Hulda Dóra Jakobsdóttir
Hulda Dóra Jakobsdóttir (fædd 21. október 1911 í Reykjavík, lést 31. október 1998 í Reykjavík) var fyrsta konan á Íslandi sem varð bæjarstjóri, hún var bæjarstjóri Kópavogs frá 1957 til 1962. Hún náði kjöri sem bæjarfulltrúi í kosningunum 1970 og sat það eina kjörtímabil.
Hún var meðal þeirra sem stóðu að stofnun Leikfélags Kópavogs ásamt því að vera einn helsti hvatamaðurinn að byggingu Kópavogskirkju, hún var formaður sóknarnefndar í 10 ár.
Hún og eiginmaður hennar, Finnbogi Rútur Valdimarsson, voru kjörin fyrstu heiðursborgarar Kópavogs 8. október 1976. Eitt barna þeirra, Hulda Finnbogadóttir, náði kjöri sem bæjarfulltrúi í Kópavogi í kosningunum 1986.
Jafnréttisnefnd Kópavogsbæjar opnaði sýningu í Bókasafni Kópavogs um ævi og störf Huldu þann 4. júlí 2007, 50 árum upp á dag eftir að hún varð fyrst kvenna bæjarstjóri á Íslandi.
| Fyrirrennari: Finnbogi Rútur Valdimarsson |
|
Eftirmaður: Hjálmar Ólafsson | |||
Heimildir
breyta- Andrés Kristjánsson og Björn Þorsteinsson (ritstj.) (1990). Saga Kópavogs - Þættir úr kaupstaðarsögunni 1955-1985. Lionsklúbbur Kópavogs.
- Hrafn Sveinbjarnarson (ritstj.) (2008). "Hulda Jakobsdóttir" Ársrit Héraðsskjalasafns Kópavogs 2006-2007. Héraðsskjalasafn Kópavogs.
- „Fréttablaðið 4. júlí 2007, bls. 26“ (PDF).
- „"Hún var kvenskörungur mikill og drengur góður" Morgunblaðið 5. júlí 2007“.
