Esja

Esja (oft með greini, Esjan) er fjall á Kjalarnesi, sem nú er innan borgarmarka Reykjavíkur, og er eitt af einkennum höfuðborgarsvæðisins. Hæsti tindur Esju er 914 metrar. Nokkrar gönguleiðir eru upp á fjallið og þar eru vinsæl útivistarsvæði, til að mynda við skógræktina við Mógilsá. Vinsælt er að ganga upp að Steini í 597 metrum og þaðan upp á Þverfellshorn í um 780 metrum.

Esja
Hæð	914 metri
Land	Ísland
Sveitarfélag	Kjósarhreppur, Reykjavík
Hnit	64°15′36″N 21°39′06″V
breyta upplýsingum

Sjá aðgreiningarsíðuna fyrir yfirlit yfir aðrar merkingar „Esja“

Esja er syðsta blágrýtisfjall á Íslandi. Hæsti kambur á Esju miðri, séð úr Reykjavík, heitir Kerhólakambur. Hætta er á snjóflóðum í fjallinu á ákveðnum stöðum. Hafa 4 látist í snjóflóðum frá 1979, síðast árið 2020.

Nafn

Nafnið er líklega tengt norræna orðinu esja sem þýðir „flögusteinn“.

Í Kjalnesinga sögu er talað um bæinn Esjuberg þar sem landnámsmaðurinn Örlygur Hrappsson bjó þegar hann kom til Íslands frá Suðureyjum í Skotlandi. Í sögunni er sagt frá því að írsk kona að nafni Esja hafi komið í Kollafjörð.

Útsýni frá Þverfellshorni.

• 
  Kistufell og Gunnlaugsskarð, hægra megin á mynd.
• 
  Kistufell.
• 
  Steinn.

Tengt efni

• Móskarðahnúkar
• Snjóskaflinn í Gunnlaugsskarði
• Snjóflóð á Íslandi

Tenglar

• Örnefni Esju; grein í Morgunblaðinu 2005
• Kalknáman í Esjunni; hluti af stærri grein í Morgunblaðinu 1985