Sporðgranaætt

Sporðgranaætt (fræðiheiti: Loricariidae) er stærsta ætt grana (Siluriformes). Ættkvíslir eru 92 og hafa yfir 680 tegundir hafa verið taldar. Lengd þeirra er frá um 2 sentimetrum til metra.

Sporðgranaætt Tímabil steingervinga: Fyrri hluti Míósen - Nútíma
Pterygoplichthys sp.
Vísindaleg flokkun
Ríki: Dýraríki (Animalia) Fylking: Seildýr (Chordata) Flokkur: Geisluggar (Actinopterygii) Ættbálkur: Granar (Siluriformes)
Undirættir
Delturinae Hypoptopomatinae Hypostominae Lithogeneinae Loricariinae Neoplecostominae Otothyrinae (stundum taldar til Hypoptopomatinae) Genus Nannoplecostomus (incertae sedis)

Sporðgranar eiga sér útbreiðslusvæði í ferskvatni í Mið-Ameríku (Kosta Ríka og Panama) og hitabeltissvæða Suður-Ameríku. Tegundir hafa fundist í allt að 3000 metra hæð.

Megineinkenni þeirra eru harðar plötur sem þekja búk þeirra, sogmunnur og par fálmara. Útlit getur verið fjölbreytt og litir fjölskrúðugir. Flestar tegundirnar eru virkari á nóttunni og dvelja undir til að mynda steinum eða trjárótum yfir hábjartan dag. Sumar tegundir geta lifað utan vatns í margar klukkustundir.

Aðalfæða sporðgrana eru þörungar, hryggleysingjar og rotnandi efni. Sumar tegundir bera egg á sér meðan aðrar verpa í fast undirlag, t.d. leðju.

Sporðgranar eru vinsælir gæludýrafiskar. Oft eru þeir seldir sem pleco en ein vinsælasta tegundin er Hypostomus plecostomus sem getur orðið allt að hálfur metri að lengd. Meðal vinsælla ættkvísla eru: Ancistrus, Hypostomus, Hypancistrus og Pterygoplichthys.

• 
  Pterygoplichthys multiradiatus.
• 
  Hypancistrus zebra.
• 
  Hemiancistrus subviridis.
• 
  Sogmunnur og tennur Panaque nigrolineatus.
• 
  Ancistrus dolichopterus; brúsknefur.

Heimild

• Fyrirmynd greinarinnar var „Loricariidae“ á ensku útgáfu Wikipedia. Sótt 12. apríl. 2018.

  Þessi líffræðigrein er stubbur. Þú getur hjálpað til með því að bæta við greinina.