Helgi Skúlason

Helgi Skúlason (4. september 1933 – 25. september 1996) var íslenskur leikari og leikstjóri sem er þekktur fyrir kvikmyndaleik í myndum eins og Húsið (1983) og Hrafninn flýgur (1984); og fyrir leiklestur á þekktum barnaplötum eins og Karíus og Baktus og Æfintýri í Mararþaraborg. Helgi lék bæði hjá Þjóðleikhúsinu og Leikfélagi Reykjavíkur, og leikstýrði fyrir Útvarpsleikhúsið á sama tíma. Hann var fyrsti formaður Félags leikstjóra á Íslandi 1972.

Helgi var giftur Helgu Bachmann leikkonu. Börn þeirra eru Hallgrímur Helgi Helgason, þýðandi og handritshöfundur, Skúli Helgason, stjórnmálamaður, og Helga Vala Helgadóttir, lögmaður. Fyrir átti Helga Bachmann eina dóttur, Þórdísi Bachmann, þýðanda.

Kvikmyndaferill

• Agnes (1995)
• Hin helgu vé (1993)
• Svo á jörðu sem á himni (1992)
• Kristnihald undir jökli (1989)
• Í skugga hrafnsins (1988)
• Leiðsögumaðurinn (1987)
• Hrafninn flýgur (1984)
• Húsið (1983)
• Útlaginn (1981)
• Blóðrautt sólarlag (1977)