Vogue

Vogue er tísku- og lífsstílstímarit sem fyrirtækið Condé Nast Publications gefur út á 18 löndum. Í hverri útgáfu Vogue er fjallað um tísku, lífstíl og hönnun. New York Times telur Vogue heimsins áhrifamesta tískutímarit nú til dags. Undanfarin ár er ritstjóri tímaritsins Anna Wintour orðin velþekkt fyrir stjórnunarstíl sinn þannig að bók hefur verið skrifuð um hana að nafni The Devil Wears Prada, sem var gerð að kvikmynd árið 2006.

Sienna Miller á forsíðu Vogue árið 2007.

Saga

Forsíða Vogue árið 1917.

Tímaritið var stofnað árið 1892 af Arthur Baldwin Turnure og það var gefið út vikulega. Þegar að hann dó árið 1909 keypti Condé Nast tímaritið og það hófst að vaxa. Fyrsta breyting sem Nast gerði var að tímaritið varð gefið út aðra hverja viku. Á öðrum áratug 20. aldar fór Nast til útlanda. Hann fór til Bretlands og þar stofnaði hann annað Vogue, sem gekk vel. Þá fór hann til Spánar en þar gekk honum ekki svo vel. Síðast fór hann til Frakklands og stofnaði Vogue þar, sem gekk ákaflega vel. Bæði fjöldi ritverka í eigu tímaritsins og hagnaður þess uxu mikið undir stjórn Nasts. Áskriftir stórjukust í Kreppunni miklu og aftur á seinni heimsstyrjöldinni. Á sjöunda áratugnum undir ritsjórn Diönu Vreeland lék Vogue hlutverk í kynferðislegu byltinginni með því að beina sér að samtímatísku og að ræða kynlíf opinberlega. Vogue hélt áfram að gera fyrirsætum að velþekktum stjörnum, þar á meðal Suzy Parker, Twiggy, Jean Shrimpton, Lauren Hutton, Veruschka, Marisa Berenson og Penelope Tree.

Árið 1973 var byrjað á að gefa út Vogue mánaðarlega. Undir Grace Mirabella voru margar ritstjórnar- og stílsbreytingar hjá tímaritinu, sem viðbragð við breytandi bragðskyn markhóps tímaritsins.

Núverandi ritsjóri Vogue er Anna Wintour, sem þekkt er fyrir hárgreiðslu sína og að hún er með sólgleraugu innandyra. Síðan hún tók við stjórn tímaritsins árið 1988 hefur Wintour reyndi að verja orðstír Vogue fyrir þeim annarra tímarita. Til þess að afreka það beindi hún Vogue að nýjum hugmyndum um tísku svo að tímaritið heillaði nýja lesendur. Þannig gat Wintour haldið dreifingu hárri og uppgötvað nýjar tískusveiflur sem lesendur gætu haft efni á. Til dæmis á fyrstu forsíðu Wintours var ísraelska fyrirsætan Michaela Bercu í gallabuxum og jakka eftir Christian Lacroix. Þetta var ólíkt því sem forverar hennar hafði gert, þar sem þau settu nærmynd af andlit konu á forsíðuna.

Útgáfur

Nú til dags er Vogue gefið út á eftirfarandi löndum:

• Ástralíu
• Bandaríkjunum
• Brasilíu
• Bretlandi
• Frakklandi

• Grikklandi
• Indlandi
• Ítalíu
• Japan
• Kína

• Kóreu
• Mexíkó
• Portúgal
• Rússlandi
• Spáni

• Taívan
• Tyrklandi
• Þýskalandi

Ritstjórar

Land	Ritstjóri	Byrjaði	Lauk við
Bandaríkin	Josephine Redding	1892	1901
	Marie Harrison	1901	1914
	Edna Woolman Chase	1914	1951
	Jessica Daves	1952	1963
	Diana Vreeland	1963	1971
	Grace Mirabella	1971	1988
	Anna Wintour	1988	núverandi
Bretland	Elspeth Champcommunal	1916	1922
	Dorothy Todd	1923	1926
	Alison Settle	1926	1934
	Elizabeth Penrose	1934	1940
	Audrey Withers	1940	1961
	Ailsa Garland	1961	1965
	Beatrix Miller	1965	1984
	Anna Wintour	1985	1987
	Liz Tilberis	1988	1992
	Alexandra Shulman	1992	núverandi
Frakkland	Cosette Vogel	1922	1927
	Main Bocher	1927	1929
	Michel de Brunhoff	1929	1954
	Edmonde Charles-Roux	1954	1966
	Francine Crescent	1968	1987
	Colombe Pringle	1987	1994
	Joan Juliet Buck	1994	2001
	Carine Roitfeld	2001	2010
Rússland	Aliona Doletskaya	1998	2010
	Victoria Davydova	2010	núverandi

Tenglar

• Bandarískt Vogue
• Breskt Vogue