Opna aðalvalmynd

Konstantín Tsjernenkó

Konstantín Ústínovitsj Tsjernenkó (rússneska: Константи́н Усти́нович Черне́нко; 24. september 191110. mars 1985) var sovéskur stjórnmálamaður og aðalritari sovéska kommúnistaflokksins í aðeins þrettán mánuði frá 1984 til dauðadags.

Konstantín Tsjernenkó
Константи́н Черне́нко
Konstantin Chernenko (retouched).jpg
Aðalritari sovéska kommúnistaflokksins
Í embætti
9. febrúar 1984 – 10. mars 1985
Persónulegar upplýsingar
Fæddur24. september 1911
Bolsjaja Tes, Jenisejsk, rússneska keisaraveldinu
Látinn10. mars 1985 (73 ára) Moskvu, Sovétríkjunum
MakiFaina Vassiljevna Tsjernenkó
Anna Dmitrievna Ljubimova
BörnAlbert, Vera, Jelena, Vladímír
Undirskrift

ÆviágripBreyta

Tsjernenkó hóf stjórnmálaferil sinn í borginni Krasnojarsk en flutti árið 1948 til Moldavíu, þar sem hann hóf störf í þjónustu Leoníds Bresnjev, sem var þá aðalritari moldavíska Sovétlýðveldisins en átti síðar eftir að verða leiðtogi Sovétríkjanna allra. Tsjernenkó fylgdi Bresnjev til Moskvu þegar Bresnjev hlaut sæti í miðstjórn kommúnistaflokksins og vann í áróðursráðuneyti Sovétríkjanna. Tsjernenkó varð sjálfur meðlimur í miðstjórninni árið 1977. Tsjernenkó var ekki heilsuhraustur og þjáðist bæði af lungnaveiki, lifrarbólgu og skorpulifur.[1] Tsjernenkó gerðist aðalritari sovéska kommúnistaflokksins eftir að Júríj Andropov lést árið 1984.

Fátt gerðist á stuttri valdatíð Tsjernenkós. Staða rússneska tungumálsins var styrkt á sovéskum yfirráðasvæðum þar sem málið var ekki móðurmál innfæddra og haldið var áfram að bæla niður pólitískt andóf. Tilraunum til að vinna bug á spillingu var hins vegar mestmegnis frestað. Sovéskir valdhafar létu stífla fjölmörg fljót í Síberíu en þessar ákvarðanir ollu talsverðum umhverfisskemmdum sem ekki var tekist á við fyrr en árið 1987.

Tsjernenkó lést úr sjúkdómum sínum þann 10. mars 1985. Hann var þriðji leiðtogi Sovétríkjanna sem lést á jafnmörgum árum. Haft er eftir Ronald Reagan Bandaríkjaforseta þegar hann frétti af dauða Tsjernenkós: „Hvernig á mér að miða eitthvað áfram með þessa Rússa ef þeir halda áfram að deyja?“[2]

TilvísanirBreyta

  1. Altman, Lawrence K. (12 mars 1985). „Succession in Moscow: A private life, and a medical case; Autopsy discloses several diseases“ (enska). The New York Times. Sótt 19. nóvember 2012. Konstantin U. Chernenko died of lung, heart and liver disease, according to an autopsy report signed by the chief Kremlin physician, Dr. Yevgeny I. Chazov, and nine other doctors. [...] In addition, the report said, Mr. Chernenko's liver was destroyed by two common diseases, chronic hepatitis and cirrhosis.
  2. Maureen Dowd, "Where's the Rest of Him?" The New York Times, 18. nóvember 1990.


Fyrirrennari:
Júríj Andropov
Aðalritari sovéska kommúnistaflokksins
(1984 – 1985)
Eftirmaður:
Mikhaíl Gorbatsjov