Opna aðalvalmynd
Við samningaborðið. Í bakgrunninum er mynd af Bjarna Benediktssyni eftir Svölu Salman.
Ronald Reagan og Mikhaíl Gorbatsjev eftir síðasta fund þeirra í Höfða.

Leiðtogafundurinn í Höfða var fundur milli Ronald Reagan, forseta Bandaríkjanna og Mikhaíl Gorbatsjev, leiðtoga Sovétríkjanna sem haldinn var í Höfða 11. til 12. október 1986. Tilgangur fundsins var undirbúa fund leiðtoganna í Washington ári síðar en þar átti að ræða um takmörkun á vígbúnaði og deilu- og mannréttindamál.

Um tíma kom til greina að halda fundinn á Hótel Sögu eða jafnvel Kjarvalsstöðum en þar hittust Pompidou forseti Frakklands og Nixon forseti Bandaríkjanna árið 1973.

ViðbúnaðurBreyta

Mikil öryggisviðbúnaður var við komu leiðtogana, sem dæmi má nefna að skotheldar bifreiðar voru fluttar til landsins, hús í nágrenni við Höfða voru rýmd á meðan á fundinum stóð og var eftirlit með farþegum til landsins hert en fundurinn var ákveðin með aðeins 10 daga fyrirvara. Í fylgdarliði leiðtogana voru alls um 400 manns en einnig heimsóttu um 1.000 blaðamenn landið vegna fundarins.

NiðurstaðaBreyta

Fundinum var slitið án niðurstöðu en þrátt fyrir það er talið að hann hafi gegnt gífurlega mikilvægu hlutverki í þróun afvopnunarmála og verið mikilvægur þáttur í undirritun INF-sáttmálans í desember 1987.

HeimildirBreyta

  • „Reykjavik Summit: The Legacy and a Lesson for the Future“. Nuclear Threat Initiative. Sótt 21. ágúst 2012.
  • „The INF Treaty“. Sótt 21. ágúst 2012.
  • „Óvæntur fundur leiðtoga Bandarikjanna og Sovétríkjanna: Gorbachev bauð tvær borgir - Reagan valdi Reykjavík“. Morgunblaðið. 1. október 1986. Sótt 21. ágúst 2012.