Iðnskólinn í Reykjavík

**Iðnskólinn í Reykjavík**
Starfandi	1904–2008
Tegund	Ríkisskóli
Skólastjóri	Baldur Gíslason
Nemendur	2148 (árið 2007)
Nemendafélag	SIR
Staðsetning	Skólavörðuholt

Iðnskólinn í Reykjavík var elsti iðnmenntaskóli Reykjavíkur og var hann starfandi frá 1904–2008 þar til hann sameinaðist Fjöltækniskólanum og varð að Tækniskólanum.

Við hann stunduðu rúmlega 2050 manns nám, um 1550 í dagskóla og 400 í kvöldskóla og í fjarnámi árið 2007. Námsbrautir voru 21 á 7 sviðum: almennu sviði, byggingasviði, hönnunarsviði, rafiðnasviði, sérdeildasviði, tölvusviði og upplýsinga- og margmiðlunarsviði.

Skólinn starfaði eftir áfangakerfi. Námslok miðuðust við að nemendur hafi lokið tilskildum áföngum og einingafjölda eins og tilgreint var (eða 9 alls með undartekningum) í brautarlýsingum skólanámskrár. Skólaárinu var skipt í tvær annir, vorönn og haustönn.

Saga breyta

Skólinn var stofnaður af Iðnaðarmannafélaginu í Reykjavík árið 1904, en félagið hafði starfrækt óformlegan skóla allt frá 1873. Fyrst var kennt í Vinaminni í Grjótaþorpinu, en árið 1906 var flutt í nýreist hús Iðnaðarmannafélagsins í Vonarstræti sem nú hýsir Tjarnarskóla. Skólastjóri á þessum upphafsárum skólans var Jón Þorláksson verkfræðingur.

Skólaárið 1929-30 hófst svo fyrst kennsla í dagskóla, en áður var kennt á Sunnudögum og um kvöld.

Árið 1955 flutti skólinn svo í ný húsakynni á Skólavörðuholti.

Í lok sjöunda áratugarins voru verknámsdeildirnar stofnaðar og verkleg kennsla færð inn í skólann.

1982 var tekið upp áfangakerfi og bóknám samræmt öðrum framhaldsskólum, fyrstu stúdentarnir frá Iðnskólanum voru svo útskrifaðir 1989. Árið 1986 þá var stofnað Tölvusvið en undir því er Tölvubraut.

Árið 2008 var ákveðið að sameina Iðnskólann og Fjöltækniskólann undir heitinu Tækniskólinn. Um leið var rekstur iðnskólans færður frá íslenska ríkinu til Rekstrarfélags Tækniskólans (áður Menntafélagið). Tækniskólinn rekur nú sjö skóla í húsnæði Iðnskólans á Skólavörðuholti: Hársnyrtiskólann, Tæknimenntaskólann, Endurmenntunarskólann, Raftækniskólann, Byggingatækniskólann, Hönnunar- og handverksskólann og Meistaraskólann

Námsframboð breyta

Skólinn bauð upp á 23 brautir á 8 sviðum:

Almennt svið breyta

Almenn námsbraut

Byggingasvið breyta

Húsasmíðabraut
Málarabraut
Veggfóðrun
Húsgagnasmíðabraut
Múrsmíðabraut

Hönnunarsvið breyta

Hársnyrtibraut.
Fataiðnbraut
Listnámsbraut
Gull- og silfursmíði

Rafiðnasvið breyta

Rafeindavirkjun
Rafvélavirkjun
Símsmíði
Rafvirkjun
Rafveituvirkjun

Sérdeildasvið breyta

Sérdeildir
Nýbúabraut

Tölvusvið breyta

Tölvubraut

Upplýsinga- og margmiðlunarsvið breyta

Upplýsinga- og fjölmiðlabraut
Tækniteiknun
Margmiðlunarskólinn

Ljóstækni breyta

Lýsingarfræði
Lýsingarhönnun

Þekktir nemendur breyta

Þessi listi er ekki tæmandi. Þú getur hjálpað til með því að bæta við hann

Allnokkrir þekktir einstaklingar hafa stundað nám við Iðnskólann í Reykjavík.

Athafnarmenn breyta

Helgi Hóseasson, mótmælandi og smiður^[1]

Stjórnmálamenn breyta

Jón Gunnarsson, alþingismaður^[2]
Sturla Böðvarsson, Forseti Alþingis^[3]

Tengdar stofnanir breyta

Iðnú bókaútgáfa.

Neðanmálsgreinar breyta

Heimildir breyta

„Vefsíða Iðnskólans“. Sótt 17. júlí 2007.

[1] Um Helga Hósaeasson af vefsvæði Morgunblaðsins^{[óvirkur tengill]}

[2] Æviágrip Jóns Gunnarssonar af vef Alþingis

[3] Æviágrip Sturlu Böðvarssonar af vef Alþingis

[1]

[2]

[3]