Kristrún Frostadóttir

Íslenskur hagfræðingur og stjórnmálakona

Kristrún Mjöll Frostadóttir (fædd 12. maí 1988) er íslenskur hagfræðingur og núverandi formaður Samfylkingarinnar. Hún hefur setið á Alþingi fyrir flokkinn í Reykjavíkurkjördæmi suður frá 2021.

Kristrún Frostadóttir (KFrost)

Kristrún árið 2022

Fæðingardagur: 12. maí 1988 (1988-05-12) (36 ára)
Fæðingarstaður: Reykjavík
3. þingmaður Reykjavíkurkjördæmis suður
Flokkur: Merki Samfylkingarinnar Samfylkingin
Þingsetutímabil
2021- í Reykv. s. fyrir Samf.
= stjórnarsinni
Embætti
2022- Formaður Samfylkingarinnar
Tenglar
Æviágrip á vef Alþingis

Menntun breyta

Kristrún lauk stúdentsprófi frá Menntaskólanum í Reykjavík árið 2008. Hún lauk BS prófi í hagfræði frá Háskóla Íslands árið 2011 og MA-próf í hagfræði frá Boston-háskóla árið 2014. Hún lauk líka árið 2016 MA-próf í alþjóðafræði með áherslu á hagstjórn og alþjóðafjármál frá Yale-háskóla.

Starfsferill breyta

Kristrún er fyrrverandi hagfræðingur Viðskiptaráðs Íslands og fyrrum aðalhagfræðingur Kviku banka.

Hún hefur starfað sem blaðamaður á Viðskiptablaðinu og verið starfsmaður greiningardeildar Arion banka. Hún starfaði sem sérfræðingur í greiningardeild bandaríska fjárfestingabankans Morgan Stanley, fyrst í New York og síðan í London en hélt þaðan til starfa sem aðalhagfræðingur Viðskiptaráðs Íslands í mars árið 2017.[1] Í janúar 2018 tók hún við starfi aðalhagfræðings Kviku banka[2] en sagði starfinu upp þegar hún sóttist eftir sæti á lista Samfylkingarinnar í Reykjavík í janúar 2021.[3]

Stjórnmál breyta

Innkoma Kristrúnar inn á hið pólitíska svið vakti mikla athygli í aðdraganda kosninga. Hún var sá frambjóðandi Samfylkingarinnar sem var einna mest áberandi í kosningabaráttunni og m.a. spratt fjölmiðlaumræða um hvort Kristrún hefði í starfi sínu hjá Kviku banka fengið tugmilljóna króna kaupaaukagreiðslur. Kristrún vísaði þeim fullyrðingum á bug.[4]

Formennska í Samfylkingunni breyta

Eftir að Logi Már Einarsson tilkynnti að hann myndi láti af störfum sem formaður Samfylkingarinnar var Kristrún orðuð við formanninn.[5] Seinna þess árs í águst gaf hún kost á sér í formannskjör Samfylkingarinnar.[6] Þar sem engin önnur framboð bárust var Kristrún sjálfkjörin formaður á landsfundi flokksins þann 28. október 2022 með 94,5 pró­sent atkvæða.[7]

Einkalíf breyta

Maki Kristrúnar er Einar B. Ingvarsson og eiga þau tvær dætur fæddar árið 2019 og 2023.[8]

Tilvísanir breyta

  1. Vi.is, „Kristrún nýr hagfræðingur Viðskiptaráðs“ (skoðað 13. febrúar 2021)
  2. Visir.is, „Kristrún nýr aðalhagfræðingur Kviku“ (skoðað 13. febrúar 2021)
  3. Mbl.is, „Kristrún lætur af störfum hjá Kviku“ (skoðað 13. febrúar 2021)
  4. Dv.is, „Kristrún neitar að hafa þegið tugmilljóna króna kaupaukagreiðslur: „Þetta er algjör lágkúra í fjölmiðlun““ (skoðað 27. september 2021)
  5. Sunna Valgerðardóttir (18. júní 2022). „Þau sem koma helst til greina í formannsbaráttuna“. RÚV. Sótt 18. Maí 2024.
  6. Það er hægt að stjórna landinu betur Vísir, sótt 19/8 2022
  7. Þórður Snær Júlíusson (28. október 2022). „Kristrún Frostadóttir orðin formaður Samfylkingarinnar“. Kjarninn. Sótt 28. október 2022.
  8. Xs.is, „Kristrún Mjöll Frostadóttir“[óvirkur tengill] (skoðað 13. febrúar 2021)