Landsnet hjólaleiða

Landsnet hjólaleiða er leiðakerfi hjólaleiða sem er búið til og viðhaldið af tilteknu ríki, eða í samstarfi ríkis, sveitarfélaga og félagasamtaka. Oftast er um að ræða langleiðir sem liggja á milli fylkja og sveitarfélaga utan þéttbýlis. Hlutar viðkomandi leiðar eru þá hjólaleiðir sem tilheyra viðkomandi sveitarfélögum. Tilgangurinn er að styðja við hjólaferðamennsku en leiðirnar nýtast líka heimamönnum til að komast á milli staða. Dæmi um slík landsnet hjólaleiða eru National Cycle Network í Bretlandi, LF-route-netið í Hollandi, Radnetz Deutschland í Þýskalandi og United States Bicycle Route System í Bandaríkjunum. Í Evrópu eru sumar af þessum leiðum hluti af EuroVelo-hjólaleiðum.

Vegvísir á mótum leiða 2 og 3 í Noregi.

Oftast er um að ræða 10-15 númeraðar langleiðir sem liggja um allt landið. Leiðirnar eru merktar sérstaklega með vegvísum. Leiðirnar eru á bilinu 100-500 km langar og fela í sér áningarstaði með vissu millibili þar sem geta verið tjaldstæði, salerni, hjólabogar og fleiri innviðir. Yfirleitt er búinn til þrepaskiptur staðall sem leiðinni er ætlað að uppfylla. Í upplýsingaefni um leiðanetið eru leiðirnar flokkaðar eftir því hversu krefjandi þær eru og hversu stór hluti þeirra uppfyllir staðla.

Eftir löndum

Land	Heiti	Fjöldi	Umsjón	Stofnár	Skilti
Bandaríkin	United States Bicycle Route System	38	AASHTO	1982
Bretland	National Cycle Network	10	Sustrans	1984
Danmörk	Danmarks nationale cykelruter	11	Naturstyrelsen	1993
Frakkland	Véloroutes et Voies Vertes de France	21	AF3V	áætl.
Holland	LF-routes	29	Landelijk Fietsplatform	1989
Ítalía	Bicitalia	18	Ítalska hjólreiðasambandið	2018
Noregur	Nasjonal sykkelrute	10	Norska vegagerðin	2016
Nýja-Sjáland	New Zealand Cycle Trail	18	Ríkisstjórn Nýja-Sjálands	2012
Sviss	Nationale Velorouten	9	SwitzerlandMobility Foundation	1998
Svíþjóð	Sverigeleden	39	Svenska Cykelsällskapet	1984
Þýskaland	Radnetz Deutschland	12	Deutscher Tourismusverband	2002

  Þessi listi er ekki tæmandi. Þú getur hjálpað til með því að bæta við hann

  Þessi grein er stubbur. Þú getur hjálpað til með því að bæta við greinina.