Alberto Zorrilla
Victoriano Alberto Zorrilla (6. apríl 1906 – 23. apríl 1986) var argentínskur sundmaður sem vann til gullverðlauna á Ólympíuleikum. Hann hvílir í Hólavallakirkjugarði.
Victoriano Alberto Zorrilla | |
|---|---|
 Sundkappinn Zorrilla. | |
| Fæddur | 6. apríl 1906 |
| Dáinn | 23. apríl 1986 (80 ára) |
| Þjóðerni | Argentínskur |
| Störf | Íþróttamaður |
| Þekktur fyrir | að vinna til gullverðlauna á Ólympíuleikum. |
Lífshlaup
breytaZorilla var af efnafólki kominn og varð snemma afburðaíþróttamaður í heimalandi sínu og keppti í fjölda greina. Aðeins átján ára að aldri keppti hann á Ólympíuleikunum 1924 sem haldnir voru í París. Þar tók hann þátt í þremur sundgreinum. Bestur var árangurinn í 100 metra sundi með frjálsri aðferð, þar sem hann hafnaði í sjötta sæti í milliriðli, nærri sjö sekúndum á eftir Johnny Weissmuller sem sló heimsmet og öðlaðist mikla frægð á leikunum.
Fjórum árum síðar mætti Zorilla aftur til leiks á leikunum 1928 í Amsterdam, reynslunni ríkari. Að þessu sinni skráði hann sig til leiks í fjórum greinum. Í 400 metra sundi með frjálsri aðgerð kom hann öllum að óvörum og vann til gullverðlauna á nýju Ólympíumeti þrátt fyrir að keppa á ystu braut í úrslitasundinu. Þar með varð hann fyrstu gullverðlaunahafi Suður-Ameríku í sundkeppni ÓL.
Á Ólympíuleikunum 1932 í Los Angeles var Zorilla fánaberi argentínska íþróttaflokksins við setningarathöfnina en vegna veikinda gat hann ekki keppt á leikunum.
Síðar keppti Zorilla fyrir sundlið í New York-borg og gerðist í kjölfarið bandarískur ríkisborgari. Hann kvæntist íslenskri konu, Sonju Wendel Benjamínsson de Zorilla og auðguðust þau mjög á verðbréfaviðskiptum. Hann lést í Miami skömmu eftir 80 ára afmæli sitt árið 1986.
Í hlaðvarpsþætti RÚV 15. júlí 2024 var upplýst að Alberto Zorrilla hefði að lokum verið jarðsettur í Hólavallagarði við hlið eiginkonu sinnar og sé því eini Ólympíumeistarinn sem hvílir í íslenskri moldu.[1]
Heimildir
breyta- Fyrirmynd greinarinnar var „Alberto Zorrilla“ á ensku útgáfu Wikipedia. Sótt 15. júlí 2024.