Richard Francis Burton

Richard Francis Burton (19. mars 1821 – 19. október 1890) var breskur landkönnuður, þýðandi, rithöfundur og Austurlandafræðingur. Hann varð frægur fyrir ævintýralega könnunarleiðangra sína um Mið-Austurlönd og Austur-Afríku sem hann skrifaði um margar bækur, og einnig fyrir þýðingar sínar á ritum eins og Þúsund og einni nótt og Kama Sútra.

Portrett af Burton eftir Frederic Leighton, National Portrait Gallery, London.

Þekktustu ferðir hans voru þegar hann ferðaðist, dulbúinn sem pastúni, til Mekka, ferðir hans um Austur-Afríku ásamt John Hanning Speke til að leita upptaka Hvítu Nílar, og heimsókn hans til Brigham Young í Salt Lake City. Hann var annálaður málamaður og skylmingamaður.

Að síðustu gekk hann í bresku utanríkisþjónustuna og varð ræðismaður í Damaskus, Fernando Po og Trieste. Hann var aðlaður af Viktoríu Bretadrottningu árið 1886.

Tenglar

• Richard Burton; grein í Lesbók Morgunblaðsins 1965
• Sir Richard F. Burton on the Web Geymt 19 febrúar 2009 í Wayback Machine
• Netútgáfur af verkum Burtons Geymt 4 júlí 2008 í Wayback Machine
• Sir Richard Francis Burton og Gordon höfuðsmaður
• Evrópskir (kristnir) ferðamenn til Mekka Geymt 17 júní 2012 í Wayback Machine.

  Þetta æviágrip er stubbur. Þú getur hjálpað til með því að bæta við greinina.