Jakobína Sigurðardóttir
Jakobína Sigurðardóttir (8. júlí 1918 – 29. janúar 1994) var íslenskur rithöfundur og skáld. Jakobína fæddist í Hælavík í Sléttuhreppi í Norður-Ísafjarðarsýslu og ólst upp þar fram á unglingsár. Foreldrar hennar voru Sigurður Sigurðsson, er bjó í Hælavík en varð síðar símstöðvarstjóri á Hesteyri, og kona hans, Stefanía Halldóra Guðnadóttir húsfreyja.
Jakobína stundaði nám við Ingimarsskólann í Reykjavík og nam utanskóla við Kennaraskóla Íslands í hálfan vetur. Árið 1949 fluttist hún að Garði í Mývatnssveit, þar sem hún síðan var húsfreyja. Eiginmaður hennar var Þorgrímur Starri Björgvinsson, bóndi í Garði. Jakobína var með þekktustu rithöfundum landsins á sinni tíð og var í heiðurslaunaflokki listamanna á efri árum.
Börn Jakobínu og Þorgríms Starra:
- Stefanía 1950-2013
- Sigrún Huld 1952
- Sigríður Kristín 1956
- Kári 1959
Fríða Á. Sigurðardóttir rithöfundur var meðal systkina hennar.
RitverkBreyta
- Sagan af Snæbjörtu Eldsdóttur og Ketilríði Kotungsdóttur (ævintýri) 1959
- Kvæði 1960
- Punktur á skökkum stað, smásögur, 1964
- Dægurvísa. Saga úr Reykjavíkurlífinu, 1965
- Snaran, skáldsaga, 1968
- Sjö vindur gráar, smásögur, 1970
- Lifandi vatnið, skáldsaga, 1974
- Í sama klefa, skáldsaga, 1981
- Kvæði, önnur útgáfa aukin, 1983
- Vegurinn upp á fjallið, smásögur, 1991
- Í barndómi, minningar (1994)
Skáldsögurnar Dægurvísa, Snaran og Lifandi vatnið voru allar valdar sem framlag Íslands til Bókmenntaverðlauna Norðurlanda. Jakobína hlaut bókmenntaverðlaun Ríkisútvarpsins 1979.
Tengt efniBreyta
TenglarBreyta
- Vefsíða um Jakobínu Sigurðardóttur
- Orðfæð mun ekki baga Mývetninga; grein í Lesbók Morgunblaðsins 1967
- Jakobína Sigurðardóttir; grein í DV 1994
- Jakobína Sigurðardóttir Melkorka, 3. Tölublað (01.12.1959), Blaðsíða 80
- "Form og stíll örðugt viðfangs" Frásagnaraðferð í verkum Jakobínu Sigurðardóttur" M.A. ritgerð Geymt 2016-03-05 í Wayback Machine
