James Harden
James Harden er bandarískur körfuknattleiksmaður sem spilar fyrir Los Angeles Clippers í NBA-deildinni.
| James Harden | ||
 | ||
| Upplýsingar | ||
|---|---|---|
| Fullt nafn | James Edward Harden Jr. | |
| Fæðingardagur | 26. ágúst 1989 | |
| Fæðingarstaður | Los Angeles, Bandaríkin | |
| Hæð | 196 cm. | |
| Þyngd | 100 kg. | |
| Leikstaða | Skotbakvörður, Leikstjórnandi | |
| Núverandi lið | ||
| Núverandi lið | Los Angeles Clippers | |
| Númer | 13 | |
| Háskólaferill | ||
| 2007-2009 | Arizona State | |
| Meistaraflokksferill1 | ||
| Ár | Lið | |
| 2009-2012 2012-2021 2021-2023 2023- |
Oklahoma City Thunder Houston Rockets Brooklyn Nets Philadelphia 76ers Los Angeles Clippers | |
| Landsliðsferill | ||
| Ár | Lið | Leikir |
| 2012-2016 | Bandaríkin | |
|
1 Meistaraflokksferill.
| ||
Harden var valinn í 3. vali árið 2009 af Oklahoma City Thunder frá Arizona State háskólanum. Árið 2012 komst hann með liðinu í NBA úrslit en tapaði fyrir Miami Heat. Harden var valinn valinn MVP árin 2018 og 2019; besti leikmaður deildarinnar og varð þriðji Houston leikmaðurinn til að verða það (á eftir Moses Malone og Hakeem Olajuwon).
Í byrjun árs 2019 skoraði hann meira en 30 stig í meira en 32 leikjum í röð, en aðeins Wilt Chamberlain hefur lengri óslitna leikjaröð. Einnig varð hann fyrsti leikmaðurinn til að skora meira en 30 stig gegn hinum 29 liðunum í deildinni. Í byrjun árs 2020 náði hann yfir 20.000 stigum og varð meðal topp 50 stigahæstu leikmönnum NBA frá upphafi. Hann er nú í 21. sæti og er í 3. sæti yfir flestar þriggja stiga körfur frá upphafi. Tíu sinnum hefur Harden verið valinn í All Star-liðið.
Í upphafi árs 2021 fór hann til Brooklyn Nets og hitti þar fyrir Kevin Durant sem spilaði með honum í Oklahoma. Ári síðar hélt hann til Philadelphia 76ers.
Harden hefur unnið gull með bandaríska landsliðinu: Árið 2012 á Ólympíuleikunum og 2014 á FIBA-heimsleikunum.
Heimild breyta
- Fyrirmynd greinarinnar var „James Harden“ á ensku útgáfu Wikipedia. Sótt 21. jan. 2019.