Síminn

Síminn er íslenskt símafyrirtæki í einkaeigu. Fyrirtækið var áður í ríkiseigu og hét þá Landssími Íslands, stofnað árið 1906. Landsíminn var í fyrstu í gamla barnaskólanum í Reykjavík á horni Pósthússtrætis og Hafnarstrætis. Fyrsti yfirmaður Landssímans var Norðmaðurinn Olav Forberg en hann hafði stjórnað lagningu símalína um landið. Fyrstu menntuðu íslensku símamennirnir voru símritarar sem höfðu verið í námi hjá Mikla norræna ritsímafélaginu í Kaupmannahöfn.

Síminn hf.
Rekstrarform	Hlutafélag
Slagorð	Þú getur meira með Símanum
Stofnað	Upprunalega 1906 (sameinað úr Landssíma Íslands, Íslenska sjónvarpsfélaginu og Skipti árið 2005)
Staðsetning	Ármúli 25 108 Reykjavík
Lykilpersónur	Jón Sigurðsson, stjórnarformaður María Björk Einarsdóttir, forstjóri
Starfsemi	Fjarskipti
Vefsíða	siminn.is

Landssímahúsið við Austurvöll.

Landssími Íslands var stofnaður sama ár og sæsímastrengur fyrir ritsíma var lagður frá Skotlandi um Færeyjar til Íslands og kom hann á land á Seyðisfirði. Skeyta- og talsími var lagður frá Seyðisfirði um Akureyri og til Reykjavíkur.

Árið 1935 var síma- og póstþjónustan sameinuð í eitt fyrirtæki.^{[heimild vantar]} Í júní 1996 var samþykkt að breyta Póst- og símamálastofnun ríkisins í hlutafélagið Póstur & sími hf. sem hóf störf í ársbyrjun 1997. Árið 1998 var Landssími Íslands hf stofnaður.^{[heimild vantar]}

Einkavæðing

Haustið 2005 seldi Ríkisstjórn Íslands 98,8% eignarhlut sinn í Landssíma Íslands til Skipta ehf fyrir 66,7 milljarða króna. Salan var mikið gagnrýnd, m.a. vegna þess að engin skilyrði fylgdu sem tryggðu samkeppni á grunnneti Landssímans. Áhyggjurnar raungerðust og árið 2013 gerði Síminn sátt við Samkeppniseftirlitið eftir að hafa misnotað á markaðsráðandi stöðu sína á fjarskiptamarkað og greiddi Skiptir hf. 300 milljónir króna í stjórnvaldssekt vegna þess. Í kjölfarið var Síminn dæmdur í héraðsdómstól til að borga þremur netþjónustufyrirtækjum 111 milljónir króna í skaðabætur, auk kostnaðar, vegna brotanna.

15. október 2015 var Síminn formlega skráður á aðalmarkað Nasdaq Iceland.

Samkeppnisbrot og sektir

Á árunum 2001 til 2012 var Síminn það fyrirtæki sem oftast var sektað af Samkeppniseftirlitinu, eða fimm sinnum fyrir samanlagt 585 milljónir. Hér að neðan má sjá lista yfir hluta þeirra brota er Síminn hefur verið sektaður fyrir.

• Árið 2001 var Síminn sektaður af Samkeppniseftirlitinu um 40 milljónir fyrir misnotkun á markaðsráðandi stöðu.
• Árið 2009 var Síminn dæmdur til að borga 60 milljónir í stjórnvaldsekt fyrir að hafa misnotað markaðsráðandi stöðu sína í tengslum við tilboð vegna 3G myndlykla til viðskiptavina sinna sumarið 2009.
• Árið 2010 sektaði Samkeppniseftirlitið Símann um 150 milljónir vegna brota við skilyrði sem eftirlitið setti honum vegna fyrri brota og þannig raskað með alvarlegum hætti samkeppni frá minni keppinautum. Sektin var seinna lækkuð í 50 milljónir.
• Árið 2012 var Síminn sektaður um 390 milljónir fyrir markaðsbrot á árunum 2001 til 2007 sem fólst í að taka óeðlilega hátt gjald fyrir að hleypa öðrum símfyrirtækjum inn á kerfi sitt.
• Árið 2019 var Síminn sektaður um 9 milljónir vegna ítrekaðra brota gegn fjölmiðlalögum.
• Í Desember 2024 hafnaði Héraðsdómur að fella niður 76,5 milljón króna sekt fjármálaeftirlitsnefndar Seðlabankans á Símann vegna upplýsingagjafar varðandi söluna á Mílu.
• Þann 26. febrúar 2025 var Síminn dæmdur í Hæstarétti til að borga 400 milljónir króna í stjórnvaldssekt vegna samkeppnislagabrota í tengslum við sölu á áskriftum á útsendingum á enska boltanum.

Heimildir

• Skipti:Saga Geymt 25 september 2008 í Wayback Machine
• Saga Símans

Tenglar

• Heimasíða Símans

Síminn í fjölmiðlum

• Viðskiptavild Skipta lækkaði um 33 milljarða frá 2008 Geymt 2 júlí 2014 í Wayback Machine