Ábyrg framtíð
Ábyrg framtíð er íslenskur stjórnmálaflokkur. Hann var stofnaður 27. júlí 2021 af baráttuhóp gegn sóttvarnaraðgerðum vegna Covid-19 og sem talaði fyrir mikilvægi lýðræðislegs ferlis sóttvarnarviðbrögðum og mikilvægi þess að virða stjórnarskrárbundin réttindi.[1] Hópurinn hafði einnig varað við hættur af notkun bóluefna sem enn voru á tilraunastigi[2]. Grunnstefna ábyrgrar framtíðar er að tala fyrir að valdhafar þurfi að bera ábyrgð á embættisgjörðum sínum, og þegar það er ekki hægt þurfi að auka vald borgaranna yfir eigin lífi.
Undanfari baráttu hópsins voru tíð skrif Jóhannesar Loftssonar árið 2020, þar sem talað var mjög sterkt gegn hörðum sóttvarnaaðgerðum. Flokkurinn bauð fram í alþingiskosningunum 2021[3] og til borgarstjórnar í Reykjavík í sveitarstjórnarkosningum 2022. Í alþingiskosningunum 2022 var Ábyrg framtíð eini flokkurinn sem var sem stefnu á að taka á kóvidfárinu, m.a. með því að efla heilbrigðiskerfið tímabundið meðan faraldurinn færi yfir og leyfa skaðlausar lækningar. [4]
Sveitastjórnarkosningar 2022 breyta
Flokkurinn býður fram í Reykjavík í sveitastjórnarkosningunum 2022.
Stefnumál í kosningunum eru helst þessi:
- Byggjum ódýrt strax - Aukum lóðaframboð og byggjum land Keldna. Stækkum Reykjavík með Viðeyjarleið sem sem tengir miðbæinn við Kjalarnes og Gufunes.
- Bætum flæðið strax - Höfnum dýrum samgöngusáttmála og förum strax í hagkvæmari framkvæmdir sem bæta flæðið. Eflum samgönguása borgarinnar og tengjum Reykjavík með Viðeyjarleið.
- Notum Reykjavíkurflugvöll - Leyfum meira millilandaflug frá Reykjavík.
- Stöðvum sóunina - Forgangsröðum grunnþjónustu og stöðvum vanundirbúin verkefni með óháðu sérfræðimati.[5]
Alþingiskosningar 2021 breyta
Flokkurinn bauð fyrst fram í alþingiskosningunum 2021 og var tilkynnt um framboðið 10. september 2021 í fjölmiðlum.[6] Flokkurinn ætlaði uppaflega að bjóða fram í tveimur kjördæmum, Reykjavík Norður og Suðurkjördæmi en vegna fárra undirskrifta gátu þau einungis boðið fram í Reykjavíkurkjördæmi Norður sem gerði það meðal annars að formaður flokksins, Jóhannes Loftsson gat ekki kosið flokkinn í kosningunum.[7]
Stefnumál í kosningunum voru helst þessi:
- Enda fárið - Allri valdbeitingu hætt. Leyfum snemmmeðferðir og beitum stýrðri vernd. Bóluefnatilraunir barna lúti reglum um lyfjatilraunir.
- Gagnsætt uppgjör - Öll vafaatriði fái úrskurð dómstóla, gagnsæ rannsókn gerð á skaðasóttvarnaraðgerða og brotlegir látnir sæta ábyrgð.
- Eflum tjáningarfrelsið - Fólk ráði til hvaða fjölmiðils eða menningarefnis útvarpsgjaldið renni.[8]
Flokkurinn fékk 0,1% fylgi, 144 atkvæði og enga þingmenn kjörna.[9]
Tenglar breyta
Heimildir breyta
- ↑ Jóhannes Loftsson; og fleiri (febrúar 2021). „Umsögn um frumvarp til laga um breytingar á sóttvarnarlögu, nr. 19/1995“ (PDF). alþingi.
- ↑ Guðmundur Karl Snæbjörnsson, Helgi Örn Viggósson, Jóhannes Loftsson (júní 2021). „Erum við á réttri leið“. covidspyrnan.is.
- ↑ „Efasemdafólk um sóttvarnir og bólusetningar stofna nýjan flokk og bjóða fram í næstu kosningum“. DV. 27. júlí 2021. Sótt 28. september 2021.
- ↑ Jóhannes Loftsson (september 2021). „Eðlilegt líf“. www.mbl.is.
- ↑ „Stefna“. Ábyrg Framtíð (enska). Sótt 15. apríl 2022.[óvirkur tengill]
- ↑ „Ellefu listar í tveimur kjördæmum“. www.mbl.is. Sótt 28. september 2021.
- ↑ „Getur hvorki kosið sjálfan sig né flokk sinn“. RÚV. 24. september 2021. Sótt 28. september 2021.
- ↑ „Ábyrg Framtíð“ (enska). Afrit af upprunalegu geymt þann 27. september 2021. Sótt 28. september 2021.
- ↑ „Úrslit Alþingiskosninga 2021“. www.mbl.is. Sótt 28. september 2021.