Stjörnustríð: Ný von
Sjörnustríð: Ný von (enska: Star Wars: A New Hope) er bandarísk kvikmynd frá árinu 1977. Tökur fóru að hluta til fram í Túnis. Hún var framleidd með tiltölulega litlu fjármagni en við frumsýningu varð hún vinsælli en nokkur gat ímyndað sér. Aðdáendur streymdu í kvikmyndahús og keyptu Stjörnustríðsvarning svo sem leikföng. Upprunalegu leikföngin frá fyrstu Stjörnustríðsmyndinni hafa orðið mjög dýrir safngripir.
| Stjörnustríð: Ný von | |
|---|---|
| Star Wars | |
 | |
| Leikstjóri | George Lucas |
| Handritshöfundur | George Lucas |
| Framleiðandi | Gary Kurtz |
| Leikarar | Mark Hamill Harrison Ford Carrie Fisher Alec Guinness David Prowse |
| Kvikmyndagerð | Gilbert Taylor |
| Klipping | Paul Hirsch Marcia Lucas Richard Chew |
| Tónlist | John Williams |
| Dreifiaðili | 20th Century Fox |
| Frumsýning |  25. maí, 1977 júlí, 1978 |
| Lengd | 121 mín. (upprunaleg útgáfa) 125 mín (lengri útgáfa) |
| Tungumál | enska |
| Aldurstakmark | PG L |
| Ráðstöfunarfé | $11.000.000 |
| Framhald | Stjörnustríð: Gagnárás keisaradæmisins |
Fljótlega eftir frumsýningu hófst framleiðsla á framhaldsmynd sem fékk heitið Gagnárás keisaradæmisins (The Empire Strikes Back). Árið 1997, eða 20 árum eftir frumsýningu var sýnd í kvikmyndahúsum um allan heim endurbætt útgáfa af myndinni, ásamt framhaldsmyndunum tveimur. George Lucas, leikstjórinn, sagði að þetta væri sú útgáfa sem hann vildi gera við frumsýningu, en vegna tæknilegra takmarkana gat hann það ekki. Sumir aðdáendur hafa ekki tekið þessari nýju útgáfu vel og gagnrýna að hún hafi ekki sama anda og upprunalega útgáfan.
