Mohamed Salah
Mohamed Salah Hamed Mahrous Ghaly (fæddur 15. júní 1992) er egypskur knattspyrnumaður sem spilar fyrir Liverpool í ensku úrvalsdeildinni og egypska landsliðinu. Hann spilar oftast sem hægri vængmaður og er með hraðan og fiman leikstíl. Í Evrópu spilaði Salah með FC Basel, Chelsea FC, Fiorentina og Roma áður en hann hélt til Liverpool. Hann hefur þrisvar hlotið gullskóinn í ensku úrvalsdeildinni og er í 8. sæti yfir markahæstu menn allra tíma.
| Mohamed Salah محمد صلاح | ||
| ||
| Upplýsingar | ||
|---|---|---|
| Fullt nafn | Mohamed Salah Hamed Mahrous Ghaly | |
| Fæðingardagur | 15. júní 1992 | |
| Fæðingarstaður | Nagrig, Egyptaland | |
| Hæð | 1,75 m | |
| Leikstaða | Sóknarmaður | |
| Núverandi lið | ||
| Núverandi lið | Liverpool FC | |
| Númer | 11 | |
| Yngriflokkaferill | ||
| 2006-2010 | El Mokawloon | |
| Meistaraflokksferill1 | ||
| Ár | Lið | Leikir (mörk) |
| 2010-2012 | El Mokawloon | 38 (11) |
| 2012-2014 | FC Basel | 47 (9) |
| 2014-2016 | Chelsea F.C. | 13 (2) |
| 2015 | → Fiorentina (lán) | 16 (6) |
| 2015-2016 | → A.S. Roma (lán) | 34 (14) |
| 2016-2017 | A.S. Roma | 31 (15) |
| 2017- | Liverpool FC | 259 (161) |
| Landsliðsferill2 | ||
| 2010-2011 2011-2012 2011- |
Egyptaland U20 Egyptaland U21 Egyptaland |
11 (3) 11 (4) 103 (59) |
|
1 Leikir með meistaraflokkum og mörk | ||
Liverpool
breyta2017-2018
Salah varð fyrsti leikmaður ensku úrvalsdeildarinnar til að verða leikmaður mánaðarins þrisvar á tímabili. [1]. Hann keppti við Harry Kane um að verða markakóngur tímabilsins og sló markametið í úrvalsdeildinni á einu tímabili; 32 mörk. Salah skoraði 4 mörk í leik gegn Watford í mars. Hann var valinn afríski leikmaður ársins 2017 [2] og leikmaður tímabilsins af samtökum leikmanna (PFA) [3] og leikmaður úrvalsdeildarinnar á tímabilinu.
Salah varð þriðji Liverpool leikmaðurinn sem hefur náð 40 mörkum á tímabili, ásamt Ian Rush og Roger Hunt. [4]
2018-2019
Sumarið 2018 gerði Salah 5 ára samning við Liverpool. Hann varð í þriðja sæti yfir leikmann ársins 2018 í verðlaunum FIFA. Einnig átti hann mark ársins (gegn Everton). [5]
Salah skoraði 22 mörk á tímabilinu í ensku úrvalsdeildinni og deildi markakóngstitlinum með Sadio Mané og Pierre Emerick-Aubameyang.
2019-2020
Salah varð Englandsmeistari með Liverpool árið 2020 seint um sumarið á tímabili sem var seinkað vegna Covid-19.
Hann varð fyrsti Liverpool leikmaðurinn til að skora 20 mörk í öllum keppnum 3 tímabil í röð síðan Michael Owen spilaði með félaginu.
2020-2021
Í desember 2020 varð Salah markahæsti leikmaður Liverpool í Meistaradeild Evrópu þegar hann tók fram úr Steven Gerrard.[6]
2021-2022
Salah varð fyrsti leikmaðurinn í sögu ensku úrvalsdeildarinnar til að skora í fyrsta leik tímabils, fimm tímabil í röð. Hann komst í 100 úrvalsdeildarmörk og inn á topp 30 yfir markahæstu leikmenn í september 2021. Salah skoraði í 10 leikjum í röð og náði þrennu í 5:0 stórsigri Liverpool á Old Trafford. Hann var valinn leikmaður októbermánaðar.
Salah skoraði sitt 150. mark fyrir félagið í febrúar og varð 10. markahæsti leikmaður þess frá upphafi.
Salah deildi markakóngstitlinum með Son Heung-min tímabilið 2021-2022. Hann var einnig stoðsendingahæstur. Kevin De Bruyne var þó valinn bestur á tímabilinu. Salah hlaut verðlaun blaðamanna sem besti leikmaðurinn.
Liverpool vann báða deildarbikarana en var einu stigi á eftir Man City í baráttunni um englandsmeistaratitilinn.
2022-2023
Salah skrifaði undir nýjan 3 ára samning við Liverpool sumarið 2022. [7] Honum gekk illa að skora í byrjun tímabils en skoraði hröðustu þrennu í Meistaradeild Evrópu á 6 mínútum. Í febrúar varð Salah markahæsti leikmaður Liverpool í evrópukeppnum.
Í mars 2023 varð Salah markahæsti leikmaður Liverpool í ensku úrvalsdeildinni með 2 mörkum í 7-0 sigri á Manchester United. Í apríl varð hann sá leikmaður sem hafði skorað með vinstri fæti þegar hann tók fram úr Robbie Fowler.
2023-2024
Í desember varð Salah fyrsti leikmaðurinn frá Afríku til að skora 150 mörk í ensku úrvalsdeildinni og 200 mörk í öllum keppnum. Hann komst á topp 10 yfir þá markahæstu í deildinni. Auk þess skoraði hann yfir 20 mörk fyrir Liverpool sjöunda tímabilið í röð sem er met.
Egypska landsliðið
breytaSalah hefur spilað með landsliðinu síðan 2011 og er annar markahæsti leikmaður þess frá upphafi. Hann spilaði stórt hlutverk þegar Egyptar komust á HM 2018. Hann skoraði 5 mörk í undankeppninni, þar á meðal 2 mörk í lokaleiknum gegn Kongó. Egyptar komust ekki í gegnum riðlakeppnina í lokakeppninni. Salah skoraði tvö mörk í keppninni.
Í Afríkukeppninni 2022 mætti Egyptaland Senegal í úrslitum og mætti Salah því félaga sínum Sadio Mané úr Liverpool. Svo fór að Senegal vann í vítaspyrnukeppni en Salah fékk ekki að taka síðustu spyrnu Egypta þar sem lið hans hafði klúðrað 2 spyrnum og vann því Senegal 4-2.
Tengill
breytaTilvísanir
breyta- ↑ Salah makes history with EA SPORTS award Premier league.com, skoðað 13. apríl, 2018.
- ↑ Mohamed Salah named BBC African Footballer of the Year BBC. Skoðað 13. apríl, 2018.
- ↑ Mohamed Salah: Liverpool forward voted PFA Player of the Year 2017-18 BBC, skoðað 23. apríl, 2018.
- ↑ Salah: Mér er alveg sama um allt annað Vísir, skoðað 16. apríl, 2018.
- ↑ Luka Modric named best male player and Marta best female player at Fifa awardsBBC
- ↑ BBC News - Champions League: Midtjylland 1-1 Liverpool - Mohamed Salah becomes record scorerBBC
- ↑ Salah signs new 3 year contract BBC, sótt 1/7 2022