Ráðuneyti Stefáns Jóhanns Stefánssonar

Ráðuneyti Stefáns Jóhanns Stefánssonar var samsteypustjórn Alþýðuflokks, Framsóknarflokks og Sjálfstæðisflokks 4. febrúar 1947 - 6. desember 1949. Stjórnin var einatt kölluð „Stefanía“, eftir forsætisráðherranum Stefáni Jóhanni Stefánssyni, formanni Alþýðuflokksins.

Eftir gríðarlegar fjárfestingar og uppbyggingu í lok síðari heimsstyrjaldarinnar varð nánast gjaldeyrisþurrð á Íslandi. Ríkisstjórnin greip því til gríðarlegra innflutningshafta og rak hér um þriggja ára skeið einn róttækasta hafta- og áætlunarbúskap sem sést hefur á Íslandi. Ríkisstjórnin rak eina alræmdastu hagstjórn sem hefur ríkt í landinu.

Innganga Íslands í Norður-Atlantshafsbandalagið var samþykkt í stjórnartíð ríkisstjórnarinnar þann 30. mars 1949. Sama dag og innganga Íslands í varnarbandalagið var samþykkt á Alþingi urðu einar mestu óeirðir sem sést hafa á Íslandi. Andstæðingar, stuðningsmenn og almennir borgarar flykktust á Austurvöll til að láta skoðanir sínar í ljósi og létu andstæðingar samningsins grjóti, eggjum og mold rigna yfir Alþingishúsið. Lögregla varpaði í kjölfarið táragasi inn í mannfjöldann.

Ráðherrar breyta

Sjá nánar breyta

Heimildir breyta

  • Agnar Kl. Jónsson, Stjórnarráð Íslands 1904-64.
  • Sigurður Snævarr, Haglýsing Íslands.
  • Guðni Th. Jóhannesson, Óvinir ríkisins.
  • Valur Ingimundarson, Í eldlínu kalda stríðsins.