Bernie Sanders
Bernard „Bernie“ Sanders (fæddur 8. september 1941) er bandarískur stjórnmálamaður sem að er annar tveggja fulltrúa Vermont í öldungadeild Bandaríkjaþings.[1] Hann er óháður stjórnmálaflokkum en hefur jafnan kosið með Demókrataflokknum og situr í þingflokki þeirra. Sanders er þekktur fyrir skoðanir sínar í garð félagshyggju og sósíalískar hugmyndir.
| Bernie Sanders | |
|---|---|
 | |
| Öldungadeildarþingmaður fyrir Vermont | |
Núverandi | |
| Tók við embætti 3. janúar 2007 | |
| Forveri | Jim Jeffords |
| Fulltrúadeildarþingmaður fyrir Vermont | |
| Í embætti 3. janúar 1991 – 3. janúar 2007 | |
| Forveri | Peter Plympton Smith |
| Eftirmaður | Peter Welch |
| Persónulegar upplýsingar | |
| Fæddur | 8. september 1941 New York City, Bandaríkjunum |
| Stjórnmálaflokkur | Óflokksbundinn Demókrataflokkurinn (2015–2016; 2019–2020) |
| Maki | Deborah Shiling (g. 1964; s. 1966) Jane O'Meara (g. 1988) |
| Háskóli | Chicago-háskóli |
| Undirskrift |  |
Sanders gaf kost á sér í forvali Demókrata fyrir forsetakosningarnar 2016 en laut í lægra haldi fyrir Hillary Clinton. Hann hlaut 43.1% á meðan Clinton hlaut 55.2% atkvæða. Sanders gaf kost á sér á nýjan leik í forvali Demókrataflokksins fyrir forsetakosningarnar árið 2020. Sanders vann sigur í fyrstu þremur ríkjunum þar sem forvalið var haldið en tapaði síðan þremur ríkjum gegn Joe Biden um miðjan mars. Sanders kom kosningabaráttu sinni ekki aftur á réttan kjöl og tilkynnti þann 8. apríl 2020 að hann hygðist hætta við framboð sitt.[2] Hann lenti aftur í öðru sæti með 26.2% á meðan Biden hlaut 51.7%.
Sanders var fulltrúardeildarþingmaður fyrir Vermont frá 1991 til 2007 sem óháður þingmaður. Í öldungadardeildarkosningunum í Vermont árið 2006 bauð hann sig fram sem óháður og vann með 65.4% atkvæða. Hann bauð sig aftur í fram í kosningunum árið 2012 og hlaut 71% atkvæða.[3] Hann bauð sig aftur fram í þriðja kjörtímabil sitt sem öldungardeildarþingmaður árið 2018 og hlaut 67.4% atkvæða. Í maí 2024 tilkynnti hann að hann myndi bjóða sig fram á ný í öldungardeildarkosningunum í Vermont sem að fóru fram í nóvember 2024.[4] Þar vann hann sitt fjórða kjörtímabil með 63.3% atkvæða.
Tenglar
breyta- ↑ John Nichols (30. október 2012). „How Does Bernie Sanders Do It?“. The Nation.com. Sótt 1. júlí 2015.
- ↑ Samúel Karl Ólason (8. apríl 2020). „Bernie Sanders hættir framboði sínu“. Vísir. Sótt 8. apríl 2020.
- ↑ „2012 United States Senate election in Vermont“, Wikipedia (enska), 14. ágúst 2024, sótt 14. ágúst 2024
- ↑ Ólason, Samúel Karl (5. júní 2024). „Áttatíu og tveggja ára Bernie vill sex ár í viðbót - Vísir“. visir.is. Sótt 14. ágúst 2024.