Aldurstakmark (kvikmyndir)

Aldurstakmark eru viðmið eða lög um kvikmyndir ætluð til þess að gera áhorfendum ljóst hvers kyns efni á er að líta eða hvaða aldurshóp kvikmyndin hentar ekki. Aldurstakmörk eru gjarnan sett til þess að vernda blygðunarkennd barna eða vara við efni sem talist gæti ógeðfelt, svo sem ef kvikmynd inniheldur ofbeldi og blót.

Aldurstakmörk á Íslandi breyta

Kvikmyndahús (og áður vídeóleigur) á Íslandi er skylt að fara eftir þeim aldurstakmörkunum sem gefin eru. Margar streymisveitur sem eru aðgengilegar á Íslandi eru með aldurstakmörk.

Saga eftirlits kvikmynda á Íslandi breyta

Árið 1920 hóf Nýja bíó að banna börnum innan sextán ára inngöngu að almennum sýningum og hafa í staðin tvisvar í viku sérstakar barnasýningar með efni sem hæfir þeim betur. Kvikmyndaeftirlit ríkisins var stofnað árið 1932 og starfaði til 1997. Það ár tók Kvikmyndaskoðun við starfseminni og sá um skoðun kvikmynda til ársins 2006. Þá tók SmáÍs við þessari starfssemi.

Klipping kvikmynda breyta

Kvikmyndaeftirlit Ríkisins hafði í undantekningum bannað kvikmyndir, og gaf framleiðendum kost á að leggja fram klippta útgáfu af myndinni, og var þá gefin út með hæsta aldurstakmark. Þegar Kvikmyndaskoðun tók við störfum var þessu alfarið hætt og engar myndir hafa verið klipptar eða bannaðar.

Skýringar á aldurstakmörkum 1997 - 2006 breyta

 
Kvikmyndaskoðun
  • L: Þessi kvikmynd er leyfð til sýninga fyrir alla aldurshópa.
  • LH: Þessi kvikmynd er ekki við hæfi mjög ungra barna. (aðeins á myndbandi)
  • 12: Þessi kvikmynd er bönnuð börnum yngri en 12 ára.
  • 16: Þessi kvikmynd er bönnuð börnum yngri en 16 ára.
  • AB: Alfarið bönnuð. (1932 - 1997)

Skýringar á núgildandi aldurstakmörkum breyta

Núgildandi aldurtakmarkanir tóku gildi 2006:

  •   L: Leyfð öllum aldurshópum.
  •   6: Ekki við hæfi yngri en 6 ára.
  •   9: Ekki við hæfi yngri en 9 ára.
  •   12: Ekki við hæfi yngri en 12 ára.
  •   14: Ekki við hæfi yngri en 14 ára.
  •   16: Ekki við hæfi yngri en 16 ára.
  •   18: Ekki við hæfi yngri en 18 ára.

Skýringar fyrir aldurstakmörkunum gætu verið allt að sex. Þær eru

Aldurstakmörk í Bandaríkjunum breyta

Það eru engin lög í Bandaríkjunum um að kvikmyndir þurfi að vera skoðaðar fyrir sýningu. Hins vegar hefur kvikmyndaeftirlit MPAA orðið svo vinsælt að kvikmyndir eiga erfitt með að hljóta vinsældir án skoðunar þess eftirlits.

Aldurstakmörk MPAA eins og þau eru notuð árið 2007:

  •  : Öllum leyfð. Engin blótsyrði.
  •  : Öllum leyfð. Mælt með að foreldrar fylgi börnum sínum meðan þau horfa á kvikmyndina. Nokkur væg blótsyrði.
  •  : Öllum leyfð. Eindregið mælt með að foreldrar fylgi börnum sínum.
  •  : Bönnuð innan 17 ára nema í fylgd með fullorðnum.
  •  : Bönnuð 17 ára og yngri.
  • Not Rated: Ekkert aldurstakmark skráð.