Guillermo Lasso
Guillermo Alberto Santiago Lasso Mendoza (fæddur 16. nóvember 1955) er fyrrverandi forseti Ekvador. Hann tók við embætti 24. maí 2021.[1][2] Lasso bauð sig fram í forsetakosningum Ekvadors árið 2021[3] og vann sigur gegn Andrés Arauz,[4][5] þvert á væntingar margra stjórnmálaskýrenda.[6][7] Hann hafði áður boðið sig fram til forseta í kosningum árin 2013 og 2017. Árið 2013 tapaði hann með miklum mun gegn sitjandi forsetanum Rafael Correa.[8] Í kosningunum 2017 komst hann í aðra umferð á móti fyrrum varaforsetanum Lenín Moreno en tapaði naumlega fyrir honum.[9]
| Guillermo Lasso | |
|---|---|
 Guillermo Lasso árið 2022. | |
| Forseti Ekvador | |
| Í embætti 24. maí 2021 – 23. nóvember 2023 | |
| Varaforseti | Alfredo Borrero |
| Forveri | Lenín Moreno |
| Eftirmaður | Daniel Noboa |
| Persónulegar upplýsingar | |
| Fæddur | 16. september 1955 Guayaquil, Ekvador |
| Þjóðerni | Ekvadorskur |
| Stjórnmálaflokkur | CREO-hreyfingin |
| Maki | María de Lourdes Alcívar Crespo (g. 1981) |
| Börn | 5 |
| Háskóli | Kaþólski páfaháskólinn í Ekvador |
| Starf | Viðskiptamaður, stjórnmálamaður |
| Vefsíða | guillermolasso.ec |
Lasso var efnahagsráðherra í forsetatíð Jamil Mahuad í stuttan tíma árið 1999. Hann hafði áður verið héraðsstjóri Guayas frá 1998 til 1999. Lasso er jafnframt bankamaður og hafði áður verið framkvæmdastjóri Banco Guayaquil.[10] Á forsetatíð Rafaels Correa var Lasso kunnur gagnrýnandi stjórnarinnar.[8]
Lasso er talinn frjálslyndur[11] og hefur talað fyrir stefnumálum í anda klassískrar frjálshyggju, meðal annars skiptingu ríkisvaldsins til að hafa taumhald á ríkisstjórninni.[12] Hann hefur jafnframt talað fyrir skattalækkunum og fyrir markaðsfrelsi.[13]
Í lok apríl 2022 lýsti Lasso yfir tveggja mánaða neyðarástandi í þremur héruðum Ekvador vegna ofbeldis- og morðöldu.[14] Í júní sama ár brutust út fjöldamótmæli gegn stjórn Lassos sem voru upphaflega leidd af frumbyggjaþjóðum Ekvador en hlutu síðan einnig stuðning verkamanna og námsmanna sem kröfðust lækkunar á eldsneytisverði og frekari aðgerða til að bæta efnahag landsins.[15] Lasso lýsti aftur yfir neyðarástandi til að gera ekvadorska hernum auðveldara fyrir að bæla niður mótmælin.[16] Vegna mótmælanna lögðu þingmenn stjórnarandstöðunnar fram vantrauststillögu til að víkja Lasso úr embætti þann 29. júní en náðu ekki tilskildum fjölda atkvæða.[17] Ríkisstjórn Lassos undirritaði samkomulag við fulltrúa frumbyggjaþjóða Ekvador til að binda enda á mótmælin þann 30. júní.[18]
Þann 15. maí 2023 leysti Lasso upp ekvadorska þjóðþingið vegna stjórnmálakreppu og þjóðaruppþots og boðaði til kosninga. Þetta var degi eftir að þingið hafði hafið réttarhöld gegn Lasso vegna meintrar spillingar innan ríkisfyrirtækja. Lasso er fyrsti forseti Ekvador sem beitir þessari þingrofsheimild, sem gefur honum heimild til að stýra landinu með tilskipunum þar til nýtt þing kemur saman.[19] Lasso gaf ekki kost á sér til endurkjörs í forsetakosningum sem voru tímasettar í ágúst og október þetta ár.[20]
Tilvísanir breyta
- ↑ „LATEST: Ecuador's pro-market candidate Guillermo Lasso wins the presidential runoff“. Bloomberg Quicktake. 11. apríl 2021. Sótt 11. apríl 2021.
- ↑ „Ecuador goes with conservative banker in presidential vote“. Associated Press. 11. apríl 2021.
- ↑ „CNE acepta candidatura del binomio Lasso-Borrero, impugnada por el correísmo“. 22. janúar 2021.
- ↑ Leon Cabrera, Jose Maria (11. apríl 2021). „Conservative Ex-Banker Headed to Victory in Presidential Election in Ecuador“. The New York Times. Sótt 14. apríl 2021.
- ↑ „Guillermo Lasso: Conservative ex-banker elected Ecuador president“. BBC World News. 12. apríl 2021. Sótt 14. apríl 2021.
- ↑ „Ecuador election: former banker Lasso is surprise winner“. The Guardian. 11. apríl 2021.
- ↑ „Lasso wins Ecuador presidency in upset over socialist rival“. Yahoo. 11. apríl 2021.
- ↑ 8,0 8,1 Neuman, William (17. febrúar 2013). „President Correa Handily Wins Re-election in Ecuador“. The New York Times.
- ↑ „Guillermo Lasso refuses to concede in Ecuador election“. www.aljazeera.com.
- ↑ „Guillermo Lasso renunció a la presidencia ejecutiva del Banco de Guayaquil“. El Universo. 7. maí 2012.
- ↑ „Guillermo Lasso: Mi vida me hizo liberal“. El Universo (spænska). 9. maí 2012. Sótt 27. maí 2020.
- ↑ „Lasso dice que no persigue el poder total“. El Comercio. Sótt 27. maí 2020.
- ↑ „Ecuador's Guillermo Lasso Wins Presidential Election“. The Wall Street Journal. 11. apríl 2021.
- ↑ Ævar Örn Jósepsson (30. apríl 2022). „Neyðarástand vegna morð- og glæpaöldu í Ekvador“. RÚV. Sótt 15. ágúst 2022.
- ↑ Ólöf Rún Erlendsdóttir (19. júní 2022). „Mótmælendur í Ekvador loka vegum inn í höfuðborgina“. RÚV. Sótt 15. ágúst 2022.
- ↑ Ólöf Rún Erlendsdóttir (18. júní 2022). „Forseti Ekvador lýsir yfir neyðarástandi vegna mótmæla“. RÚV. Sótt 15. ágúst 2022.
- ↑ Ólöf Rún Erlendsdóttir (29. júní 2022). „Reyndu að víkja forseta Ekvadors úr embætti“. RÚV. Sótt 15. ágúst 2022.
- ↑ Ásta Hlín Magnúsdóttir (30. júní 2022). „Bundinn endir á mótmæli í Ekvador“. RÚV. Sótt 15. ágúst 2022.
- ↑ „Forseti Ekvadors leysir upp þjóðþingið“. mbl.is. 17. maí 2023. Sótt 19. maí 2023.
- ↑ „Ekvadorar í sárum“. mbl.is. 10. ágúst 2023. Sótt 6. september 2023.
| Fyrirrennari: Lenín Moreno |
|
Eftirmaður: Daniel Noboa | |||
Þetta æviágrip sem tengist stjórnmálum er stubbur. Þú getur hjálpað til með því að bæta við greinina.