Beyki

Beyki (áður einnig kallað bæki) (fræðiheiti: Fagus) er ættkvísl skammærra trjáa af beykiætt sem finnst í tempraða beltinu í Evrópu og Norður-Ameríku. Beykitré geta orðið allt að 35 m há. Þau eru með egglaga, heilrend laufblöð sem hafa lítið eitt bugðótta jaðra, blóm í hnoðum og eru með sléttan, gráleitan börk. Beykiviður er auðunninn og notaður m.a. í húsgögn o.fl. Beyki þrífst illa á Íslandi, en myndaði þó fræ nýlega−það var haustið 2007 í garðinum Hellisgerði í Hafnarfirði; trén voru um 80 ára gömul.

Beyki
Lauf skógarbeykis
Vísindaleg flokkun
Ríki: Jurtaríki (Plantae) Fylking: Dulfrævingar (Magnoliophyta) Flokkur: Tvíkímblöðungar (Magnoliopsida) Ættbálkur: Beykibálkur (Fagales) Ætt: Beykiætt (Fagaceae) Ættkvísl: Fagus L.
Tegundir
Japansbeyki (Fagus crenata) Kínabeyki (Fagus engleriana) Ameríkubeyki (Fagus grandifolia) Taívanbeyki (Fagus hayatae) Blátt Japansbeyki (Fagus japonica) Suður-Kínabeyki (Fagus longipetiolata) Gljábeyki (Fagus lucida) Mexíkóbeyki (Fagus mexicana) Austurlandabeyki (Fagus orientalis) Skógarbeyki (Fagus sylvatica)

Í Bygging og líf plantna. Grasafræði, eftir Helgi Jónsson, segir: Beykið skyggir meira og þolir skuggann betur, og er því skuggatré en eikin er ljóstré.

Eitt og annað

• Orðið bækistöð á sér aðrar myndir sem eru: beykistöð eða beykistaða. Sumir telja að orðið hafi verið haft um birgðarstöð beykis í fyrstu. Orðsifjaorðabók Ásgeirs Blöndals Magnússonar bætir þó við: vafasamt [er þó að orðið] sé dregið af viðarheitinu.
• Varast ber að rugla saman beyki og beyki (nf. beykir) sem þýðir tunnusmiður.
• Ölbæki er ölker úr beykitré.

Tengt efni

• Blóðbeyki
• Skógarbeyki

Tenglar

• Beyki - blóðbeyki; grein í Morgunblaðinu 1980

  Þessi líffræðigrein er stubbur. Þú getur hjálpað til með því að bæta við greinina.