Ingibjörg Þorbergs og Alfreð Clausen - Á morgun

(Endurbeint frá IM 27)

Ingibjörg Þorbergs og Alfreð Clausen er 78-snúninga hljómplata gefin út af Íslenzkum tónum árið 1953. Á henni syngja Alfreð Clausen og Ingibjörg Þorbergs lögin Á morgun og Stefnumótið, við undirleik tríós Carl Billich. Í tríóinu voru auk Billich, Josef Felzmann og Einar B. Waage. Platan er hljóðrituð í mono. Upptaka: Ríkisútvarpið. Pressun: AS Nera í Osló.

Ingibjörg Þorbergs og Alfreð Clausen
Forsíða Ingibjörg Þorbergs og Alfreð Clausen - Á morgun

Bakhlið Ingibjörg Þorbergs og Alfreð Clausen - Á morgun
Bakhlið

Gerð IM 27
Flytjandi Ingibjörg Þorbergs, Alfreð Clausen, Carl Billich, Josef Felzmann, Einar B. Waage
Gefin út 1953
Tónlistarstefna Dægurlög
Útgáfufyrirtæki Íslenzkir tónar

LagalistiBreyta

  1. Á morgun - Lag og texti: Ingibjörg Þorbergs - Hljóðdæmi 
  2. Stefnumótið - Lag - texti: Ásta Sveinsdóttir - Númi Þorbergsson - Hljóðdæmi 


Lagið Á morgunBreyta

Lag Ingibjargar Þorbergs Á morgun vakti verðskuldaða athygli þegar það kom fyrst út 1953. Gæði lagsins, útsetning og flutningur alllur hefur fært lagið í öndvegisflokk sígildra íslenskra dægurlaga, sem yngri kynslóðir sækja innblástur í og leitast við að endurvekja. Í leikriti Ólafs Hauks Símonarsonar, Þrek og tár, sem sýnt var í Þjóðleikhúsinu 1995 var lagið sungið af Eddu Heiðrúnu Backman og Agli Ólafssyni. Síðan tóku Megas og senuþjófarnir lagið á samnefndri plötu sinni 2008. Árið 2011 sungu svo Sigurður Guðmundsson og Sigríður Thorlacius það inn á plötu með Sinfóníuhljómsveitinni. Lagið er fyrsta íslenska dægurlagið sem kona semur og syngur sjálf inn á hljómplötu.

Forsíða nótnaheftisBreyta