Akihito

Keisari Japans

Akihito (23. desember 1933) er fyrrverandi keisari Japans. Hann var keisari síðan faðir hans, Hirohito, lést árið 1989 þar til hann sagði af sér árið 2019. Það er siður í Japan að eftir andlát keisara fái hann nýtt nafn og eftir andlát Akihitos verði hann kallaður Heisei keisari, en nöfnin koma yfirleitt frá stjórnartíð hvers keisara, en stjórnartíð Akihitos er einmitt kölluð Heisei.

Akihito árið 2014.

Japanska ríkisstjórnin tilkynnti í desember árið 2018 að Akihito myndi segja af sér þann 30. apríl 2019 og að Naruhito krónprins myndi setjast á keisarastól.[1] Akihito hafði viðrað hugmyndir um að láta af störfum vegna hás aldurs frá árinu 2016. Þegar Akihito sagði af sér var það í fyrsta sinn í 200 ár sem keisari Japans gerði slíkt.[2]

Fjölskylda breyta

Þann 10. apríl 1959 giftist Akihito Michiko Shoda en hún var fyrst kvenna af alþýðlegu bergi brotin til að giftast inn í keisarafjölskylduna. Þau eiga þrjú börn:

  • Naruhito keisari (f. 1960), er giftur Masako keisaraynju (f. 1963). Þau eiga eina dóttur, Aiko prinsessu (f. 2001)
  • Akishino prins (f. 1965), er giftur Kiko prinsessu (f. 1966). Þau eiga þrjú börn, Mako prinsessu (f. 1991), Kako prinsessu (f. 1994), og Hisahito prins (f. 2006).
  • Sayako fyrrum prinsessa (f. 1969). Samkvæmt japönskum lögum er prinsessum sem gifta sig skylt að yfirgefa keisarafjölskylduna og eru þær þá ekki partur af henni lengur.

Einnig samkvæmt japönskum lögum geta karlmenn bara tekið við keisaraembættinu, og því var beðið með mikilli væntingu eftir fæðingu prins sem gerðist svo þegar Hisahito prins fæddist árið 2006. Því er drengurinn annar í erfðaröðinni, á eftir föður sínum.

Tilvísanir breyta

  1. Enjoji, Kaori (1. desember 2017). „Japan Emperor Akihito to abdicate on April 30, 2019“. CNN. Tokyo. Sótt 1. desember 2017.
  2. „Sögu­leg af­sögn Jap­an­skeis­ara“. mbl.is. 30. apríl 2019. Sótt 30. apríl 2019.


Fyrirrennari:
Hirohito
Keisari Japans
(19892019)
Eftirmaður:
Naruhito


   Þessi Japans-tengd grein er stubbur. Þú getur hjálpað til með því að bæta við greinina.