Kamilla Bretadrottning

(Endurbeint frá Camilla Parker Bowles)

Kamilla Bretadrottning (fædd 17. júlí 1947 sem Camilla Rosemary Shand, áður þekkt sem Camilla Parker Bowles) er önnur eiginkona Karls 3. Bretakonungs, þjóðhöfðingja Bretlands og fjórtán annarra ríkja breska samveldisins. Hún notaði áður nafnbótina hertogaynja af Cornwall, sem var önnur nafnbót eiginmanns hennar, frekar en hertogaynja af Wales. Nafnbót hennar í Skotlandi var hertogaynja af Rothesay.

Skjaldarmerki Windsor-ætt Drottning Bretlands
Windsor-ætt
Kamilla Bretadrottning
Kamilla
Ríkisár 8. september 2022
SkírnarnafnCamilla Rosemary Shand
Fædd17. júlí 1947 (1947-07-17) (76 ára)
 King's College Hospital, London, Englandi
Konungsfjölskyldan
Faðir Bruce Shand
Móðir Rosalind Cubitt
EiginmaðurKarl 3. Bretakonungur (g. 2005)
Andrew Parker Bowles (g. 1973; sk. 1995)
BörnTom Parker Bowles, Laura Lopes

Kamilla er elsta barn majórsins Bruce Shand og konu hans Rosalind Cubitt, dóttur barónsins Roland Cubitt. Hún ólst upp í Austur-Sussex og South Kensington í London. Hún var menntuð í Englandi, Sviss og Frakklandi. Hún starfaði í ýmsum fyrirtækjum í London en helst þeirra var veggfóðurframleiðandinn Sibyl Colefax & John Fowler. Árið 1973 giftist Kamilla liðsforingjanum Andrew Parker Bowles og eiga þau tvö börn saman. Þau skildu árið 1995.

Kamilla var í ástarsambandi við Karl Bretaprins áður, á meðan og eftir að þau voru gift öðrum. Samband þeirra var mikið til umræðu í fjölmiðlunum. Árið 2005 giftu þau sig í Windsor og hjónaband þeirra var vígt af Rowan Williams þáverandi erkibiskup af Kantaraborg.

Sem hertogaynja af Cornwall aðstoðaði Camilla eiginmann sinn við opinber skylduverk hans. Hún er jafnframt verndari og formaður ýmsra góðgerðarsamtaka. Frá árinu 1994 hefur hún farið með vitundarátak um beinþynningu og hefur fengið verðlaun fyrir þá vinnu. Hún hefur einnig vakið athygli almennings um nauðgun og kynferðislegt ofbeldi, læsi og fátækt.

Samkvæmt opinberri yfirlýsingu var lengi áætlað að Camilla myndi nota nafnbótina „prinsessa“ frekar en „drottning“ þegar Karl Bretaprins tæki við krúnunni. Í febrúar 2022 lýsti Elísabet 2. Bretadrottning því hins vegar yfir að hún vildi að Kamilla tæki drottningartign þegar Karl yrði konungur. [1]

Kamilla varð drottning Bretlands þegar Elísabet 2. dó þann 8. september 2022.[2] Hún var formlega krýnd drottning við krýningarathöfn Karls þann 6. maí 2023.[3]

Heimild breyta

Tilvísanir breyta

  1. Eiður Þór Árnason (5. febrúar 2022). „Elísa­bet út­nefnir Camillu verðandi drottningu“. Vísir. Sótt 7. febrúar 2022.
  2. Kristján Kristjánsson (9. september 2022). „Þetta eru helstu breytingarnar sem verða í kjölfar andláts Elísabetar II“. DV. Sótt 9. september 2022.
  3. „Karl III. krýndur Bretakonungur“. mbl.is. 6. maí 2023. Sótt 6. maí 2023.
   Þetta æviágrip er stubbur. Þú getur hjálpað til með því að bæta við greinina.