Kjördæmin keppa

Kjördæmin keppa var spurningaþáttur á RÚV vorið 1976 þar sem þriggja manna keppnislið frá kjördæmunum átta öttu kappi með útsláttarfyrirkomulagi. Spyrill var Jón Ásgeirsson íþróttafréttamaður og dómari Ingibjörg Guðmundsdóttir. Höfundur spurninga var Helgi Skúli Kjartansson sagnfræðingur. Keppninni lauk með sigri Norðurlandskjördæmis eystra.^[1]

Viðureignir

1.umferð:

Suðurlandskjördæmi sigraði Reykjaneskjördæmi
Reykjavíkurkjördæmi sigraði Vesturlandskjördæmi
Vestfjarðakjördæmi sigraði Austurlandskjördæmi
Norðurlandskjördæmi eystra sigraði Norðurlandskjördæmi vestra

Undanúrslit:

Norðurlandskjördæmi eystra sigraði Vestfjarðakjördæmi
Reykjavíkurkjördæmi sigraði Suðurlandskjördæmi

Úrslit:

Norðurlandskjördæmi eystra sigraði Reykjavíkurkjördæmi

Keppendur

Suðurlandskjördæmi
Jón Einarsson (Skógaskóla), Einar Eiríksson (Vestmannaeyjum) og Jóhannes Sigmundsson (Syðra-Langholti Hrunamannahreppi)
Reykjaneskjördæmi
Pétur Gautur Kristjánsson (Keflavík), Sigurveig Guðmundsdóttir (Hafnarfirði) og Sigurður Ragnarsson (Kópavogi)
Reykjavíkurkjördæmi
Bergsteinn Jónsson, Sigurður Líndal og Vilhjálmur Lúðvíksson
Vesturlandskjördæmi
Sr. Hjalti Guðmundsson (Stykkishólmi), Jón Þ. Björnsson (Borgarnesi) og Sr. Jón Einarsson (Saurbæ á Hvalfjarðarströnd)
Vestfjarðakjördæmi
Sr. Þórarinn Þór (Patreksfirði), Halldór Kristjánsson frá Kirkjubóli og Kristín Aðalsteinsdóttir (Skjaldfönn, Nauteyrarhreppi)
Austurlandskjördæmi
Eiríkur Eiríksson (Dagverðargerði, Hróarstungu), Kristján Ingólfsson (Reyðarfirði) og Sigurbjörn Kjartansson (Höfn í Hornafirði)
Norðurlandskjördæmi eystra
Gísli Jónsson (Akureyri), Guðmundur Gunnarsson (Akureyri) og Indriði Ketilsson (Fjalli í Aðaldal)
Norðurlandskjördæmi vestra
Hlöðver Sigurðsson (Siglufirði), Lárus Ægir Guðmundsson (Skagaströnd) og Sr. Ágúst Sigurðsson (Mælifelli, Skagafirði)

Deilur vegna keppnishalds

Viðureignirnar sjö voru teknar upp á tveimur dögum. Eftir að sýningar þáttanna hófust kom fram ýmis konar gagnrýni á framkvæmd keppninnar. Var því haldið fram að sumar spurningar hefðu verið rangar eða að úrskurðir dómara hefðu orkað tvímælis. Kærðu fulltrúar liðs Norðurlandskjördæmis vestra viðureign sína í fyrstu umferð til Útvarpsráðs, sem úrskurðaði að úrslitin skyldu standa óbreytt.^[2]

Spurning í keppni Suðurlandskjördæmis og Reykjaneskjördæmis, sem réð úrslitum í viðureigninni, varð sömuleiðis umdeild. Þar var spurt um elstu virkjun á Vestfjörðum og urðu blaðaskrif vegna málsins.^[3] ^[4]

Einungis tveir keppendur af 24 voru konur. Spyrill keppninnar kallaði aðra þeirra „skrautfjöður“ liðs síns og var skammaður fyrir í blöðum.^[5]

Tilvísanir og heimildir

Upplýsingar um viðureignir og keppnislið birtust í dagskrárauglýsingum dagblaðanna á tímabilinu 27. mars til 8. maí.

[1] „Dagur 12. maí 1976“.

[2] „Tíminn 28. apríl 1976“.

[3] „Dagblaðið 31. mars 1976“.

[4] „Dagblaðið 2. apríl 1976“.

[5] „Dagblaðið 28. apríl 1976“.

[1]

[2]

[3]

[4]

[5]