Kommúnistaflokkur Tékkóslóvakíu
Kommúnistaflokkur Tékkóslóvakíu var kommúnískur stjórnmálaflokkur stofnaður í Tékkóslóvakíu árið 1921. Flokkurinn rændi völdum í landinu árið 1948 og stofnaði Alþýðulýðveldið Tékkóslóvakíu. Alþýðulýðveldið var lítið annað en leppríki Sovétríkjanna. Alræði flokksins lauk í Flauelsbyltingunni 1989 en hann var þó áfram til. Árið 1990 varð hann sambandsflokkur Kommúnistaflokks Bæheims og Mæris og Kommúnistaflokks Slóvakíu. Flokkurinn var leystur upp eftir skiptingu Tékkóslóvakíu í Tékkland og Slóvakíu árið 1992. Árið eftir samþykkti tékkneska þingið þingsályktun þar sem stóð að kommúnistastjórnin í Tékkóslóvakíu hefði verið ólögmæt og Kommúnistaflokkurinn glæpasamtök. Árið 1995 var flokkurinn endurreistur af nokkrum fyrrum meðlimum. Markmið hans er að endurreisa það stjórnarfar sem var við lýði fyrir 1989. Hingað til hefur þessi flokkur verið mjög lítill og aldrei náð manni á þing í kosningum.
| Kommúnistaflokkur Tékkóslóvakíu Komunistická strana Československa | |
|---|---|
 | |
| Aðalritari | Václav Šturc (fyrstur) Ladislav Adamec (síðastur) |
| Stofnár | 16. maí 1921 |
| Lagt niður | 23. apríl 1992 |
| Gekk í | Kommúnistaflokk Bæheims og Mæris (í Tékklandi) Lýðræðislega vinstriflokkinn (í Slóvakíu) |
| Höfuðstöðvar | Prag, Tékkóslóvakíu |
| Stjórnmálaleg hugmyndafræði |
Kommúnismi, marx-lenínismi, sósíalismi með mannlegri ásjónu (1968) |
| Einkennislitur | Rauður |
Leiðtogar
breyta- Ýmsir (1921–1925)
- Bohumil Jílek (1925–1929)
- Klement Gottwald (1929–1953)
- Antonín Novotný (1953–1968)
- Alexander Dubček (1968–1969)
- Gustáv Husák (1969–1987)
- Miloš Jakeš (1987 – 24. nóvember, 1989)
- Karel Urbánek (25. nóvember – 20. desember, 1989)
- Ladislav Adamec (1989–1990)
- Vasil Mohorita (1989–1990)
