Norræna upplýsingaskrifstofan á Akureyri
Norræna upplýsingaskrifstofan á Akureyri var opnuð 1996. Hún er hluti nets norrænna upplýsingaskrifstofa sem starfa á vegum Norrænu ráðherranefndarinnar víða á Norðurlöndunum, í Eystrasaltslöndunum og í Norðvestur-Rússlandi. Upplýsingaskrifstofurnar á Norðurlöndunum eru gjarnan á stöðum sem ekki liggja nálægt höfuðborgarsvæði hvers lands. Á öðrum Norðurlöndum má nefna upplýsingamiðstöð í Gautaborg, Norður-Noregi, á Suður-Jótlandi og í Vasa í Finnlandi.
Hlutverk upplýsingamiðstöðvarinnar á Akureyri er fyrst og fremst að miðla upplýsingum um norrænt samstarf og stuðla að samvinnu þeirra sem vinna að norrænum málum. Sérstök áhersla er á ungt fólk og möguleika þess í norrænni samvinnu. Einnig veitir miðstöðin aðstoð og upplýsingar við umsóknir norrænna styrkja. Upplýsingamiðstöðin stendur auk þess fyrir norrænum menningarviðburðum í samstarfi við ýmsa aðila.
Tenglar
breyta- Norræna upplýsingaskrifstofan á Akureyri Geymt 27 júní 2009 í Wayback Machine
- Um Norrænu upplýsingaskrifstofurnar á Norden.org[óvirkur tengill] (á íslensku)
- Um Norrænu ráðherranefndina á norden.org[óvirkur tengill] (á íslensku)
- Halló Norðurlönd Geymt 27 mars 2009 í Wayback Machine (á íslensku)
- Norræna félagið á Íslandi
- Nordjobb (á íslensku)
