Alexander Van der Bellen
Alexander Van der Bellen (f. 18. janúar 1944), er austurrískur stjórnmálamaður og hagfræðingur sem hlaut kosningu til forseta Austurríkis í desember 2016.
| Alexander Van der Bellen | |
|---|---|
 | |
| Forseti Austurríkis | |
Núverandi | |
| Tók við embætti 26. janúar 2017 | |
| Kanslari | Christian Kern Sebastian Kurz Brigitte Bierlein Sebastian Kurz Alexander Schallenberg Karl Nehammer |
| Forveri | Heinz Fischer |
| Persónulegar upplýsingar | |
| Fæddur | 18. janúar 1944 Vín, Þýskalandi nasismans (nú Austurríki) |
| Þjóðerni | Austurrískur |
| Stjórnmálaflokkur | Græni flokkurinn |
| Maki | Brigitte Hüttner (skilin 2015) Doris Schmidauer (g. 2015) |
| Börn | 2 |
| Háskóli | Háskólinn í Innsbruck |
| Starf | Kennari, skólastjóri, hagfræðingur, stjórnmálamaður |
| Undirskrift | .png){kind=small} |
Van der Bellen er fyrrverandi prófessor í hagfræði við háskólann í Vín. Hann tók doktorspróf frá Háskólanum í Innsbruck og er sérfræðingur í opinberri fjársýslu og áætlanagerð. Bellen er meðlimur í austurríska sósíalíska græningjaflokknum og hefur gegnt ýmsum nefndarstörfum fyrir hann. Hann bauð sig fram til forseta 2016 að nafninu til sem óháður en þó með yfirlýstum stuðningi græningjaflokksins.
Van der Bellen vann mjög nauman sigur gegn Norbert Hofer, frambjóðanda austurríska Frelsisflokksins, í forsetakosningum í annarri umferð þann 22. maí árið 2016. Fyrsta júlí, áður en hann tók við embætti, ógilti hæstiréttur Austurríkis kosningarnar og kvað á að þær skildu endurteknar.[1] Þegar kosningarnar voru endurteknar þann 4. desember 2016 vann Van der Bellen í annað skipti með auknum atkvæðamun[2] og tók við embætti forseta í janúar næsta ár.
Van der Bellen styður græn og vinstrisinnuð stefnumál. Hann styður tilvist Evrópusambandsins og aðild Austurríkis að því og hefur mælt fyrir því að Evrópusambandið þróist í sambandsríki.
Van der Bellen var endurkjörinn til annars sex ára kjörtímabils í fyrstu umferð kosninga þann 10. október 2022.[3]
Tilvísanir
breyta- ↑ „Forsetakosningar í Austurríki ógildar“. RÚV. 1. júlí 2016. Sótt 16.ágúst 2018.
- ↑ „Frambjóðandi hægriöfgaflokks tapaði“. RÚV. 4. desember 2016. Sótt 16. ágúst 2018.
- ↑ Atli Ísleifsson (10. október 2022). „Van der Bellen endurkjörinn sem forseti Austurríkis“. Vísir. Sótt 18. október 2022.
| Fyrirrennari: Heinz Fischer |
|
Eftirmaður: Enn í embætti | |||