Stefán Pálsson
Stefán Pálsson (1975) er íslenskur sagnfræðingur, stjórnmálaskýrandi og varaborgarfulltrúi Vinstri grænna í Reykjavík. Hann stundaði nám við MR þar sem hann tók þátt í spurningakeppninni Gettu betur og var hann í sigurliðinu 1995. Árin 2004 og 2005 gegndi hann sjálfur stöðu dómara í keppninni. Hann var á tímabili söngvari í pönk-hljómsveitinni Tony Blair. Hann er dyggur aðdáandi Knattspyrnufélagsins Fram og breska knattspyrnuliðsins Luton Town. Stefán er mikill áhugamaður um viský og bjór.

Auk Gettu betur tók Stefán einnig þátt í ræðukeppninni MORFÍS á menntaskólaárum sínum. Eftir að hann lauk námi og fram eftir þrítugsaldri kom hann að þjálfun bæði Gettu betur- og Morfís-liða ýmissa framhaldsskóla. Hann hefur starfað sem spurningahöfundur og dómari í Gettu betur[1] og Útsvari[2].
Stefán er mikill áhugamaður um teiknimyndasögur. Árið 2013 setti hann ræðumet með þrettán og hálfrar klukkustundar fyrirlestri um Sval og Val, sem fögnuðu 75 ára afmæli um þær mundir.[3]
Stefán hefur verið virkur í starfi Vinstri grænna, en hann var einnig einn stofnenda Málfundafélags úngra róttæklinga (MÚR) árið 1999, sem hélt úti vefritinu Múrnum fram til 2007. Hann skipaði annað sæti á lista Vinstri grænna í Reykjavík í sveitarstjórnarkosningunum árið 2022 og er fyrsti varaborgarfulltrúi flokksins.
Stefán var formaður Samtaka hernaðarandstæðinga frá árinu 2000 til 2015.[4]
Eiginkona Stefáns er Steinunn Þóra Árnadóttir alþingiskona.
Útgefið efni Breyta
Helstu ritverk Breyta
- Frambókin: Knattspyrnufélagið Fram í 100 ár (2009)
- ð ævisaga (2012, meðhöfundar Anton Kaldal Ágústsson, Gunnar Vilhjálmsson og Steinar Ingi Farestveit)
- Bjór: umhverfis jörðina á 120 tegundum (2014, meðhöfundar Höskuldur Sæmundsson og Rán Flygenring)
- Gleymið ekki að endurnýja. Saga Happdrættis Háskóla Íslands (2020)
Borðspil Breyta
- Spark - spurningaspil um knattspyrnu (2005)
- Gettu betur-spilið - 10 ára afmælisútgáfa (2010)
- Íslandssöguspilið (2013)
- Íslenska spurningaspilið (2019)
- Evrópa - spurningaspil (2021)
Spurningaþættir í sjónvarpi og útvarpi Breyta
- Gettu betur á RÚV (2004-05)
- Spark - spurningaþáttur um knattspyrnu á Skjá 1 (2005)
- Ha? á Skjá 1 (2011-13)
- Útsvar á RÚV (2013-15)
- Spurningakeppni fjölmiðlanna á Bylgjunni (2018-21)
- Kvisslingur á Sjónvarpi Símans (2020)
Tenglar Breyta
Tilvísanir Breyta
- ↑ [„Svarað til sigurs“ http://www.mbl.is/greinasafn/grein/1003252/], Morgunblaðið, 23. febrúar 2005.
- ↑ [„Spornað við íþróttameiðslum í Útsvari“ http://www.ruv.is/ras-2/spornad-vid-ithrottameidslum-i-utsvari[óvirkur tengill]], RÚV, 13. september 2013.
- ↑ [„Talaði sleitulaust frá morgni til kvölds http://ruv.is/frett/taladi-sleitulaust-fra-morgni-til-kvolds“[óvirkur tengill]], RÚV, 22. maí 2013.
- ↑ Hernaðarandstæðingur hættur eftir fimmtán ár, Vísir, 20. mars 2015.