Bandalag íslenskra skáta

Bandalag íslenskra skáta (stofnað 6. júní 1924) eru landssamtök skáta á Íslandi. Samtökin urðu meðlimur að alþjóðlegu skátahreyfingunni 29. ágúst 1924. BÍS rekur skátamiðstöð að Úlfljótsvatni sem hefur hýst landsmót skáta, sumarmót og sumarbúðir. Innan skátamiðstöðvarinnar er 5000 manna tjaldstæði og 10 metra klifurturn.

Bandalag íslenskra skáta
Skammstöfun	BÍS
Stofnun	6. júní 1924
Gerð	Landsamband skáta
Höfuðstöðvar	Hraunbær 123, Reykjavík
Markaðsvæði	Ísland
Meðlimir	5000
Móðurfélag	Skátahreyfingin
Vefsíða	http://www.skatarnir.is

Saga

Skátastarf á Íslandi hófst líklega í kringum 16. júlí 1911 þegar Ingvar Ólafsson, skáti í Danmörku, undirbjó stofnun skátafélags sem varð að veruleika ári síðar undir nafninu Skátafélag Íslands. Í kjölfarið var skátafélag stofnað 23. apríl 1913 í Reykjavík, 22. maí 1917 á Akureyri og 1920 á Eyrarbakka. Tveimur árum síðar, 7. júlí var fyrsta kvenskátafélag íslands Kvenskátafélag Reykjavíkur stofnað.

6. júní 1924 var landsamband drengskáta stofnað undir nafninu Bandalag íslenskra skáta og fékk inngöngu í skátahreyfinguna sama árs. Fyrsti skátahöfðingi hennar var Axel W. Tulinius. Landsamband kvenskáta var stofnað meira en áratug síðar 23. mars 1938 undir nafninu Kvenskátasamband Íslands. Þremur árum síðar fær landsamband drengskáta jarðréttindi yfir Úlfljótsvatni.

1944 gengu skátafélög kvenskáta inn í Bandalag skáta og urðu þar með fyrsta landsamband kven- og drengskáta í heiminum.

Landsmót skáta á Íslandi

Landsmót skáta hafa verið haldin á Íslandi síðan 1925. Landsmótin voru upphaflega haldin á fjögurra ára fresti en nú eru þau haldin á þriggja ára fresti. Nýleg skátamót á íslandi eru:

Ár	Staðsetning	Þema
1981	Kjarnaskógi, Akureyri	Nýr heimur - nýtt líf
1986	Viðey	Nýtt lýðveldi
1990	Skátamiðstöðin Úlfljótsvatni	Undraland
1993	Kjarnaskógi, Akureyri	Út í veröld bjarta
1996	Skátamiðstöðin Úlfljótsvatni	Á víkingaslóð
1999	Skátamiðstöðin Úlfljótsvatni	Leiktu þitt lag
2002	Hamrar, Akureyri	Álfar og tröll
2005	Skátamiðstöðin Úlfljótsvatni	Orka jarðarinnar
2008	Hamrar, Akureyri	Á víkingaslóð
2012	Skátamiðstöðin Úlfljótsvatni	Aldarafmæli skátahreyfingarinnar á Íslandi
2014	Hamrar, Akureyri	Í takt við tímann
2016	Skátamiðstöðin Úlfljótsvatni	Leiðangurinn mikli
2024	Skátamiðstöðin Úlfljótsvatni	Ólíkir heimar

Heimildir

• Skátaannáll 1912-1972^{[óvirkur tengill]}
• Upphaf skátahreyfingarinnar á Íslandi Geymt 24 október 2021 í Wayback Machine