Grenivík

Grenivík

Grenivík ofan af Þengilhöfða í ágúst 2021.

Grenivík, Þengilhöfði í baksýn.

Grenivik séð frá Þengilhöfða.

Grenivík er þorp sem stendur við austanverðan Eyjafjörð á Norðurlandi eystra og er nyrsta byggð þeim megin fjarðar. Íbúar voru 301 talsins árið 2019. Þorpið er hluti af Grýtubakkahreppi. Grenivík stendur undir fjallinu Kaldbak sem er 1173 m hár. Þengilhöfði er 260 m hátt fjall suður af Grenivík.

Á landsnámsöld segir að Þormóður Þorleifsson hafi numið Grenivík.

Þorp tók að myndast á Grenivík upp úr aldamótum 1900. Kirkja var byggð á Grenivík árin 1885-1886 en árið 1927 var Grenivíkurprestakall sameinað Laufásprestakalli. Árið 1964 var hafið að byggja höfn í þorpinu.

Við grunnskólann Grenivíkurskóla er sundlaug, tjaldsvæði og líkamsræktarsalur. Golfvöllur er sunnan við bæinn.

Fyrirtækin Gjögur og Darri eru fiskvinnslufyrirtæki í þorpinu. Einnig má nefna Sparisjóð Höfðhverfinga, Vélsmiðjuna Vík og lyfjafyrirtækið Pharmarctica. Matvöruverslunin Jónsabúð er í bænum. Heilsugæsla er við Túngötu.

Íþróttafélagið Magni er virkt í knattspyrnu og spilaði í næstefstu deild sumarið 2020.

Sveitarstjóri er Þröstur Friðfinnsson.

  Þessi Íslandsgrein sem tengist landafræði er stubbur. Þú getur hjálpað til með því að bæta við greinina.

Tenglar

Grenivík.is