram kemur í Handbókinni, t.d. hefur úrvalsgrein:

(a) stuttan inngang, sem lýsir öllum meginatriðum viðfangsefnisins og undirbýr lesandann fyrir ítarlegri umfjöllun í köflunum sem fylgja;
(b) viðeigandi skiptingu efnis í kafla og undirkafla;
(c) ítarlegt en ekki yfirþyrmandi efnisyfirlit; og
(d) er flokkuð á viðeigandi hátt.

Verður að vera hæfilega löng, fjalla um efnið á hnitmiðaðan hátt og án ónauðsynlegra útúrdúra.

Hvernig kemur þetta út? --Baldur Blöndal 13:34, 31 desember 2006 (UTC)

En þetta eru allt atriði sem notuð eru til að lýsa úrvalsgreinum. Hvernig hugsarðu þér muninn? --Cessator 13:56, 31 desember 2006 (UTC)

Sé ekki nauðsyn slíks millistigs. --Jóna Þórunn 14:02, 31 desember 2006 (UTC)

(Þetta eru reyndar nokkrum atriðum færra en úrvalsgreinar) en ég hafði aðalega hugsað mér að það þyrfti ekki eins miklar heimildir fyrir þetta (eins og það er nýbúið að samþykja fyrir úrvalsgreinar ef ég man rétt) og að þetta væri ekki alveg eins nákvæmt til tillitis til lengdar sem og ýtarleika. --Baldur Blöndal 14:08, 31 desember 2006 (UTC)

Ok, en er ekki bara upplagt að kalla slíkar greinar gæðagreinar? --Cessator 14:11, 31 desember 2006 (UTC)

Ég held það, ég sé ekki hvernig frekari skipting gagnast. Þetta er einfalt og gott kerfi eins og það er. --Friðrik Bragi Dýrfjörð 14:41, 31 desember 2006 (UTC)

Sammála því... höfum þetta einfalt. --Gdh 16:56, 31 desember 2006 (UTC)

Já allt í lagi. Þetta var bara hugdetta og ég vildi sjá hvernig fólk tæki þessu. :) --Baldur Blöndal 16:58, 31 desember 2006 (UTC)

The Warsaw Uprising

Hvernig er það þýtt á Íslensku (þ.e.a.s. Warsaw Uprising)? --Baldur Blöndal 19:03, 1 janúar 2007 (UTC)

Uppreisnin í Varsjá? --Cessator 19:15, 1 janúar 2007 (UTC)

Bara beinþýtt? Betra að vera viss, takk fyrir. :) --Baldur Blöndal 19:18, 1 janúar 2007 (UTC)

Wikipedia útilokar ekki aðgang frá Quatar

Það er frétt núna á BBC um að Wikipedia hafi bannað aðgang frá ríkinu Quatar vegna skemmdarverka Wikipedia 'bans Qatar net users'. Þetta mun ekki vera satt skv. tilkynningu á Wikipedia.

Það hefði verið mjög einkennilegt að banna breytingar frá einu landi, í þessu tilviki virðist IP tala hafa verið bönnuð tímabundið. --Salvör Gissurardóttir 12:05, 2 janúar 2007 (UTC)

Því miður ekki í fyrsta skipti sem málefni Wikipediu fá undarlega meðferð hjá fjölmiðlum sem einfaldlega virðast ekki fatta hvernig þetta virkar allt. Í þessu tilviki eru þeir sérstöku aðstæður uppi að heilt ríki beinir allri sinni netumferð í gegnum eina IP-tölu. Raunverulega fréttin hérna ætti að vera ástæðan fyrir þeirri uppsetningu, sem er til þess að auðvelda ritskoðun. --Bjarki 13:16, 2 janúar 2007 (UTC)

Fréttin minnist varla þess að innskráðir notendur frá Quatar gátu sent inn efni. Þetta bann átti aðeins við óinnskráða notendur á IP-tölu landsins. Bannið náði því engan vegin yfir alla íbúa Quatar. --Friðrik Bragi Dýrfjörð 16:15, 2 janúar 2007 (UTC)

Efnisyfirlit forsíðu

Væri mögulegt að gera Snið:Efnisyfirlit örlítið fyrirferðarminna? Það tekur upp nærrum því helminginn af skjánum.--Baldur Blöndal 15:19, 2 janúar 2007 (UTC)

Sniðið er eftirlíking frönsku Wikipedia. Ef þig langar að gera breytingar á forsíðunni getur þú gert tilraunir á Forsíða/Prufa. Afritar einfaldlega textan af forsíðunni þangað og fiktar. --Friðrik Bragi Dýrfjörð 16:11, 2 janúar 2007 (UTC)

Ljósmyndanotkun á Wikipediu

Smá spurning hér í sambandi við myndanotkun, ég heyrði að þið væruð mjög ströng á höfundaréttinum, hvað þarf ég að gera til að setja inn plötuumslag á hljómplötu sem ég hef gefið út sjálfur, hvað þarf að koma fram?

Einfaldast væri að láta myndina falla undir frjálst handbókarleyfi eins og flest annað efni á Wikipedia gerir, þá losnar myndin undan hefðbundinni vernd höfundalaga og öllum er frjálst að dreifa myndinni, nota hana og breyta henni. Önnur leyfi eins og Creative Commons eru einnig til. Ef þú vilt halda í höfundaréttinn skaltu gefa upp eins miklar upplýsingar um myndina og þú getur, til dæmis hver bjó hana til og hvenær. Auk þess verður þú (ef þú ert höfundur) að taka það skýrt fram að þú leyfir notkun myndarinnar á Wikipedia. Ef þú ert ekki höfundur hennar verður þú að réttlæta notkun hennar (þá notar þú eftirfarandi snið: {{Sanngjörn notkun|Ástæða}}, þú einfaldlega setur þennan texta inn og skiptir út orðinu ástæða fyrir útskýringu þína á notkun myndarinnar og réttlætingu). Meira er upp gefið á innhlöðunnarsíðunni. --Friðrik Bragi Dýrfjörð 20:00, 4 janúar 2007 (UTC)

Myndabasl í upplýsingasniði

Ég á í vandræðum með að fá mynd til að sjást í upplýsingasniði. Kemur einhver auga á vandann? Sniðið er hérna: Snið:Bifreið — og hér má sjá það í notkun (en myndin sést ekki): Mitsubishi Starion. --Cessator 05:07, 5 janúar 2007 (UTC)

Held þetta sé komið núna. --Friðrik Bragi Dýrfjörð 07:26, 5 janúar 2007 (UTC)

Glæsilegt. Takk fyrir hjálpina :) --Cessator 15:19, 5 janúar 2007 (UTC)

Gjergj Kastrioti-Skenderbeg

Gjergj Kastrioti, sem seina varð Skenderbeg, var yngsti sonur Gjon Kastrioti, prins í mið Albaniu. Gjergj Kastrioti fæddist í Krúja árið 1405. Móðir hans var prinsessan Vojisava.

Í stríði við Tyrki árið 1423 tapaði Gjon Kastrioti, faðir Skenderbeg, og varð að gefa alla fjóra strákana til Soldánsins. Einn af strákum var Gjergj Kastrioti-Skenderbeg sem þá var 18 ára. Soldáninn neyddi alla fjóra strákana til að gerast Múslimar, þess vegna þurfti Gjergj Kastrioti að taka upp nafnið Skenderbeg. Skenderbeg var hjá Soldáninum í 20 ár, og hann kom aftur til heimalandsins og í borg sína Krúja árið 1443.

Í þann tíma sem hann var hjá Soldáninum lærði Skenderbeg í herskóla. Honum líkaði best við sverðið og að ríða á hestbaki. Soldáninum Múrat fannst Skenderbeg mjög góður og leyfði honum að lifa, en hann drap bræður hans. Skenderbeg varð herstjóri hestamanna soldánsins.

Skenderbeg tók þátt í mörgum stríðum hjá soldáninum og snéri alltaf aftur sem sigurvegari. Þegar Skenderbeg var hjá soldáninum, réðust tyrkir inn í Albaniu. Þess vegna var hann mjög miður sín og vildi einhvern megin koma í veg fyrir það. Hann sá tækifærið þegar soldáninn sendi hann til að berjast á móti kristnum mönnum í Evrópu, þeir höfðu sem leiðtoga Janosh Huniad frá Ungverjalandi. Herirnir tveir, mættust í Konovica nálægt Nish í Serbíu. Skenderbeg barðist ekki og flúði ásamt albönskum hermönum sínum til Albaniu. Skenderbeg neyddi fulltrúa soldánsins til að gefa honum undirskrift um að soldáninn samþykkti að sleppa borg hans Krúja. Hann fór til Albaníu og án þess að fara í stríð náði hann heimaborg sinni. Um leið og hann kom kallaði hann á fólkið sitt til að berjast á móti tyrkjum. Í kastala sínum dró hann að húni svartan og rauðan fána. Þessi fáni er enn í dag fáni Albana.

Eftir að hafa tekið borg sína Krúja, náði Skenderbeg öðrum stöðum sem tyrkir höfðu lagt undir sig í Albaniu. Skenderbeg skipaði öllum albönum sem höfðu tekið íslam trú að gerast aftur kristnir en þeir sem neituðu yrðu hálshöggnir. Þetta blóðbað var hluti af áætlun hans um að losna undan áhrifum tyrkja. Fólkið dáðist að honum fyrir það hvernig hann slapp frá tyrkjum. Þetta var hans sterkasta vopn því þaning gat hann sameinað albani. Hann kallaði saman alla leiðtoga landsins og sagði þeim að sameinast til að fara í stríð við tyrki. Þekktustu leiðtogarnir voru Pal Dukagjini, Pjeter Shpati, Gjergj Balsha, Andrea Topia, Theodor Muzaka og Stefan Cernojoviq frá Svartfjallalandi. Þeir söfnuðust saman 2. mars 1444 í dómkirkjunni St. Kolli og Skenderbeg var valinn leiðtogi allra herjanna.

Þegar Gjergj Kastrioti-Skenderbeg upphóf stríðið, var her tyrkja ennþá í borgunum Vlora, Kanina, Gjirokastra, Berat og Elbasan, vegna þess að tyrkir höfðu lagt undir sig öll Balkanskagalöndin árið 1389 í ,,Kosovo bardaganum“ undir stjórn serba. Búlgaria féll árið 1393. Eini kristni leiðtoginn sem ennþá var að berjast var Janosh Huniad frá Ungverjalandi.

Í Júni 1444 sendi Soldáninn 25.000 manna her til að berjast á móti Gjergj Kastrioti- Skenderbeg. Leiðtogi þeirra var Ali Pasha. Skenderbeg varð var við komu þeirra og gerði þeim fyrirsát í dal nokkrum. Hann umkringdi óvinina og drap 7000 menn af her tyrkja en Skenderbeg missti tvöþúsund. Eugen páfi IV blessaði sigur hans og Ladislav, konungur Póllands og Ungverjalands, Dúka frá Borbonje og Filip le Bón frá Frakklandi heilsuðu upp á hann.

Frá og með 1444 sendi Soldáninn her á hverju ári til þess að berjast á móti Skenderbeg en Skenderbeg vann þá alla. Að lokum fór Soldánin Murat II árið 1450 sjálfur ásamt miklum fjölda hers til að berjast á móti Skenderbeg og umkringdi kastala hans í Krúja. Í fimm mánuði vörðust Albanir í stjórn Skenderbeg kastalann í Krúja og að lokum gáfust tyrkir upp og fóru. Í fyrsta sinn hafði það gerst að her tyrklands tapaði í fylgd Soldánsins. En albanar höfðu misst allt of mikið. Til þess að halda áfram stríðinu á móti tyrkjum bað Skenderbeg um hjálp frá Alfonso V. Samningurinn var undirskrifaður 26. mars árið 1451. Fyrir hverja orustu á móti tyrkjum borgaði hann Alfonso fyrir hjálpina. Árið 1451 giftist Skenderbeg Androniku en hún var af höfðingjaætt. Árið 1457 sendi Soldáninn her með 80.000 hermenn á móti Skenderbeg. Tyrkir töpuðu stríðinu í þetta sinn líka og drápust 30.000 hermenn þeirra. Eftir þennan sigur gerði Kalikst páfi III Skenderbeg að herstjóra Vatikans. Afkomandi soldánn Múrats, soldáninn Mehmet sendi nokkrum sinnum her til að berjast ámóti Skenderbeg í Krúja en allar tilraunir hans voru án árangurs.

Þá ákvað Soldán Mehmet að fara sjálfur í stríð á móti Skenderbeg. Hann lagði af stað með 200.000 hermenn. Hann umkringdi kastala Skenderbeg í Krúja, en Albanir gáfust ekki upp allt þangað til Skenderbeg lést 17. janúar 1468 vegna sjúkdóms. Skenderbeg er mesta þjóðhetja albana.

Þessi stríð voru mjög eyðileggjandi og þreytandi fyrir albani, bæði líkamlega og andlega. Í fimmhundruð ára stjórn tyrkja á Balkanskaganum voru albanir beittir mesta harðræðinu. Tyrkir sundruðu albönum og neyddu þá til þess að skipta um trú, svo ennþá í dag eru albanar mjög sundrað fólk.

Þetta innlegg hér að ofan er tekið af Huga ([1]). Við erum með örverpi um Skanderbeg. --Akigka 15:25, 6 janúar 2007 (UTC)

Fjölmiðlar

Vantar ekki yfirlit yfir fjölmiðla á Íslandi í íslenska hlutanum, fann einn á ensku en finn þetta ekki í flokkuninni — Þetta óundirritaða innlegg var skrifað af 88.149.112.153 (spjall) · framlög

Það vantar ýmislegt enda aðeins rúmlega 12.000 greinar hér. Öllum er þó frjálst að hjálpa til, þú gætir til dæmis afritað textan af ensku Wikipedia, snúið honum á íslensku og sett saman grein hér á íslenska hlutanum. Það er til listi yfir útvarpsstöðvar á Íslandi, en ég man ekki eftir lista yfir alla fjölmiðla hér á landi. --Friðrik Bragi Dýrfjörð 15:42, 7 janúar 2007 (UTC)

Fjölmiðill er líka svo stórt hugtak. Bloggsíða er í rauninni fjölmiðill þannig að það væri langbest í þessu tilfelli að gera lista sér lista eftir því hvað á við. Listi yfir íslenskar sjónvarpstöðvar og Listi yfir íslensk dagblöð er eitthvað sem mér dettur í hug og væri alveg þess virði að gera einhverntíma í nánustu framtíð. --Stefán Vignir Skarphéðinsson 23:14, 22 janúar 2007 (UTC)

Hvítravnur

Komið þið blessuð og sæl. Gerið svo vel, hvað er "hvítravnur" á íslensku? Hvítravnur er útdauður hrafn frá Færeyjum. Ef til vill "hvíthrafn" eða "hvítmarglitur hrafn"? Dönsk þýðing er "hvidbroget ravn" og þýsk þýðing er "Weißbunter Rabe". Takk kærlega fyrirfram, kveðja --geimfyglið _(:> )=| 08:50, 8 janúar 2007 (UTC)

Hann vissi það ekki, talaði eitthvað um hvítt afbrigði sem er sjaldgæft. :( --Jóna Þórunn 23:46, 11 janúar 2007 (UTC)

Oki :( Takk fyrir svarið, Jóna Þórunn, vertu blessaður --geimfyglið _(:> )=| 16:05, 12 janúar 2007 (UTC)

Cantat-3 björgun

Sæl veriði. Langt síðan ég hef látið sjá mig hér. Lofaði öllu fögru fyrir einhverjum mánuðum, en svo gerðist ekkert af ýmsum ástæðum.

En nóg um afsakannir. Nú erum við í vanda. Eftir nokkra daga mun Cantat-3 strengurinn vera tekinn í 4-6 vikna viðgerðarprocess, sem þýðir að ekki verður unnt að nálgast erlenda vefi gegnum RHNet (Rannsóknarnet Háskólanna) nema með herkjum í þann tíma. Með öðrum orðum: Allt rannsóknarstarf í háskólum og rannsóknarstofnunum landsins mun líða fyrir það að Ríkisstjórn Íslands sé ekki að styrkja það nægilega vel peningalega.

En! Ég hef ákveðið að taka það á mig að hýsa statískt afrit af Wikipedia, bæði ensku og íslensku útgáfunum, og vonandi mun það hjálpa aðeins. Í þessum töluðu orðum er ég að downloada dótinu, og þetta verður vonandi komið upp annað kvöld - Íslenska útgáfan gæti meiraðsegja komið upp eftir 2-3 tíma.

Ég held að ég komi til með að skrifa smá grein í Fréttablaðið eða Moggann, svona, svo að fólk viti af þessu, og það væri ágætt að setja þetta í sitenotice hér.

-Smári McCarthy 20:53, 10 janúar 2007 (UTC)

Ætlarðu að synca allar breytingar? --Friðrik Bragi Dýrfjörð 21:00, 10 janúar 2007 (UTC)

Þú verður að afsaka hvað ég er vitlaus en ég skil ekki hvernig þetta með afritið á að virka. Ætlið þið þá að gera breytingar á afritinu frekar en á hinni raunverulegu íslensku Wikipediu? Ég bý erlendis þannig að ég get unnið áfram á Wikipediu eins og venjulega. Verður ekki vandamál að sameina breytta afritið og „frumritið“? --Cessator 21:06, 10 janúar 2007 (UTC)

Gleymdir að koma með slóðina; Voila! --Jóna Þórunn 21:02, 10 janúar 2007 (UTC)

Hæ. Nei, þetta verður alveg statískt. Það verða engar breytingar leyfðar. Slóðin verður líka http://wikipedia.yaxic.org/ frekar en hitt; DNS þjónarnir eiga bara eftir að uppfæra sig. En sko já.. þetta er vesen. Þetta er heilmikið vesen. Ég prófaði að setja upp íslenskuna[2] og hún er öll í rugli. Mig grunar að það verði best að setja bara upp alvöru MediaWiki og fá SQL dump hjá Ævari, mergea það inn í dótið. Þetta verður áhugavert kvöld! I'll keep you posted. --Smári McCarthy 21:35, 10 janúar 2007 (UTC)

Jæja. Íslenskan er komin upp, en það er sumt ennþá pínu hrátt - þetta dót skilur ekki references og ref tögin, né heldur noinclude og onlyinclude... ég þarf að redda þeim plugins og vonandi fer þetta að verða orðið fínt. DNSinn stendur eitthvað á sér, en kannski þetta hrökkvi inn fyrir miðnæti. --Smári McCarthy 22:43, 10 janúar 2007 (UTC)

Netstjórinn í HA var að senda frá sér tilkynningu þar sem segir að RHnetið verði tengt útlöndum með 20Mb tengingu í gegnum Vodafone... sem í raun jafngildir engu netsambandi þar sem venjuleg umferð er margföld á við þetta. Þetta er allt frekar glatað. En takk fyrir þetta Smári! --130.208.226.38 11:36, 12 janúar 2007 (UTC) Þetta var ég. --Bjarki 18:54, 12 janúar 2007 (UTC)

RhÍ gerðu samning við Símann í dag upp á einhver 100 Mbit. :) Kannski betra en ekki neitt. --Jóna Þórunn 22:55, 12 janúar 2007 (UTC)

Krónubréf

Væri ekki við hæfi að byrja á grein um krónubréf eða grein þar sem þeim eru gerð einhver skil? Sjálfur hef ég ekki hugmynd um hvað krónubréf eru. --Orri 14:05, 13 janúar 2007 (UTC)

Pælingar um flokka

Er einhver leið í wiki-kerfinu til að láta erlenda menn birtist eftir eftirnöfnum í stafrófsupptalningum og íslenska eftir fornafni? Koettur 15:43, 14 janúar 2007 (UTC)

Ertu að meina í flokkum? Það er hægt að flokka menn t.d. svona: [[:Flokkur:Skáld|Smith, John]]. Þá kemur þessi maður undir ‚s‘ en ekki ‚j‘; Íslendingur í sama flokki er svo bara flokkaður [[:Flokkur:Skáld]] og þá kemur hann bara eftir eiginnafni. Er það þetta sem þú átt við? --Cessator 16:38, 14 janúar 2007 (UTC)

Jabb, meina í flokkum. Ég þakka fyrir hjálpina þína. Það er asnalegt að gefa erlenda menn upp í stafrófsröð eftir fornafni, en núna veit ég hvernig maður setur þá inn eftir eftirnafni. Koettur 16:53, 14 janúar 2007 (UTC)

Já, svo er líka hægt að gera það sama með ártölin þeirra, þ.e. í staðinn fyrir að nota {{fd||}} eða {{f|}} er hægt að nota {{fde|||}} og {{fe||}} til að raða eftir eftirnöfnum, t.d. {{fde|1940|1995|Smith, John}} og {{fe|1985|Smith, Jennifer}}. --Cessator 16:59, 14 janúar 2007 (UTC)

Ég sé það að það er nóg að setja fyrsta stafinn inn, þ.e. |X til að láta menn falla í réttan bókstaf í flokkum. Annars virðist það vera allalgengt hér að útlendingar séu settir í stafrófsröð eftir fornafni. Ég hvet menn til að huga að því þegar þeir seja fólk í flokka. Koettur 17:55, 14 janúar 2007 (UTC)

Já, það er rétt, bæði vill það gleymast að flokka útlendinga eftir eftirnafni og svo er líka fjöldi greina frá því áður en við tókum upp á að flokka útlendinga eftir eftirnöfnum. Það er líka rétt að það nægir alveg að setja upphafsstafinn, en það er líka allt í lagi að skrifa nafnið ef maður nennir :) --Cessator 18:00, 14 janúar 2007 (UTC)

Það er líka til skemmtilegur fítus sem heitir DEFAULTSORT. --Jóna Þórunn 17:53, 16 janúar 2007 (UTC)

Aha! Nú veit ég ekki hvernig það virkar, en það hljómar eins og það gæti verið málið. Annars má dunda sér við það til eilífðar að færa öll nöfn handvirkt. Koettur 19:03, 16 janúar 2007 (UTC)

Notar {{DEFAULTSORT:Eftirnafn, Fornafn}} og sleppir að stafrófsraða í flokkana. Þetta á líka við f, fd, fe og fde sniðin. --Jóna Þórunn 19:06, 16 janúar 2007 (UTC)

Tímbundinn spegill

Einhver valdameiri en ég þarf að bæta inn eins og einu stykki 'a' í þennan frasa sem birtist nú efst á hverri síðu. Stefán Ingi 01:00, 15 janúar 2007 (UTC)

Búið að laga þetta. :) Einhver valdameiri en ég hefur víst gert það. --Baldur Blöndal 18:05, 16 janúar 2007 (UTC)

Vandamál á Snið:Kvikmynd

Ég vil endilega auglýsa eftir eitthverjum til að laga óþægilegt bil sem myndast á undan hverri grein sem er með Snið:Kvikmynd. Takk --Steinninn 18:51, 15 janúar 2007 (UTC)

Ég tók víst ekki eftir neinu vandamáli- gætirðu nokkuð skilgreint þetta nánar og gefið mér dæmi um síðu sem hefur þetta vandamál? Svo skal ég sjá hvað ég get gert. --Baldur Blöndal 18:04, 16 janúar 2007 (UTC)

Já, Fylkið er eina dæmið sem ég veit um sem ekki hefur þetta vandamál. Vertu sæll, Lenín! og Hadda Padda hafa bæði alvarlegt bil á milli, en flestar hafa bara eitt línubil, sem maður tekur stundum ekki eftir en ef maður svartletrar tekstann sér maður það. Hadda Padda hefur td fjögur línubil. /c: --Steinninn 18:12, 16 janúar 2007 (UTC)

Já tók eftir því núna. Fylkið var (kaldhæðnislega) eina greinin sem ég skoðaði vegna þess að ég vissi að hún væri löng. Ég skal reyna að laga. --Baldur Blöndal 18:23, 16 janúar 2007 (UTC)

Tók eftir því að það er fyllt inn í mjög lítið í Höddu Pöddu. Gæti ekki verið að fyrir hvern valmöguleika (e.g. Frumtitill, leikstjóri.. osfv) bætist við eitt bil? Ef svo er væri kannski viturlegt að breyta því hvernig sniðið er byggt upp. Þetta kemur ekki fyrir í Anime og Manga sniðinu og mætti hafa þau til hliðsjónar. Þau nota líka parser-functions. --Baldur Blöndal 18:33, 16 janúar 2007 (UTC)

Ætti kanski bara að skrifa sniðið upp aftur frá grunni? Mig langar til að hjálpa en ég kann þetta ekki nógu vel. --Steinninn 14:27, 18 janúar 2007 (UTC)

Það er mjög gáfulegt að skrifa sniðið upp á nýtt. --Jóna Þórunn 16:05, 18 janúar 2007 (UTC)

Ég náði allavega að taka bilið út, en þá bættist við nýtt vandamál. "Leikið af" of fleyra er alltaf miðjustillt. Svo núna er enþá erfiðaðara að vita hvert nafnið á við. Reyndi að laga það, en fattaði ekki kóðann fyrir það. --Steinninn 14:57, 20 janúar 2007 (UTC)

VIÐVÖRUN

Ég fór í dag yfir allar myndir hér á is.wiki og merkti þær myndir með Snið:ÓU sem óvíst er með höfundarrétt. Þessu myndum verður eytt næsta miðvikudag! Þið hafið s.s. viku frest til að taka til í Flokkur:Ófullnægjandi upplýsingar um mynd eða skrá 2007, vika 3 og reyndar öllum myndum sem hafa verið merktar svona áður. Sem sagt: Eyða-takinn verður mikið notaður miðvikudaginn 24. janúar. Hver og einn notandi ætti að líta í eiginn barm (eiginn barmur, bætið inn eigin notandanafni) og taka til í sínum myndum. --Jóna Þórunn 22:51, 17 janúar 2007 (UTC)

Eitt sem ég vildi benda á. Samkvæmt íslenskum höfundalögum (og höfundalögum flestra Evrópuríkja) er minni höfundaréttur á ljósmyndum „sem ekki hafa sjálfstætt listrænt gildi“. Yfirleitt er miðað við 20 eða 25 ár eftir fyrstu birtingu. Þessu hefur commons hafnað með þeim rökum að ekki sé hægt að ákvarða með einhlítum hætti hvað telst vera sjálfstætt listrænt gildi, og auk þess að common law lönd geri ekki þessa undanþágu fyrir ljósmyndir. Þetta útilokar í reynd t.d. allar fréttamyndir og mannamyndir frá 20. öld af commons (ef þær eru ekki fengnar frá bandarísku alríkisstjórninni eða stofnunum hennar) og gerir það að verkum að flestar hinar wikipediurnar innhlaða slíkum myndum sjálfstætt en ekki á commons. Þessi umræða fór fram um ljósmyndir af ítölskum stjórnmálamönnum, og það sama gildir um ljósmyndir af íslenskum stjórnmálamönnum sem hefur verið hlaðið inn. Það hefur bara ekki verið vakin athygli á því ennþá. Spurningin er því hvort hægt væri að búa til sérstakt myndasnið sem tæki mið af 25 ára reglunni fyrir íslenskar ljósmyndir - og hefjast svo handa við að eyða þessum myndum af commons og setja inn hér... (Sjá hluta af umræðunni hér)--Akigka 23:31, 17 janúar 2007 (UTC)

Jú, það vantar einmitt eitt slíkt snið. Þú vilt kannski búa til eins og eitt uppkast?!? --Jóna Þórunn 09:56, 18 janúar 2007 (UTC)

Gaah! Tók eftir því að breytingar voru gerðar á 49 grein íslensku höfundalaganna í febrúar á síðasta ári þannig að höfundaréttur slíkra mynda gildir í 50 ár frá næstu áramótum eftir gerð þeirra... Það útilokar auðvitað þessar myndir af íslenskum stjórnmálamönnum nema leyfi fáist frá rétthafa (sem ég held að sé Alþingi í þeim tilvikum). Hugsanlega er það auðsótt ef getið er um uppruna. --Akigka 16:22, 18 janúar 2007 (UTC)

Já... nennir einhver að hafa samband við Alþingi til að fá þetta mál á hreint? Ég var byrjaður á þessu, en það mál komst aldrei alla leið... --Gdh 19:07, 18 janúar 2007 (UTC)

Og þetta erum við kjósa á þing. Ég held það sé ekki margar myndir af alþingismönnum frá Alþingi, man reyndar bara eftir Árna Johnsen og Vilmundur Gylfason en sú mynd liggur á Commons. --Jóna Þórunn 16:28, 18 janúar 2007 (UTC)

Þetta var gert til að samræma lögin við reglur EES og telst vera upphaf að endurskoðun íslenskra höfundalaga í samræmi við þróun alþjóðlegs höfundaréttar. Verður gaman að fylgjast með því hvert framhaldið verður... --Akigka 16:41, 18 janúar 2007 (UTC)

Stafrófsröð í flokkum

Man ekki hvort búið var að benda á þetta, en flokkarnir fylgja ekki íslenska stafrófinu. Allir broddstafir og séríslenskir stafir koma aftan við hina sem er óþægilegt, svo ekki sé meira sagt. --Akigka 23:33, 17 janúar 2007 (UTC)

Já, en mig minnir að svíarnir séu komnir með einhverja lausn. Skal komast að því í dag. --Jóna Þórunn 08:12, 18 janúar 2007 (UTC)

Böggur 164 er enn opinn og á við þetta efni. --Jóna Þórunn 09:54, 18 janúar 2007 (UTC)

Vandræði í dag

Í dag var öllum gagnagrunnum nema en.wiki læst vegna þess að diskarnir voru fullir. En.wiki er á öðrum cluster, þannig að það raskaðist ekkert. Nú ætti allt að vera komið í lag. --Jóna Þórunn 14:55, 19 janúar 2007 (UTC)

stærsta frumulíffæri ?

getur einhver sagt mér hvaða frumulíffæri er stærst ??

Nýja forsíðan

Ansi hreint hugguleg nýja forsíðan, tekur minna pláss og er mjög "welcoming". Klapp á bakið fyrir þá sem standa á bakvið hana. Magnús Þór 02:12, 22 janúar 2007 (UTC)

Takk :) Ég er ánægður yfir því hve margir hjálpuðu til. --Baldur Blöndal 14:17, 22 janúar 2007 (UTC)

Fjarkönnun

Með hugtakinu fjarkönnun er árr við þegar menn afla sér upplýsinga um yfirborð jarðar, úr flugvélum eða gerfihnöttum, td.upplýsinga um þurrlendi, vötn, höf og andrúmsloftið næst jörðinni. Fjarkönnun gerir okkur einning kleift að rannsaka hluti sem ekki eru sýnilegrir berum augum. Upplýsingar fengnar með fjarkönnun eru meðal annars notaðar við kortagerð.

Stóri dómur og siðaskiptin

Ég mindi vilja sjá grein um siðaskiptin og Martein Lúther og hvernig þau efni tengdust.

Ponte 25 de Abril

það mæti hafa meira um brúna Ponte 25 de Abril

Lita snid

Hae hae, afsakid, engir islenskir stafir. Var ad leika mer vid ad gera user snid, og lennti i thvi ad eg kunni ekki ad velja lit. For bara erfidu leidina og valdi af handahofi thar til eg fekk saemilegann lit, sem var grar. Er til eitthver leidarvisir fyrir wikipedia litaskalann. Eg er ad meina eins og #BCBCBC --Steinninn 20:44, 26 janúar 2007 (UTC)

Mér þykir alltaf gott að nota CSS-litina. W3Schools er með góða síðu yfir litaheiti. --Jóna Þórunn 20:48, 26 janúar 2007 (UTC)

Ef þú kannt eitthvað fyrir þér í litblöndun þá get ég útskýrt gróflega hvernig þetta verkar. Þetta eru tölur úr svokölluðu sextándakerfi þannig að þú getur notað tölurnar 0-9 og stafina A-F, þar sem 0 táknar 0 og F táknar fimmtán. Fyrstu tveir tölustafirnir tákna styrkleika rauðs (#FF0000 er því rauður), næstu tveir tákna grænan en þeir síðustu bláan (#0000FF er því blár). Til þess að fá fjólubláan myndir þú blanda saman rauðum og bláum (#FF00FF). Blæbrigðum má síðan breyta með því að minnka styrkleika litanna á víxl eftir þörfum (#880088 er dekkri fjólublár litur þar sem styrkleiki beggja er minnkaður). Hér er svo ágætis tól til þess að velja litina handvirkt: http://wellstyled.com/tools/colorscheme2/index-en.html --Friðrik Bragi Dýrfjörð 22:02, 26 janúar 2007 (UTC)

Mjög sniðugt allt saman. Fann þetta líka á enska wikipedia http://en.wikipedia.org/wiki/Web_colors --(Steinninn)88.247.29.39 20:19, 26 febrúar 2007 (UTC)

Hér er listi http://is.wikibooks.org/wiki/Wikikennsla/litir --Salvör Gissurardóttir 19:59, 2 mars 2007 (UTC)

Portal

Ætti Ísland ekki að vera með svona portal eins og enska síðan og fleiri? --Nori 00:28, 27 janúar 2007 (UTC)

Það eru deildar meiningar um slíkar gáttir, sumir segja að það fari of mikil vinna í þær og minni tími fari í greinaskrif og tiltekt. Ég er á báðum áttum; maður getur komið þessu í ágætis horf með dagsvinnu og örlitlu viðhaldi inn á milli en held samt að Wikipedia á íslensku sé of lítil og fámenn í bili til að stíla á slíkar gáttir. Held það sé mikilvægara að leggja áherslu á fjöbreytt efni (við höfum mikið um fátt og lítið um margt) og betra kerfi. Eins og staðan er í dag held ég að það séu fá viðfangsefni sem gætu staðið undir heilli gátt. --Jóna Þórunn 01:19, 27 janúar 2007 (UTC)

Það er hægt að nota flokkakerfið á svipaðan hátt og ég held það dugi. Þið getið skoðað Flokkur:Hindúismi. Þarna er hæglega hægt að sitja inn myndir, birta brot úr aðalgrein efnisins og benda á fleiri síður (sem gerist í raun sjálfkrafa þar sem allir flokkarnir og greinar sem tengjast birtast að neðan). Þetta dregur úr líkum á því að síðan verði úrelt þar sem flokkarnir uppfærast sjálfkrafa. --Friðrik Bragi Dýrfjörð 02:12, 27 janúar 2007 (UTC)

Sjá einnig Flokkur:Heimspeki. En ég er sammála því að við séum of fá til að halda við gáttum. --Cessator 03:41, 27 janúar 2007 (UTC)

Franzl Lang

Franzl Lang var (fæddur undir nafninu "Franz Lang" Þann 28. Desember, 1930, i Munchen, Þýskalandi), Þekktur í Þýskalandi sem "Jodlerkönig (Jóðlkonungurinn)," Hann er frægur jóðlari frá Bavaria, Hérað í suðurhluta Þýskalands.

Franz singur og spilar einning á gítar og harmonikku. Hann hefur gefið út allnokkrar bækur um listina að jóðla. Hann hefur verið giftur konunni sinni Jóhönnu (Johanna) síðan 1954, hann á einn son Franz Herbert Lang og eina dóttur Christl. Lang er álitinn besti Alpa jóðlari í heiminum; hann er allavega sá söluhæsti.

Tónlistarstefna Lang's er Þýsk þjódansatónlist; Hann singur oftast á Bavarísku mállýsku Alpaþjóðana og íbúa þeirra. Hann brýst út í jóðl á einhverjum tíma í hverju lagi. Hann er nú hættur störfum sem flytjandi, en tekur þá einstöku sinnum upp.

Hann var alinn upp í Munchen, og lærði til verkfærasmiðs. Hann byrjaði að spila á harmonikkuna á níunda aldursári. Stóri smellurinn hans kom út 1968 með laginu Kufsteinlied. Á 8. áratugnum kom hann stundum fram í tónlistar þættum í Vestur-Þýskalands sjónvarpinu, Sérstaklega á ZDF þættinum Lustige Musikanten.

Lang hefur selt meira en 10 milljón platna, Hann hefur fengið 20 gull plötur og eina platinum plötu innan Þýska tónlistariðnaðarinns.

Ég átta mig ekki alveg á því hvaðan þessir stubbar sem birtast öðru hverju hérna í pottinum koma. Eru þetta færslur frá fólki sem ekki treystir sér til að búa þær til sjálft, en vill samt hjálpa til? Ef svo er, er þá málið að reyndari Wikipedar hendi þessum stubbum inn á réttan stað? Magnús Þór 14:35, 29 janúar 2007 (UTC)

Einhvers staðar eru rangar upplýsingar svo nýliðar halda að þeir eigi að dömpa greinum hér. Spurning um að fara í gegnum leiðbeiningar og handbók og sjá hvar villan liggur. --Jóna Þórunn 14:55, 29 janúar 2007 (UTC)

Í hvert sinn sem leitað er að eitthverju sem er ekki til grein um þá kemur eftirfarandi skilaboð "Engin síða ber nafnið „wertyuiop“. Þú getur búið hana til. Því miður fannst ekkert, þú getur prufað annan rithátt eða textastreng. Ef ástæða er til að ætla að þessi síða eigi að vera til og þú vilt leggja fram beiðni um að svo verði gert vinsamlegast sendu skilaboð á Pottinn." Spurning að breita þessum skilaboðum. --Steinninn 15:48, 29 janúar 2007 (UTC)

Það mætti búa til sérstakan vettvang þar sem hægt er að koma fram með svoa tillögur og beina fólki þangað í þessum skilaboðum. --Bjarki 22:01, 10 febrúar 2007 (UTC)

Snið: Skil ekki

Ég, byrjandinn, fatta ekki hvernig maður fær "Snið:" til að virka. Ég er að reyna að búa til "Snið:Stéttarfélag" en það virkar ekki sem skyldi. Getur nokkur útskýrt þetta fyrir mér, bent mér á hvar ég finn leiðbeiningar eða jafnvel snarað þessu í lag ef það er einfalt? Vesteinn 13:49, 31 janúar 2007 (UTC)

Ég veit ekki hvort þú viljir hafa þetta svona, en ég gerði alla vega eitthvað við sniðið. --Jóna Þórunn 14:20, 31 janúar 2007 (UTC)

Hmm.. þetta lítur betur út, en það er samt ennþá eitthvað að, eitthvað sem ég botna ekkert í. MErkið kemur ekki, félagafjöldinn er í rugli, "Aðrir stjórnarmenn" eru eintómir hornklofar og auk þess vantar nafið. :/ Vesteinn 16:23, 31 janúar 2007 (UTC)

Úbbs, misskilningur hjá mér. Núna er það bara merkið og vefsíðuna sem vantar, annars er þetta komið sýnist mér. Vesteinn 16:30, 31 janúar 2007 (UTC)

Vefsíðan komin, en ég gefst upp á merkinu -- í bili að minnsta kosti. Vesteinn 17:00, 31 janúar 2007 (UTC)

Þetta er komið í lag, Jabbi kippti þessu í liðinn. Vesteinn 17:00, 31 janúar 2007 (UTC)

Íslensk áhersla

fært af Spjall:Forsíða. --Bjarki 15:02, 3 febrúar 2007 (UTC)

Mér þætti gaman ef íslenska Wikipedia gæti lagt meiri áherslu á greinar sem fjalla um íslenskt efni. Það er auðvitað oft miklu erfiðara að skrifa um eitthvað nýtt frá grunni, en það er bara svo fjölmargt íslenskt til sem vantar allar upplýsingar um í dag. Margt verður aldrei fært í letur ef það gerist ekki hérna!

Þessa áhersla gæti verið margþætt. Á forsíðunni má hreint og beint hvetja fólk til að skrifa meira um íslenskt efni (ég laumaði slíku reyndar inn í "kynning fyrir byrjendur" rétt áðan). Þegar maður úthlutar gæðastjörnum, þá finnst mér líka allt í lagi að vera svolítið hlutdrægur og meta íslenskt efni eitthvað hærra. Fyrir utan grein mánaðarins má líka vel ímynda sér Íslenska grein mánaðarins. Þannig held ég að íslenska Wikipedia geti hratt orðið miklu verðmætara fyrir notendur. Bjornhb 22:18, 2 febrúar 2007 (UTC)

Það er alltaf verið að leggja áherslu á að þetta sé Wikipedia á íslensku en ekki frá íslenskum sjónarhóli. Sumum finnst auðveldara að skrifa um nærsamfélag sitt en öðrum þykir betra að þýða greinar. Við höfum haft samvinnur mánaðarins um íslensk efni; landafræði, stjórnmál og kvikmyndir. Held að það einfaldlega þurfi fleiri nýliða til að skrifa, enn sem komið er erum við of fá sem skrifum reglulega. --Jóna Þórunn 22:22, 2 febrúar 2007 (UTC)

Væri ekki sniðugt ef skólanemendum væri sett fyrir að skrifa nýjar stuttar greinar (um íslenskt efni að sjálfsögðu), sem færu síðan hingað inn á Wikipedia? Bjornhb 22:39, 2 febrúar 2007 (UTC)

Það hefur eitthvað verið í gangi; allavega fengum við nemendur í sálfræði til að skrifa um sálfræðileg efni. Salvör er eitthvað að kynna nemendum sínum Wiki-hugtakið og láta þá skrifa, en í minna mæli. Hugsanlega væri hægt að koma einhverju slíku á legg, með smá undirbúningi. --Jóna Þórunn 12:13, 3 febrúar 2007 (UTC)

Til að bæta Wikipediu frá íslenskum sjónarhóli þarf einfaldlega fleiri og betri greinar um íslensk málefni, á íslensku og ensku Wikipediu. Enskar greinar má svo íslenska og íslenskar greinar má enska. Þar sem það hefur ekki verið gert eru "inter-language links" mjög gagnlegir. Væntanlega eru skólaverkefni líkleg til að leggja áherslu á íslenskan vinkil, en það má líka vel hugsa sér verkefni í líffræðitímum, sögutímum eða bókmenntatímum, sem myndu væntanlega leggja áherslu á greinar tengdar efni þeirrar námsgreinar, sem þarf ekki að vera Íslandsmiðað, en væri frábært engu að síður. Magnús Þór 16:09, 4 febrúar 2007 (UTC)

Ég er safmála Bjornhb. Mér finnst oft óþarfa vinna lögð í það að rita niður greinar sem þegar eru komnar á ensku. Við kunnum jú flest ensku. Annað en þjóðverjar og kínverjar sem kunna aðalega móðurmálið sitt. Við erum fá sem skrifum inn á is.wikipedia því íslendingar eru bara 300.000. Svo mér finnst að þeir fáu sem skrifa hér inn mættu leggja áherslu á íslenskt efni, áður en það er orðið of seint. Það má auðvitað ekki gleyma mikilvægum alþjóðlegum greinum sem. En þetta er nú bara mín skoðun. Þegar við erum orðin 350 milljónir íslendingar (eins margir og enskumælendur) þá megum við fara að huga að stærri hlutum. Eða hvað. --Steinninn 20:06, 10 febrúar 2007 (UTC)

Mikilvægast af öllu er bara að halda áfram að skrifa og stækka alfræðiritið. Hvað varðar okkur um að þótt náunginn hafi meiri áhuga á að skrifa um bíla eða sjálfsvarnaríþróttir eða sögu Miðausturlanda eða bara hvað sem er. Við eigum bara að vera þakklát fyrir hvern notanda sem nennir að skrifa hérna. Auðvitað skiptir íslenskt efni meira máli hér heldur en á öðrum Wikipedium. Ef við skrifum ekki um íslensk efni, hver gerir það þá? (þess má geta að það er örugglega jafnmikilvægt að skrifa um íslensk efni á ensku Wikipediu því það þarf ekki bara að vera til fróðleikur um Ísland og íslensk mál fyrir íslenska lesendur heldur líka fyrir erlenda lesendur og þeir eiga þakkir skyldar sem nenna að taka það að sér.) En alfræðiritið verður líka bara að vera gott almennt alfræðirit til að einhver nenni að nota það, þannig að það þarf líka að leggja áherslu á mikilvæg atriði sem varða ekki Ísland og það er óþarfi að kvarta undan afköstum á því sviði. --Cessator 21:30, 10 febrúar 2007 (UTC)

Sammála Cessator. Ég held að það sé engin þörf á því að hvetja notendur á íslensku Wikipediu að skrifa eitthvað meira um íslensk viðfangsefni en annað, þetta er allt unnið í sjálboðavinnu og fráleitt að setja fram kröfu um að fólk einbeiti sér að einhverju einu efni umfram annað, öll framlög eru jafnvelkomin. Auk þess kemur þessi íslenska áhersla af sjálfu sér einfaldlega vegna þess að þeir sem kunna íslensku og vinna hér að íslenska hluta Wikipedia hljóta að hafa meiri áhuga á íslenskum málefnum en meðalútlendingurinn. --Bjarki 21:52, 10 febrúar 2007 (UTC)

Að sjálfsögðu skrifar fólk um það sem það vill. En mér finnst líka í góðu lagi að fólk sjái ábendingu um að það vanti íslenskt efni, þannig að því yfirleitt detti í hug að skrifi slíka grein. En eitt tel ég reyndar að sé þröskuldur í dag (og væntanlega efni í nýjan þráð) ... Margir hafa vit á einhverju efni og jafnvel áhuga á að koma þessu inn í wikipedia, en fallast hendur þar eð þetta virðist (og er oft) snúið. Það væri skref í rétta átt að ítreka í "kynningu fyrir nýja" að það er í lagi að skrifa einfaldar og hráar greinar, með áherslu á _innihaldið_ í stað tæknilegu þáttanna (linkar, útlit, flokkun). Það vantar kannski "dummies guide" í kringum þetta? Bjornhb 14:55, 13 febrúar 2007 (UTC)

Það kemur fram að maður eigi ekki að vera hræddur um að gera mistök; flestir aðrir notendur séu hjálpsamir og vilji laga til ef eitthvað fer útskeiðis. Það er ekki vandamálið. Við höfum líka margar síður sem úrskýra hlutina, svindlsíðu og handbók. Held að það mætti frekar fara út í að gera nýtt kynningarplakat og hengja upp á vel völdum stöðum, en þar sem Wikipedia er sjálfboðavinna þá getur verið erfitt að fá greiddan prentkostnað. Hugsanlega er hægt að fara út í styrkjaleitir, minnsta mál. Þannig væri hægt að fá breiðan hóp „skríbenta“. En þá þurfum við hin einnig að vera á varðbergi hvað skemmdarverk varðar, því ekki eru allir jafn opnir fyrir slíkum fyrirbærum eins og Wikipedia í raun og veru er. Hitt er annað mál að allt fróða fólkið hefur ekki endilega nennu, getu eða tíma til að „gefa“ vinnu sína, ef svo mætti að orði komast. Vorum við búin að tala um grein í Moggann, eða er það rugl í mér? --Jóna Þórunn 15:17, 13 febrúar 2007 (UTC)

Já svindlsíðan er dæmi um einfaldar leiðbeiningar fyrir algera byrjendur. Hún er reyndar leiðbeiningarsíða um tækilegu atriðin en ekki ábending um að það sé í lagi að skrifa bara texta (sem verður seinna wikigerður), en samt, við erum með helling af leiðbeiningum og ábendingum. Ef það vantar yfirlit yfir íslensk efni sem þarf að skrifa um, þá er bara um að gera að taka saman slíkan lista (eigum við slíkan lista?) Nú svo væri kannski hægt að setja upp ótímabundið samvinnuverkefni (sbr. projectin á ensku), t.d. viðvarandi samvinnuverkefni um íslensk mál þar sem haldið væri utan um eftirsóttar síður um íslensk efni, stubba sem tengjast Íslandi, styttri síður (sem eru þó ekki stubbar) sem þarf að lengja eða laga o.s.frv. Svona viðvarandi samvinnuverkefni virkar samt bara ef það eru nógu margir virkir notendur sem nenna að vinna að því, varla færri en þrír, fimm eða fleiri væri ákjósanlegt (ég sé t.d. ekki fram á að ég gæti sett upp svona verkefni um heimspekina eða fornfræðina sem eru aðaláhugamál mín hérna). Og þá væri þetta bara til hliðar við samvinnuverkefni mánaðarins. --Cessator 18:29, 13 febrúar 2007 (UTC)

Lítil persónuleg verkefni er jafnvel allt sem til þarf. Sbr. Desemberuppbótina mína sem er ekki tilbúin, ég hef verið að eiga við íslenskar veðurathugunarstöðvar, GesturP skrifaði um alla þéttbýlisstaði sem ekki voru komnir, ég lagaði eitthvað til í rauðum tenglum á sveitarfélög, EinarBP hefur lyft grettistaki í fyrrverandi sveitarfélögum, Akigka og Bjarki hafa verið duglegir við stjórnmálin, Gummi og Smári dútlað við Eyjar og svona mætti lengi telja. Það er til einhver grátlega lélegur listi yfir greinar sem ættu að vera til skástrik Ísland en það er að sjálfsögðu bara dropi í hafið. Ég held að Björn, sem hóf umræðuna, ætti að koma með einhvern lista yfir það sem honum finnst skipta máli sem varðar Ísland og svo er hægt að virkja notendur, ýmist í gegnum samvinnur mánaðarins, keppnir (sbr. stubbópedíu (sv.wiki)) eða álíka. --Jóna Þórunn 19:30, 13 febrúar 2007 (UTC)

Já, byrjunin væri auðvitað að útbúa miklu ítaregri lista yfir greinar tengdar Íslandi sem þarf að skrifa/lengja/laga/fylgjast með/o.s.frv. Eins manns verkefni eru auðvitað góð svo langt sem þau ná, en það er ekkert athugavert við að skella upp svona ótímabundnu samvinnuverkefni ef nógu margir eru til í að gerast þátttakendur. Þá er bara spurning um að safna liði. --Cessator 19:43, 13 febrúar 2007 (UTC)

Það er mikið til í þessu hjá Birni. Hinsvegar sé ég ekki wikipedia fyrir mér sem samsafn fróðleiks um Ísland, heldur sem alfræðiorðabók. Og eiginlega eðli málsins samkvæmt verður þá megnið af efninu vel tengt útlöndum.

Það sem kom fram um að setja upp e-s.konar lista yfir íslenska hluti sem ættu að vera til er þrælgóð! Eigum við ekki að vonast til að ef hinir fjölmörgu íslensku wikipedaverjar leggjast á eitt ætti að geta komið gott út úr því. Búa til góðan lista. Við að herða okkur í að fara á bókasafnið áður en við skrifum óskrifuðu greinarnar. Þá yrði gaman. Koettur 23:01, 13 febrúar 2007 (UTC)

Tilaga ad lista yfir kvikmyndir

Er eitthver stadur, annar en sankassinn, thar sem haet er ad gera tilogur um storar breitingar a greinum? Eg gerdi eina slika tilogu fyrir Listi yfir íslenskar kvikmyndir i sandkassanum og datt i hug ad athuga med vidbrogd. Kanski britur thad sanngjarna notkun ad hafa plakotin a listanum. Held samt ekki. Svo er listinn flokkadur i stafrofsrod og timarod. Er astaeda fyrir ad gera prettytable fyrir stafrofsrodina lika?--Steinninn 22:28, 4 febrúar 2007 (UTC)

Þú getur haft Notandi:Steinninn/kvikmyndalisti fyrir tillöguna þangað til hún verður samþykkt eða ósamþykkt. --Nori 13:54, 5 febrúar 2007 (UTC)

Komid upp Notandi:Steinninn/Listi yfir íslenskar kvikmyndir --Steinninn 17:00, 7 febrúar 2007 (UTC)

Tilagan fékk þögla samþyggt. Fyrir utan Notandi:Nori sem sagþyggti. --Steinninn 09:57, 11 febrúar 2007 (UTC)

Örlygur Sturla

Örlygur Sturla Arnarson er ungur skóla drengur í 8.bekk. Hann gengur í Víðistaðaskóla Hfn.

Það mætti kannski bjóða Örlygi Sturlu að skrá sig sem notanda. Þá getur hann sett þessar upplýsingar á notendasíðuna sína ;) --Cessator 00:22, 5 febrúar 2007 (UTC)

Já það er góð hugmynd, hefði ekkert á móti því að fræðast meira um hann Örlyg. --Baldur Blöndal 00:54, 5 febrúar 2007 (UTC)

Niccolo Zucchi

vill vita allt um hann

Thad tharf endilega ad breita thvi ad thegar eitthver leitar ad eitthverju sem er ekki til ad thad se ekki maelt med ad thad sem komid med beidni um tha grein i pottinum, eins og thessi onefndi adili er ad gera. --Steinninn 07:02, 6 febrúar 2007 (UTC)

Af hverju? Það er í góðu lagi að fólk biðji um þetta. Ástæðan fyrir því að þessi skilaboð voru sett þarna var meðal annars vegna þess að fólk var að senda greinar og fyrirspurnir á spjallsíður eða í sandkassan. Ef einhver hefur áhuga á þessum Zucchi þá getur meira en vel verið að hann skrifi greinina ef ekki, þá breytir þetta engu. Það er ekki eins og þetta sé fyrir neinum ;) --Friðrik Bragi Dýrfjörð 12:46, 6 febrúar 2007 (UTC)

Thad kom bara upp sma umraeda her fyrir ofan um Franzl Lang thar sem talad var um hvort aetti ad taka thetta ut. Sjalfum finnst mer ad thad aetti frekar ad hvetja ad vidkomandi skrifi greinina sjalfur. En ju ju, thetta er svosem ekkert fyrir mer heldur. :) --Steinninn 19:14, 6 febrúar 2007 (UTC)

Þá var frekar verið að meina að menn létu heilu greinarnar hingað en það er allt í lagi að menn biðji um að skrifa grein um eitthvað ef menn geta ekki gert það sjálfir. --Nori 20:08, 6 febrúar 2007 (UTC)

smá landafræði takk:D

það væri geggt nice ef það væri eitthvað um landafræði eins og bauganet, heimskautsbaugar og svona stuff. — Þetta óundirritaða innlegg var skrifað af 82.148.74.226 (spjall) · framlög

Skoðaðu Flokkur:Landafræði og sérstaklega Flokkur:Landmælingar. --Jóna Þórunn 10:54, 8 febrúar 2007 (UTC)