Adam Curtis
Adam Curtis (f. 1955) er breskur heimildarmyndagerðarmaður sem nú starfar hjá bresku sjónvarpsstöðinni BBC. Hann hefur unnið til fjölda verðlauna fyrir heimildarmyndir sínar, sem taka skýra afstöðu til umfjöllunarefnisins og verða oft mjög umdeildar.
Myndir eftir Adam Curtis
breyta- An Ocean Apart (1988): Myndin fjallar um það hvernig Bandaríkjamenn urðu þáttakendur í fyrri heimsstyrjöld.
- Pandora’s Box (1992): Þessi þáttaröð fjallar um hversu varhugaverð tækniveldi og hugmyndafræði skynsemishyggju getur verið. Curtis vann til BAFTA-verðlaunanna fyrir vikið.
- The Living Dead (1995): Myndin fjallar um valin tilvik þar sem stjórnmálamenn og aðrir hafa breytt sögunni sér til framdráttar.
- 25 Million Pounds (1996): Myndin fjallar um það hvernig verðbréfamiðlarinn Nick Leeson náði einn síns liðs að knésetja Barings-bankann, einn elsta og virtasta banka Bretlands.
- The Way of the Flesh (1997): Myndin segir frá Henrietta Lacks, konu sem dó úr krabbameini árið 1951 en leyfði lækni að taka frumusýni úr illkynja æxlinu og viðhalda þeim með frumuskiptingu. Til þess að hægt væri að rannsaka krabbamein.
- The Mayfair Set (1999): Myndin fjallar um hvernig fjárfestar á frjálsum markaði höfðu áhrif á samtíma sinn á þeim tíma sem Margaret Thatcher var forsætisráðherra Bretlands.
- The Century of the Self (2002): Myndin fjallar um það hvernig kenningar Sigmund Freud um einstaklinginn og brautryðjendastarf frænda hans, Edward Bernays, í auglýsingasálfræði lögðu grunninn að neyslusamfélagi nútímans.
- The Power of Nightmares (2004): Myndin fjallar um stríðið gegn hryðjuverkum. Í henni er sett fram sú kenning að bæði stjórnmálamenn á Vesturlöndum og öfgasinnaðir múslimar í Arabaheiminum hagnist báðir á því að skapa goðsögn um hættulegan óvin.
- The Trap – What happened to our Dream of Freedom (2007): Myndin fjallar það hvernig kenningar um mannlega hegðun, sem byggðar voru á leikjafræðilíkönum John Nashs frá Kaldastríðstímanum, hafa haft áhrif á það hvernig nútímamaðurinn lítur á hugtakið frelsi.
- It Felt Like A Kiss (2009)
- All Watched Over By Machines of Loving Grace (2011)