Lilja Rafney Magnúsdóttir

Lilja Rafney Magnúsdóttir (f. 24. júní 1957) er íslenskur stjórnmálamaður. Lilja er með með gagnfræðapróf úr Grunnskólanum Reykjum í Hrútafirði, en hún hefur unnið í fiski og við ýmis almenn verslunar- og skrifstofustörf.

Lilja Rafney Magnúsdóttir
Alþingismaður
frá til  kjördæmi    þingflokkur 2009 2021  Norðvestur  Vinstri græn 2024    Norðvestur  Flokkur fólksins
Persónulegar upplýsingar
Fædd	24. júní 1957 (1957-06-24) Staður í Súgandafirði
Stjórnmálaflokkur	Flokkur fólksins (2024-) Vinstrihreyfingin – grænt framboð (2003-2024) Alþýðubandalagið (1991-1999)
Maki	Hilmar Oddur Gunnarsson
Börn	4
Æviágrip á vef Alþingis

Starf innan verkalýðshreyfingarinnar

Lilja var formaður Verkalýðs- og sjómannafélagsins Súganda 1988 – 2004. Hún hefur setið í stjórn Verkalýðsfélags Vestfirðinga frá 2004. Varaforseti Alþýðusambands Vestfjarða 1990 – 1992 og frá 1998.

Pólítískur ferill

Á árunum 1990 – 1994 var Lilja Oddviti Suðureyrarhrepps 1990-1994. Varaþingmaður fyrir Alþýðubandalagið mars – apríl 1993, nóv. 1998, og Vinstrihreyfinguna grænt framboð, janúar – febrúar 2007. Lilja tók sæti á þingi sem sjötti þingmaður Norðvesturkjördæmis fyrir Vinstrihreyfinguna Grænt framboð eftir Alþingiskosningarnar 2009.

Lilja sagði sig úr VG árið 2024 vegna stefnu flokksins í sjávarútvegsmálum og gekk hún í kjölfarið í Flokk fólksins og skipaði þar annað sæti á lista í alþingiskosningunum 2024.

Önnur störf

Í orkuráði 1995 – 1999. Í stjórn Byggðastofnunar 1999 – 2003. Í stjórn Íslandspósts hf. frá 2000, varaformaður frá 2009. Í fulltrúaráði Fræðslumiðstöðvar Vestfjarða frá 2000. Í hafnarstjórn Ísafjarðarbæjar frá 2006.